Taliban Government: తూటాలకు అదరలేదు.. బాంబులకు బెదరలేదు.. ఓ మగువా నీ తెగువకు సలాం

అఫ్గాన్ లో మహిళా లోకం గళం విప్పుతోంది. తుపాకులు చూపించిన అదరడం లేదు. బాంబులకు బెదరడం లేదు. తాలిబన్లకు ఎదురునిలిచి ధైర్యంగా నిరసన చేస్తున్నారు.

అఫ్దాన్ తాలిబన్లకు వ్యతిరేకంగా మహిళల నిరసనలు

తాలిబన్లను చూస్తేనే ఒకప్పుడు అఫ్గాన్ లో మహిళలు బెదిరిపోయేవారు. కానీ కాలం మారింది. మహిళల్లో చైతన్యం పెరిగింది. తాలిబన్లు అఫ్గాన్ లో ప్రభుత్వం ఏర్పాటు చేసినప్పటికీ మా హక్కులను కాలరాసే అధికారం మీకెక్కడిదంటూ మహిళలు నినదిస్తున్నారు. దుష్టమూకల ఆరాచక పాలనకు ఎదురొడ్డుతున్నారు.

విద్య, ఉద్యోగం తదితర రంగాల్లో హక్కుల సాధనతోపాటు దేశంలో కొత్తగా కొలువుదీరనున్న తాలిబన్ల ప్రభుత్వంలో తమకూ భాగస్వామ్యం కల్పించాలంటూ పోరాడుతున్నారు. తాలిబన్లు ఎక్కడికక్కడ వారిని అడ్డుకుంటున్నప్పటికీ వెనుకడుగు వేయడం లేదు.

మహిళలే..

Anger mounting on the streets of Kabul, people chanting "freedom" and "death to Pakistan". The demonstrators, many of them women, are in the centre of the Afghan capital #Afghanistan pic.twitter.com/Jg5RDzFsiA

— Yalda Hakim (@BBCYaldaHakim) September 7, 2021

"Do not recognise the Taliban or legitimise them"

A 2nd day of protests held by brave women in Kabul. The West & countries in the region have already abandoned Afghan women. But their recognition of the Taliban could make things even worse for them

Don't abandon Afghan women pic.twitter.com/VzvWIyxSjN

— Masih Alinejad 🏳️ (@AlinejadMasih) September 4, 2021

తాలిబన్ల ఆపద్ధర్మ సర్కార్ ఏర్పడిన తర్వాత నిరసనలు వెల్లువెత్తుతున్నాయి. ముఖ్యంగా మహిళలు తమ హక్కుల కోసం నిరసన బాటపట్టారు. అయితే ఎట్టిపరిస్థితుల్లోనూ ఈ నిరసనలను అడ్డుకోవాలని తాలిబన్లు ఆదేశాలు జారీ చేశారు.

ఎవరైన నిరసన వ్యక్తం చేయాలంటే కచ్చితంగా అనుమతి తీసుకోవాలని, ఎలాంటి నినాదాలు, బ్యానర్లు వినియోగిస్తున్నారో వెల్లడించాలని తాలిబన్లు స్పష్టం చేశారు. ఈ మేరకు ఏపీ ఏజెన్సీ న్యూస్ తెలిపింది. ప్రస్తుతం ఆందోళనకారులపై తాలిబన్లు క్రూరంగా వ్యవహరిస్తున్నారు. దాడులు కూడా చేస్తున్నారు.

ఇందుకోసమే..

ఇస్లామిక్ రూలర్లకు వ్యతిరేకంగా తమ హక్కుల కోసం గళం విప్పుతోన్న మహిళలను అడ్డుకోవాలని తాలిబన్లు నిర్ణయించారు. ఈ మేరకు తాలిబన్ల సర్కార్ లోని న్యాయ మంత్రిత్వ శాఖ వెల్లడించింది. ప్రస్తుత సమయంలో ఎలాంటి నిరసనలకు అనుమతి లేదని, ఏ కారణంతోనూ ఆందోళన చేయకూడదని పేర్కొంది.

ఒకవేళ నిరసన వ్యక్తం చేయాలంటే న్యాయమంత్రిత్వశాఖ నుంచి కచ్చితమైన అనుమతి తీసుకోవాలని తాలిబన్లు ప్రకటించారు. నిరసనకు గల కారణాలు, ఎక్కడ ఏ సమయంలో చేస్తారు సహా స్లోగన్ వివరాలను కూడా తెలియజేయాలని వెల్లడించారు.