అదానీ ప్రస్తావన వస్తేనే మోదీ భయపడుతున్నారు, మాట్లాడే హక్కు నాకుంది - కేంద్రంపై రాహుల్ ఫైర్

Rahul Gandhi on Modi: మాట్లాడే హక్కుని ప్రజాస్వామ్యం కల్పించిందని, అదానీ అంశం ప్రధానిని భయపెడుతోందని రాహుల్ అన్నారు.

మాట్లాడే హక్కుని ప్రజాస్వామ్యం కల్పించిందని, అదానీ అంశం ప్రధానిని భయపెడుతోందని రాహుల్ అన్నారు. (Image Credits: Twitter)

Rahul Gandhi on Modi:

అదాని, ప్రధాని మధ్య రిలేషన్ ఏంటి: రాహుల్ గాంధీ

బ్రిటన్ పర్యటనలో రాహుల్ గాంధీ భారత్‌పై, మోదీ సర్కార్‌పై చేసిన వ్యాఖ్యలు దుమారం రేపాయి. భారత్‌ను కించపరిచారంటూ బీజేపీ తీవ్రంగా మండి పడుతోంది. ఇటీవలే ఆ పర్యటన ముగించి వచ్చిన రాహుల్ గాంధీ ప్రెస్ కాన్ఫరెన్స్  ఏర్పాటు చేశారు. తనపై బీజేపీ చేస్తున్న విమర్శలకు కౌంటర్ ఇచ్చారు. మోదీ హయాంలో నిజంగా ప్రజాస్వామ్యమనేదే ఉంటే...కచ్చితంగా తనకు పార్లమెంట్‌లో మాట్లాడే అవకాశం వచ్చి ఉండేదని సెటైర్లు వేశారు. ఇదే సమయంలో గౌతమ్ అదాని, ప్రధాని మధ్య రిలేషన్ ఏంటో చెప్పాలని ప్రశ్నించారు. తాను పార్లమెంట్‌లోకి వచ్చిన మరు నిముషమే సభను వాయిదా వేస్తారని విమర్శించారు.

"నాకు మాట్లాడే హక్కు ఉంది. ఆ హక్కుని ప్రజాస్వామ్యం కల్పించింది. నిజంగా దేశంలో డెమొక్రసీ ఉంటే నేను పార్లమెంట్‌లో మాట్లాడగలిగే వాడిని. ఇది నిజంగా మన దేశ ప్రజాస్వామ్యానికి పరీక్ష. అదానీ అంశంపై మేం పదేపదే ప్రశ్నిస్తున్నాం. అందుకే మోదీ సర్కార్ భయపడుతోంది. ఇకపై నాకు పార్లమెంట్‌లో మాట్లాడేందుకు అనుమతి దొరకకపోవచ్చు. మోదీ, అదానీ మధ్య సంబంధం ఏంటి అనేదే నా ప్రశ్న. అదానీ అంశంపై నేను చేసిన వ్యాఖ్యల్ని తప్పుదోవ పట్టించారు. ప్రజలకు తెలియాల్సిన సమాచారాన్ని దాచేందుకే ఇలాంటి కుట్రలు చేస్తున్నారు. నేను ఇవాళ ఉదయం పార్లమెంట్‌లో మాట్లాడేందుకు ప్రయత్నించాను. నలుగురు మంత్రులు నా ప్రసంగాన్ని అడ్డుకున్నారు. నాపై ఆరోపణలు చేశారు. కొద్ది రోజుల క్రితం నేను పార్లమెంట్‌లో అదానీ అంశం గురించి మాట్లాడాను. దాన్ని రికార్డుల నుంచి తొలగించారు. "

- రాహుల్ గాంధీ

 

I'm hopeful that I will be allowed to Speak in Parliament tomorrow.

The main question is: what is the relation between Modi and Adani?

The Modi government is scared of the Adani issue, & all this exercise is to distract from this fundamental question.

: @RahulGandhi ji pic.twitter.com/hQew59F0M2

— Congress (@INCIndia) March 16, 2023

As the allegations have been made in Parliament, it is my democratic right to have the opportunity to speak. If Indian democracy was functioning I would be able to speak in Parliament. So, actually what you are seeing is a test of Indian democracy: Congress MP Rahul Gandhi pic.twitter.com/ymMYiXh97h

— ANI (@ANI) March 16, 2023

భారత్‌కు వ్యతిరేకంగా ఏమీ మాట్లాడలేదని తేల్చి చెప్పారు రాహుల్ గాంధీ. తనకు మాట్లాడే అవకాశమిస్తే పార్లమెంట్‌లోనూ సమాధానం చెబుతానని స్పష్టం చేశారు. భారత ప్రజాస్వామ్యంపై మోదీ ప్రభుత్వం దాడి చేస్తోందని, ప్రతిపక్ష నేతల్ని మాట్లాడనివ్వడం లేదని కేంబ్రిడ్జ్ యూనివర్సిటీలో రాహుల్ ఆరోపించారు. అంతే కాదు. కొందరు నేతలపై కేంద్రం నిఘా పెడుతోందనీ అన్నారు. మీడియాను, చట్టాలను తమ చేతుల్లోకి తీసుకుంటున్నారని, దర్యాప్తు సంస్థల్ని అనుకూలంగా వాడుకుటున్నారనీ ఆరోపించారు రాహుల్. దీనిపైనే బీజేపీ ఆగ్రహం వ్యక్తం చేస్తోంది.