News
News
X

70 ఏళ్ల కుర్రాడు- చెట్టులెక్కగలడు- చిటారు కాయలు దించగలడు!

Konaseema News: ఏడుపదుల వయసులోనూ ఆ వృద్ధుడు అవలీలగా చెట్లు ఎక్కేస్తున్నాడు. వందలాది మంది ఉపాధిని చూపించిన షేశగిరి ఇటీవలే కేరళలో జాతీయ అవార్డును కూడా అందుకున్నాడు. 

FOLLOW US: 

Konaseema News: వేగంగా మారుతున్న కాలంలో మనిషి ఆయువు కూడా క్రమక్రమంగా తగ్గుతూ వచ్చింది. సగటు మనిషి ఆయుష్కాలం ప్రస్తుతం 70 నుంచి 80 ఏళ్లు అని వైద్య నిపుణలు ఘంటాపథంగా చెబుతున్నారు. అదికూడా అనేక రోగాలతో కాలం వెళ్లదీయాల్సిన దుస్ధితి. అయితే కొందరు మాత్రం మాకు వయసుతో పని లేదు, మానసికంగానే కాకుండా శారీరకంగా కూడా మేం చాలా బలవంతులం అని నిరూపిస్తున్నారు. అలాంటి వ్యక్తి గురించి మనం ఇప్పుడు తెలుసుకోబోతున్నాం. 


కొనసీమ అంటే కొబ్బరికి ప్రసిద్ధి. ఇక్కడ కేరళను తలపించేలా కొబ్బరి తోటలు కనిపిస్తాయి. కొబ్బరి తోటల ద్వారా వచ్చే ఆదాయంతోనే ఇక్కడి చాలా కుటుంబాలు జీవనం సాగిస్తున్నాయి. అంతే కాదండోయ్ అనేక కొబ్బరి ఉత్పత్తులకు కోనసీమ పెట్టింది పేరు. అయితే వచ్చిన సమస్య ఏంటంటే... దాదాపు 40 అడుగుల ఎత్తులో ఉండే కొబ్బరి చెట్లు ఎక్కి కాయలను దించే కార్మికులు తగ్గిపోవడం కొబ్బరి రైతులకు పెద్ద సమస్యగా మారింది. కొబ్బరి చెట్టు ఎక్కాలన్నా, దిగాలన్నా మనిషి ఎంతో శ్రమపడాల్సి ఉంటుంది. పూర్వ కాలంలో నడుముకు మోకు కట్టుకుని చెట్లు ఎక్కి కొబ్బరి దింపు తీసేవారు. ఇది చాలా శ్రమతో కూడిన పని కాగా అంత సురక్షితం కూడా కాదు. అయితే ఈ సమస్యకు చెక్ పెట్టాలనుకున్న కేరళలోని కొబ్బరి పరిశోధన సంస్థ నిపుణులు ఒక సాధనాన్ని ప్రయోగాత్మకంగా రూపకల్పన చేశారు. అది సత్ఫలితాలను ఇవ్వడంతో స్థానికంగా ఉన్న అంబాజీపేట ఉద్యాన పరిశోధన కేంద్రం వారుకూడా చొరవ చూపి అక్కడినుంచి నిపుణలను రప్పించి ఇక్కడ శిక్షణ ఇచ్చారు. దీంతో ఇక్కడ కూడా క్లైంబర్ పరికరంతో దింపులు తీయడం ప్రారంభించారు.


News Reels

60 ఏళ్లలో ఆసక్తి కలిగి ప్రయత్నిస్తే...

డాక్టర్ బీఆర్ అంబేడ్కర్ కోనసీమ జిల్లా మామిడికుదురు మండలం పెదపట్లంక గ్రామానికి చెందిన గిడుగు శేషగిరిరావు వయస్సు అప్పటికి అరవై ఏళ్లు. ఏదో పనిచేసుకుని జీవనం సాగించే అలవాటు ఉండడంతో చాలా చురుగ్గా ఉండేవారు. దింపునకు సంబందించి శిక్షణ ఇస్తున్నారని తెలిసి అంబాజీపేట ఉద్యాన పరిశోధనా కేంద్రాన్ని సంప్రదించారు. అయితే వారు ఈ వయస్సులో చెట్లు ఎక్కడమేంటని తిరస్కరించారు. అయినా పట్టు వదలకుండా తాను సంపూర్ణ ఆరోగ్యంగా ఉన్నానని, అవకాశం కల్పించాలని పట్టుపట్టడంతో శిక్షణ ఇచ్చారు. అంతే ఆనాటి నుంచి ఇప్పటి వరకు ప్రతీ రోజూ సుమారు 80 కొబ్బరి చెట్లు అవలీలగా ఎక్కి దిగేస్తుంటారు శేషగిరిరావు.


ఎంతో మందికి ఆదర్శంగా..

గ్రామంలో ఎంతో మంది యువకులు ఏ పనీ లేక ఖాళీగా ఉండటాన్ని గమనించిన శేషగిరిరావు వారందరికీ తానే శిక్షణ ఇచ్చి చెట్లు ఎక్కే పరికరాన్ని ఇప్పించారు. కోనసీమలో దాదాపు 500  మంది పైబడి దింపు తీసే కార్మికులు ఈయన శిష్యులే. వారంతా శేషగిరిరావును మా కుర్రోడు అంటుంటారు. దీనికి ఆయన ముసి ముసి నవ్వులు నవ్వుతుంటాడు. ఓపిక ఉన్నంత కాలం ఏదో ఒక పని చేసుకుని జీవించాలని, అంతే కానీ సోమరితనంలా ఉండిపోకూడదని స్థానిక యువకులకు నాలుగు మంచి మాటలు నూరిపోస్తూ ఉంటారు శేషగిరిరావు.


