DK Shivakumar: ఎన్నికల ప్రచారంలో నోట్ల వర్షం కురిపించిన కాంగ్రెస్ నేత, వీడియో వైరల్

DK Shivakumar: కర్ణాటక కాంగ్రెస్ చీఫ్ డీకే శివకుమార్ ప్రచారంలో రూ.500 నోట్లు విసిరారు.

కర్ణాటక కాంగ్రెస్ చీఫ్ డీకే శివకుమార్ ప్రచారంలో రూ.500 నోట్లు విసిరారు. (Image Credits: ANI)

 DK Shivakumar:

డీకే శివకుమార్ ప్రచారం..

కర్ణాటకలో ఎన్నికల హడావుడి మొదలైంది. అన్ని పార్టీలు ప్రచారానికి సిద్ధమవుతున్నాయి. కీలక నేతలంతా యాక్టివ్ అయిపోయారు. ఇప్పటికే బీజేపీ ఫుల్ స్వింగ్‌లో ప్రచారం మొదలు పెట్టింది. అటు కాంగ్రెస్‌ నేతలూ క్యాంపెయినింగ్‌కి రెడీ అయ్యారు. కర్ణాటక కాంగ్రెస్ చీఫ్ డీకే శివకుమార్ శ్రీరంగపట్నలో ప్రచారం మొదలు పెట్టారు. ఈ క్రమంలోనే ఆయన ప్రచార వాహనంలో నుంచి రూ.500 నోట్లు ప్రజలపైకి విసిరారు. ప్రజాధ్వని యాత్ర పేరిట ప్రచారం చేస్తున్న ఆయన...మండ్యా జిల్లాలోని బెవినహళ్లి వద్ద ఇలా నోట్ల వర్షం కురిపించారు. అప్పటి వరకూ ప్రజలకు అభివాదం చేస్తూ వచ్చిన శివకుమార్...తన కార్‌లోని నోట్‌లు తీసి ఒక్కసారిగా అందరిపై విసిరారుయ కాంగ్రెస్ ఈ సారి భారీ మెజార్టీతో గెలవడం ఖాయం అని అధిష్ఠానం చాలా బలంగా నమ్ముతోంది. కాంగ్రెస్ గెలిస్తే...ముఖ్యమంత్రి అభ్యర్థిగా శివకుమార్‌ను ప్రకటిస్తారన్న ప్రచారం జరుగుతోంది. ఇలాంటి సమయంలో ఇలా నోట్లు విసిరి వివాదాల్లో చిక్కుకున్నారు. ఇప్పుడే కాదు. వొక్కళిగ వర్గానికి చెందిన ఆయనను గతంలోనూ ఎన్నో వివాదాలు చుట్టు ముట్టాయి. మైసూరులో ఈ కమ్యూనిటీ ఓట్లు ఎక్కువగా ఉంటాయి. ఆ వర్గం అంతా తప్పకుండా తనవైపే నిలబడుతుందన్న ధీమా వ్యక్తం చేస్తున్నారు డీకే శివకుమార్. అయితే..నేషనల్ హెరాల్డ్ మనీ లాండరింగ్‌ కేసులో ఆరోపణలు ఎదుర్కోవటం వల్ల కాస్త ఇబ్బందులు తప్పలేదు. చాన్నాళ్లుగా ఆయన ఢిల్లీలోని ఈడీ ఆఫీస్‌కు వెళ్లి విచారణకు హాజరై వస్తున్నారు. ఆయనతో పాటు ఆయన అనుచరులు హవాలా లావాదేవీలు చేశారని ఈడీ ఆరోపిస్తోంది. 

 

#WATCH | Karnataka Congress Chief DK Shivakumar was seen throwing Rs 500 currency notes on the artists near Bevinahalli in Mandya district during the ‘Praja Dhwani Yatra’ organized by Congress in Srirangapatna. (28.03) pic.twitter.com/aF2Lf0pksi

— ANI (@ANI) March 29, 2023

కాంగ్రెస్. అప్పుడే అభ్యర్థుల జాబితానూ విడుదల చేసింది. 124 మంది అభ్యర్థుల పేర్లు ఖరారు చేసింది. ఇప్పటి వరకూ ఎన్నికల సంఘం ఎలక్షన్ డేట్స్‌ ప్రకటించకపోయినప్పటికీ కాంగ్రెస్ ముందస్తుగా సిద్ధమవుతోంది. ఈ ఏడాది మే 24తో అసెంబ్లీ గడువు ముగిసిపోనుంది. కాంగ్రెస్ విడుదల చేసిన జాబితాలో మాజీ ముఖ్యమంత్రి సిద్దరామయ్య పేరు కూడా ఉంది. ఆయనతో పాటు రాష్ట్ర అధ్యక్షుడు డీకే శివకుమార్‌కి కూడా అవకాశమిచ్చింది అధిష్ఠానం. కనకపుర నియోజకవర్గం నుంచి శివకుమార్ పోటీ చేయనున్నారు. వరుణ నియోజకవర్గం నుంచి సిద్దరామయ్య పోటీ చేస్తారని ప్రచారం జరిగింది. అందుకు తగ్గట్టుగానే ఆయనకు ఆ సీటు కేటాయించింది కాంగ్రెస్. అయితే...సిద్దరామయ్యను మరో నియోజకవర్గం నుంచి కూడా పోటీ చేయించాలని అధిష్ఠానం భావిస్తున్నట్టు తెలుస్తోంది. బదామి, వరుణ, కోలార్‌ నియోజకవర్గాల్లో ఎక్కడో ఓ చోట పోటీ చేయాలనుకుంటున్నట్టు గతంలోనే సిద్దరామయ్య క్లారిటీ ఇచ్చారు. అయితే కోలార్ జిల్లా నుంచి కూడా ఆయనను ఎన్నికల బరిలోకి దింపనున్నట్టు సమాచారం. గత అసెంబ్లీ ఎన్నికల్లోనూ ఇలాగే రెండు చోట్ల పోటీ చేశారు. ఈ లిస్ట్‌లో దాదాపు సిట్టింగ్ ఎమ్మెల్యేలకు మరోసారి అవకాశమిచ్చినట్టు స్పష్టంగా తెలుస్తోంది.