Noida Dog Attack: యూపీలో మరోసారి కుక్క దాడి- పసికందు మృతి!

Noida Dog Attack: ఓ వీధి కుక్క దాడి చేసిన ఘటనలో పసికందు మృతి చెందింది.

యూపీలో మరోసారి కుక్క దాడి- పసికందు మృతి!

Noida Dog Attack: ఈ మధ్య ఎక్కడ చూసినా కుక్కల దాడులు పెరిగిపోతున్నాయి. ఇటీవల అలాంటి ఘటనలు ఎన్నో జరిగాయి. అయితే తాజాగా ఉత్తర్‌ప్రదేశ్‌ నోయిడాలో ఓ పసికందుపై కుక్క దాడి చేసింది. ఈ ఘటనలో చిన్నారి మృతి చెందింది.

ఇదీ జరిగింది

ఉత్తర్‌ప్రదేశ్‌ నోయిడాలోని హౌసింగ్‌ సొసైటీ లోటస్‌ బౌలేవార్డ్‌ సెక్టార్‌ 100లో సోమవారం సాయంత్రం ఈ విషాదం జరిగింది. హౌసింగ్‌ సొసైటీలో నిర్మాణ పనులు జరుగుతున్నాయి. అయితే కూలి పని చేసుకునే ఓ కుటుంబం తమ 7 నెలల పాపతో అక్కడే ఉంటోంది. సోమవారం సాయంత్రం ఓ వీధి కుక్క ఎవరూ లేని సమయంలో ఆ పసికందుపై దాడి చేసింది.

తీవ్రంగా గాయపడిన శిశువును వెంటనే నోయిడాలోని యదార్థ ఆసుపత్రికి తీసుకువెళ్లారు. వైద్యులు ఐసీయూలో చేర్చారు. పసికందు పేగులు బయటకు రావటం వల్ల శస్త్రచికిత్స చేశారు. కానీ ఫలితం లేకుండా పోయింది. మంగళవారం ఉదయం చిన్నారి ప్రాణాలు కోల్పోయింది.

స్థానికుల ఆందోళన

ఈ సంఘటనపై స్థానికులు ఆగ్రహం వ్యక్తం చేశారు. వీధి శునకాల సమస్యను పరిష్కరించాలని ఆందోళన చేశారు. 

The 7 month old child who was mauled by the dog in Lotus boulevard society has died in hospital. The child belonged to the labourer working there.
The child intestines were pulled out. The child had to go through surgery which was unsuccessful.
Angry residents. pic.twitter.com/FGXYCMqBcj

— Milan Sharma MSD (@Milan_reports) October 18, 2022

" వీధి కుక్కలు దాడి చేయటం ఇదేం మొదటి సారి కాదు. నెలకు ఒకసారైనా ఇలాంటి దాడులు జరుగుతున్నాయి. నోయిడా అథారిటీకి ఫిర్యాదు చేసినా పట్టించుకోవట్లేదు. ఇప్పుడు ఏకంగా ఓ చిన్నారి ప్రాణాలు కోల్పోయింది.                                             "

-స్థానికులు

దర్యాప్తు

సమాచారం అందుకున్న పోలీసులు సంఘటనా స్థలాన్ని పరిశీలించి దర్యాప్తు చేపట్టారు.

" నోయిడాలోని సెక్టార్ 39 ప్రాంతంలో సోమవారం వీధి కుక్క.. ఏడాది శిశువుపై దాడి చేసింది. చిన్నారిని ఆస్పత్రికి తరలించారు. చికిత్స పొందుతూ పాప అర్ధరాత్రి మృతి చెందింది. నోయిడా అథారిటీతో మాట్లాడాం. ఈ సమస్యను పరిష్కరించేందుకు ప్రభుత్వ యంత్రాంగం చర్యలు చేపడుతుంది.                                 "

-   పోలీసులు