PK Counter To Modi : "సాహెబ్‌"కు కౌంటర్ ఇచ్చిన ప్రశాంత్ కిషోర్ ! అలా జరిగే చాన్సే లేదట

వచ్చే లోక్‌సభ ఎన్నికల ఫలితాలపై ఐదు రాష్ట్రాల ఎన్నికల ప్రభావమే ఉండదని ప్రశాంత్ కిషోర్ తేల్చేశారు. విజయానంతరం మోదీ చేసిన వ్యాఖ్యలపై ఆయన ట్విట్టర్ ద్వారా కౌంటర్ ఇచ్చారు.

"సాహెబ్‌"కు కౌంటర్ ఇచ్చిన ప్రశాంత్ కిషోర్ ! అలా జరిగే చాన్సే లేదట...

2024 పార్లమెంట్ ఎన్నికల్లోనూ ఐదు రాష్ట్రాల ఎన్నికల ఫలితాలే వస్తాయంటూ ప్రధాని మోదీ ( PM Modi ) చేసిన వ్యాఖ్యలపై రాజకీయ వ్యూహకర్త ప్రశాంత్ కిషోర్ ( PK )  కౌంటర్ ఇచ్చారు. ప్రధాని మోదీ పేరను ఎక్కడా ప్రస్తావించకుండా ట్వీట్ చేశారు. "సాహెబ్"గా అభివర్ణిస్తూ  మోదీ వ్యాఖ్యలను త‌ప్పుప‌ట్టారు. మోదీ వ్యాఖ్య‌లు ప్ర‌తిప‌క్షాల‌పై సైకాల‌జిక‌ల్ అడ్వాంటేజ్ తీసుకోవ‌డానికి చేసినవే అని ఆరోపించారు. రాష్ట్రాల‌ అసెంబ్లీ ఎన్నిక‌ల ఫ‌లితాలను ( ASssembly Election Results ) బేస్‌ చేసుకొని బీజేపీవైపు ఓటర్లను ఆకర్షించేందుకే ప్రధాని మోదీ తెలివిగా ఇలా మాట్లాడారని అన్నారు. ఈ విషయం సాహెబ్‌కు కూడా తెలుసంటూ  విమర్శలు చేశారు.  2024 లోక్‌స‌భ ఎన్నిక‌ల ఫలితాలు ఆ ఏడాదిలోని పరిణామాల వల్ల డిసైడ్ అవుతుంది తప్ప రాష్ట్రాల‌ అసెంబ్లీ ఎన్నిక‌ల ఫ‌లితాల ఆధారంగా కాదని కౌంటర్‌ ఇచ్చారు. ప్ర‌ధాని మోదీ వ్యాఖ్యలు ప్రజలను తప్పుదోవ పట్టించే విధంగా ఉన్నాయని తెలిపారు. 

 

Battle for India will be fought and decided in 2024 & not in any state #elections

Saheb knows this! Hence this clever attempt to create frenzy around state results to establish a decisive psychological advantage over opposition.

Don’t fall or be part of this false narrative.

— Prashant Kishor (@PrashantKishor) March 11, 2022

ప్రశాంత్ కిషోర్ ( Prasant Kishore ) కొంతకాలంగా బీజేపీ వ్యతిరేక పక్షాలకు పని చేస్తున్నారు. బెంగాల్ ఎన్నికల్లో మమతా బెనర్జీకి పని చేసిన తర్వాత ఆయన ప్రత్యక్షంగా ఏ పార్టీకి పని చేసేందుకు అంగీకరించడం లేదు. కానీ తన ఐ ప్యాక్ ద్వారా దేశంలో అనేక పార్టీలకు సేవలు అందిస్తున్నారు. అదే సమయంలో బీజేపీకి వ్యతిరేకంగా రాజకీయ పక్షాలను ఏకం చేసేందుకు తీవ్రంగా శ్రమిస్తున్నారు. గతంలో కాంగ్రెస్ పార్టీలో ( Congress Party ) చేరుతారని ప్రచారం జరిగినా ఆయన చేరలేదు.  ఇప్పుడు ప్రాంతీయ పార్టీలన్నింటినీ ఒకే కూటమిపైకి తెచ్చే ప్రయత్నంలో ఉన్నారు. ఇటీవల హైదరాబాద్‌లో కేసీఆర్‌తో వరుసగా రెండు రోజుల పాటు సమావేశమయ్యారు. మోదీకి  ప్రత్యామ్నాయ నేతను సిద్ధం చేసేందుకు ప్రశాంత్ కిషోర్ ప్రయత్నిస్తున్నట్లుగా తెలుస్తోంది. 

ఈ క్రమంలో ఆయన కూడా ఐదు రాష్ట్రాల ఎన్నికల్లో బీజేపీకి వ్యతిరేక ఫలితాలు వస్తాయని అనుకున్నారని కానీ రివర్స్‌లో వచ్చే సరికి ఆయన అంచనాలు తప్పాయన్న భావనలో ఉన్నారని అంటున్నారు. ప్రశాంత్ కిషోర్ పోల్ స్ట్రాటజీ ఈ సారి వర్కవుట్ కాలేదని బీజేపీ వర్గాలు చెబుతున్నాయి.