Malaysia New PM: మలేసియాలో మహోదయం- నూతన ప్రధానిగా సంస్కరణవాది అన్వర్

Malaysia New PM: మలేసియా నూతన ప్రధానిగా అన్వర్ ఇబ్రహీం ప్రమాణస్వీకారం చేశారు.

మలేసియాలో మహోదయం

Malaysia New PM: మలేసియా నూతన ప్రధాన మంత్రిగా సంస్కరణవాది, సీనియర్ లీడర్ అన్వర్ ఇబ్రహీం (75) ప్రమాణస్వీకారం చేశారు. రాజు అల్‌ సుల్తాన్‌ అబ్దుల్లా ఆయనతో ప్రమాణం చేయించారు.

Breaking news: Malaysia's king has named longtime opposition leader Anwar Ibrahim the 10th Prime Minister of Malaysia, bringing a temporary end to a chaotic election season and marking a dramatic comeback for the 75-year-old. https://t.co/vlgv4NGCIa

— The Washington Post (@washingtonpost) November 24, 2022

20 ఏళ్ల పాటు ప్రతిపక్షంలో ఉండి సంస్కరణల కోసం గట్టిగా నిలబడిన అన్వర్‌ పగ్గాలు చేపట్టడంతో దేశ ప్రజలు హర్షం వ్యక్తం చేస్తున్నారు. మలేసియా స్టాక్‌ మార్కెట్‌ సూచీలు, కరెన్సీ విలువ పెరిగాయి.

హంగ్ ఏర్పడినా

శనివారం జరిగిన మలేసియా పార్లమెంటు ఎన్నికల్లో హంగ్ ఏర్పడింది. అన్వర్‌ పార్టీ అలయన్స్‌ ఆఫ్‌ హోప్‌ 82 సీట్లు సాధించింది. 222 సీట్లు గల మలేసియా పార్లమెంటులో మెజారిటీ కావాలంటే 112 స్థానాలు రావాలి. మాజీ ప్రధాని ముహియుద్దీన్‌ యాసిన్‌ పార్టీ నేషనల్‌ అలయన్స్‌కు 73 సీట్లు వచ్చాయి. ఎవరికీ మెజారిటీ రాకపోవడంతో కింగ్ కలుగజేసుకున్నారు.

హంగ్‌ పార్లమెంటుకు దారితీయడంతో రాజు అల్‌ సుల్తాన్‌ అబ్దుల్లా పలువురు పార్లమెంటు సభ్యులతో సంప్రదించి అన్వర్‌ ఇబ్రహీంను నూతన ప్రధానిగా గురువారం ప్రకటించారు.

మోదీ శుభాకాంక్షలు

మలేసియా నూతన ప్రధానిగా ఎన్నికైన అన్వర్ ఇబ్రహీంకు భారత ప్రధాని నరేంద్ర మోదీ శుభాకాంక్షలు తెలిపారు.

Congratulations Dato' Seri @anwaribrahim on your election as the Prime Minister of Malaysia. I look forward to working closely together to further strengthen India-Malaysia Enhanced Strategic Partnership.

— Narendra Modi (@narendramodi) November 24, 2022

అన్వర్ ఇబ్రహీం.. ఎన్నికల్లో గెలిచి మలేసియా ప్రధానిగా మీరు ఎన్నికైనందుకు నా శుభాకాంక్షలు. భారత్-మలేసియా మెరుగైన వ్యూహాత్మక భాగస్వామ్యాన్ని మరింత బలోపేతం చేయడానికి మీతో కలిసి పనిచేయడానికి ఎదురుచూస్తున్నాను.