New Parliament Opening: పార్లమెంట్ ప్రారంభోత్సవాన్ని పట్టాభిషేకంలా ఫీల్ అవుతున్నారు - ప్రధానిపై రాహుల్ సెటైర్లు

New Parliament Opening: కొత్త పార్లమెంట్‌ని ప్రధాని మోదీ ప్రారంభిచడంపై రాహుల్ సెటైర్లు వేశారు.

కొత్త పార్లమెంట్‌ని ప్రధాని మోదీ ప్రారంభిచడంపై రాహుల్ సెటైర్లు వేశారు.

New Parliament Opening: 

ట్వీట్‌తో విమర్శలు..

పార్లమెంట్ ప్రారంభోత్సవంపై కొన్ని విపక్ష పార్టీలు విమర్శలు చేస్తూనే ఉన్నాయి. కాంగ్రెస్‌తో సహా దాదాపు 20 పార్టీలు ఈ కార్యక్రమాన్ని బైకాట్ చేశాయి. ప్రధాని మోదీ పార్లమెంట్‌ని ప్రారంభించిన వెంటనే విపక్ష పార్టీలకు చెందిన నేతలు వరుస ట్వీట్‌లు చేస్తున్నారు. విమర్శలతో విరుచుకు పడుతున్నారు. కాంగ్రెస్ సీనియర్ నేత, మాజీ అధ్యక్షుడు రాహుల్ గాంధీ కూడా ఓ ట్వీట్ చేశారు. పార్లమెంట్ దేశ ప్రజల గొంతుక అని వెల్లడించారి. ప్రధాని మాత్రం...ఈ కార్యక్రమాన్ని పట్టాభిషేకంలా చేసుకుంటున్నారని విమర్శించారు. ఈ మధ్య కాలంలో ప్రధానిపై తీవ్ర విమర్శలు చేస్తున్న రాహుల్..సందర్భం దొరికినప్పుడల్లా మోదీని టార్గెట్ చేస్తున్నారు.  

"పార్లమెంట్ అంటే దేశ ప్రజల గొంతుక. వాళ్ల స్వరం వినిపించే వేదిక. కానీ..ప్రధాని నరేంద్ర మోదీ మాత్రం ప్రారంభోత్సవాన్ని పట్టాభిషేకంలా జరుపుకుంటున్నారు"

- రాహుల్ గాంధీ, కాంగ్రెస్ సీనియర్ నేత 

 

संसद लोगों की आवाज़ है!

प्रधानमंत्री संसद भवन के उद्घाटन को राज्याभिषेक समझ रहे हैं।

— Rahul Gandhi (@RahulGandhi) May 28, 2023

As the new building of India’s Parliament is inaugurated, our hearts and minds are filled with pride, hope and promise. May this iconic building be a cradle of empowerment, igniting dreams and nurturing them into reality. May it propel our great nation to new heights of progress. pic.twitter.com/zzGuRoHrUS

— Narendra Modi (@narendramodi) May 28, 2023

RJD చేసిన ఓ ట్వీట్ దుమారం రేపుతోంది. పార్లమెంట్‌ ప్రారంభం కాగానే ఓ ట్వీట్ చేసింది. అందులో రెండు ఫోటోలున్నాయి. కొత్త పార్లమెంట్‌ని శవపేటికతో పోల్చుతూ ఫోటోలు పోస్ట్ చేసింది. కొత్త పార్లమెంట్ శవపేటిక ఆకారంలా ఉందని ట్వీట్ చేసింది. దీనిపై బీజేపీ భగ్గుమంది. ఎంతో పవిత్రమైన పార్లమెంట్‌ని శవపేటికతో పోల్చుతారా అని మండి పడింది. ఆర్‌జేడీ ఎంపీలు వెంటనే రాజీనామా చేయాలని డిమాండ్ చేసింది. అయితే...ఈ పోస్ట్‌పై RJD ప్రతినిధి ఒకరు క్లారిటీ ఇచ్చారు. ప్రజాస్వామ్యాన్ని అంతం చేయొద్దన్న ఉద్దేశంతో ఆ ట్వీట్ చేసినట్టు చెప్పారు. 

"మన దేశంలో రాజకీయాలు, ప్రజాస్వామ్యం అలా అంతం కాకూడదన్న ఉద్దేశంతోనే ఆ పోస్ట్ పెట్టాం. మేం మొదటి నుంచి ఒకే విషయాన్ని పదే పదే చెబుతున్నాం. ప్రజాస్వామ్య దేశంలో పార్లమెంట్ ఓ ఆలయం లాంటిది. అక్కడ అందరికీ మాట్లాడే అవకాశం ఉండాలి. ప్రస్తుతం ఆ అవకాశం లేకుండా పోతోంది. పూర్తి స్థాయిలో వాళ్లే అజమాయిషీ చెలాయించాలని చూస్తున్నారు. రాజ్యాంగాన్నీ లెక్క చేయడం లేదు. మేమేం హద్దులు దాటలేదు. ప్రధానితో పాటు రాష్ట్రపతి కూడా ఈ కార్యక్రమంలో పాల్గొని ఉంటే బాగుండేది. ఇలాంటి వాటిని కచ్చితంగా ఖండించాల్సిందే"

- శక్తి యాదవ్, ఆర్‌జేడీ ప్రతినిధి