Presidential Poll 2022: కాంగ్రెస్, ఎన్‌సీపీలను కాదని ద్రౌపది ముర్ముకే ఉద్ధవ్ ఠాక్రే మద్దతు!

Presidential Poll 2022: రానున్న రాష్ట్రపతి ఎన్నికల్లో ఎన్‌డీఏ అభ్యర్థి ద్రౌపది ముర్ముకే శివసేన మద్దతు పలికే అవకాశం ఉంది.

కాంగ్రెస్, ఎన్‌సీపీలను కాదని ద్రౌపది ముర్ముకే ఉద్ధవ్ ఠాక్రే మద్దతు!

Presidential Poll 2022:

రాష్ట్రపతి ఎన్నికల్లో ఎన్‌డీఏ అభ్యర్థి ద్రౌపది ముర్ముకే శివసేన మద్దతు ప్రకటించే అవకాశం ఉన్నట్లు తెలుస్తోంది. ఈ అంశంపై ముంబయిలోని ఉద్ధవ్ ఠాక్రే నివాసం మాతోశ్రీలో సోమవారం సమావేశం జరిగింది. ఈ భేటీలో శివసేన ఎంపీలతో ఠాక్రే చర్చించారు. ఇందులో 12 మందికి పైగా ఎంపీలు.. ముర్ముకే మద్దతు ఇవ్వాలని ఠాక్రేకు సూచించినట్లు సమాచారం.

ఇద్దరు లేరు

ఉద్ధవ్ నివాసంలో జరిగిన సమావేశానికి ఇద్దరు ఎంపీలు తప్ప అందరూ హాజరయ్యారు. శివసేనకు మొత్తం 18 మంది ఎంపీలున్నారు. వీరిలో భావన, శ్రీకాంత్ శిందే (సీఎం ఏక్‌నాథ్ శిందే తనయుడు) గైర్హాజరయ్యారు. మెజార్టీ ఎంపీలు డిమాండ్ చేస్తుండటంతో ఉద్ధవ్ కూడా ముర్ముకే మద్దతు ఇచ్చేందుకు గ్రీన్ సిగ్నల్ ఇచ్చినట్లు సమాచారం.

ముర్ముకే

We had supported Pratibha Patil, a UPA candidate, as she's a Marathi woman. We had supported Pranab Mukherjee, a UPA candidate. Uddhav ji will announce support to her(Droupadi Murmu)as she's a tribal woman. We should see beyond politics for Presidential election: Gajanan Kirtikar pic.twitter.com/G7ohtJjaOp

— ANI (@ANI) July 11, 2022

రాష్ట్రపతి ఎన్నికల సమయంలో గతంలో కూడా శివసేన రాజకీయాలకు అతీతంగా నిర్ణయం తీసుకుందని ఆ పార్టీ ఎంపీ గజానన్ కీర్తికర్ గుర్తు చేశారు. ప్రతిభా పాటిల్ యూపిఏ రాష్ట్రపతి అభ్యర్ధి అయినా మరాఠీ మహిళ కావడంతో గతంలో మద్దతిచ్చామన్నారు. అలాగే యూపిఏ రాష్ట్రపతి అభ్యర్ధి అయినా ప్రణబ్ ముఖర్జీకి మద్దతిచ్చామని కీర్తికర్ అన్నారు. తాజా ఎన్నికల్లో కూడా ద్రౌపది ముర్ము గిరిజన మహిళ కావడం వల్ల ఉద్ధవ్ ఆమెకే మద్దతిస్తారని ఆయన చెప్పారు.