నేటికీ అంతే ఉత్సాహంగా..

శేషగిరిరావు వయస్సు ఇప్పుడు 70 ఏళ్లు దాటాయి. అయినా కుర్రాళ్లతో పోటీపడి మరీ చెట్లు అవలీలగా ఎక్కేస్తుంటారు. కేరళలో ఆ రాష్ట్ర ఉద్యాన శాఖ మంత్రి చేతుల మీదుగా జాతీయ అవార్డును కూడా అందుకున్నారు శేషగిరిరావు. ఇప్పటి వరకు తన దగ్గర సుమారు 900 మంది వరకు శిక్షణ తీసుకున్నారని, వారంతా ఇప్పుడు సురక్షితమైన విధానంలో కొబ్బరి దింపు కార్మికులుగా గోదావరి జిల్లాల్లో ఉపాధిని పొందుతున్నారని శేషగిరిరావు చెబుతున్నారు.

Published at : 26 Sep 2022 02:40 PM (IST) Tags: AP News Konaseema news Old Man Climb Trees Konaseema Special Story Sheshagiri Story

సంబంధిత కథనాలు

Petrol-Diesel Price, 28 November 2022: ఈ ప్రాంతాల్లో పెట్రోల్, డీజిల్ రేట్లు తగ్గుముఖం- మిగతా చోట్లో స్థిరంగా ధరలు

Petrol-Diesel Price, 28 November 2022: ఈ ప్రాంతాల్లో పెట్రోల్, డీజిల్ రేట్లు తగ్గుముఖం- మిగతా చోట్లో స్థిరంగా ధరలు

Weather Latest Update: ‘ఆ ఫేక్ తుపానును నమ్మొద్దు’ -ఏపీకి స్వల్ప వర్ష సూచన! తెలంగాణలో 4 జిల్లాలకి చలి అలర్ట్

Weather Latest Update: ‘ఆ ఫేక్ తుపానును నమ్మొద్దు’ -ఏపీకి స్వల్ప వర్ష సూచన! తెలంగాణలో 4 జిల్లాలకి చలి అలర్ట్

Gold Silver Rate Today: బంగారం కొనాలనుకుంటున్నారా? నేడు ఎంత ధర పెరిగిందో తెలుసా!

Gold Silver Rate Today: బంగారం కొనాలనుకుంటున్నారా? నేడు ఎంత ధర పెరిగిందో తెలుసా!

ఏపీ కొత్త సీఎస్‌గా జవహర్ రెడ్డి- త్వరలో సీఎంఓ లోకి శ్రీలక్ష్మీ

ఏపీ కొత్త సీఎస్‌గా జవహర్ రెడ్డి- త్వరలో  సీఎంఓ లోకి శ్రీలక్ష్మీ

ABP Desam Top 10, 28 November 2022: ఏబీపీ దేశం ఉదయం బులెటిన్‌లో నేటి బ్రేకింగ్ న్యూస్, టాప్ 10 ముఖ్యాంశాలు చదవండి

ABP Desam Top 10, 28 November 2022:  ఏబీపీ దేశం ఉదయం బులెటిన్‌లో నేటి బ్రేకింగ్ న్యూస్, టాప్ 10 ముఖ్యాంశాలు చదవండి

టాప్ స్టోరీస్

KCR Review Meeting: రొటీన్‌గా కాదు, గొప్పగా పనిచేయండి - విప్లవాత్మక మార్పులు తీసుకొద్దాం: సీఎం కేసీఆర్

KCR Review Meeting: రొటీన్‌గా కాదు, గొప్పగా పనిచేయండి - విప్లవాత్మక మార్పులు తీసుకొద్దాం:  సీఎం కేసీఆర్

Bandi Sanjay : పాలన చేతగాక పోతే ఇంట్లో కూర్చోండి, భైంసా ఏమైనా నిషేధిత ప్రాంతమా? - బండి సంజయ్

Bandi Sanjay :  పాలన చేతగాక పోతే ఇంట్లో కూర్చోండి, భైంసా ఏమైనా నిషేధిత ప్రాంతమా? - బండి సంజయ్

Mla Prakash Reddy : నా తమ్ముడు మాట్లాడిన భాష తప్పు, భావం కరెక్టే - ఎమ్మెల్యే తోపుదుర్తి ప్రకాశ్ రెడ్డి

Mla Prakash Reddy : నా తమ్ముడు మాట్లాడిన భాష తప్పు, భావం కరెక్టే - ఎమ్మెల్యే తోపుదుర్తి ప్రకాశ్ రెడ్డి

Mahesh Babu: నాన్నగారు నాకు చాలా ఇచ్చారు - అందులో గొప్పది మీ అభిమానం: సూపర్ స్టార్ మహేష్ బాబు!

Mahesh Babu: నాన్నగారు నాకు చాలా ఇచ్చారు - అందులో గొప్పది మీ అభిమానం: సూపర్ స్టార్ మహేష్ బాబు!