Goa Nightclub Fire: గోవా నైట్ క్లబ్ ప్రమాదంపై రాష్ట్రపతి, ప్రధాని దిగ్భ్రాంతి.. మృతుల కుటుంబాలకు పరిహారం ప్రకటన
గోవా నైట్ క్లబ్ ప్రమాదంపై రాష్ట్రపతి ద్రౌపది ముర్ము, ప్రధాని మోదీ దిగ్భ్రాంతి వ్యక్తం చేశారు. మృతుల కుటుంబాలకు 2 లక్షలు, గాయపడిన వారికి 50,000 నష్టపరిహారం ప్రకటించారు.
గోవాలోని ఉత్తర జిల్లాలో ఉన్న అర్పోరా గ్రామంలో శనివారం అర్ధరాత్రి తీవ్ర విషాదం చోటుచేసుకుంది. అర్పోరా ఉన్న ‘బర్చ్ బై రోమియో లేన్’ నైట్ క్లబ్లో సిలిండర్ పేలడంతో అకస్మాత్తుగా మంటలు చెలరేగాయి. ఈ ప్రమాదంలో టూరిస్టులు సహా 25 మంది మరణించారు. మరో 50 మంది వరకు గాయపడినట్లు తెలుస్తోంది. రాజధాని పనాజీకి 25 కి.మీ దూరంలో ఉన్న ఈ క్లబ్ గత ఏడాదే ప్రారంభించారు. గోవా నైట్ క్లబ్ విషాదంపై ప్రధానమంత్రి నరేంద్ర మోదీ దిగ్భ్రాంతి వ్యక్తం చేశారు.
విచారం వ్యక్తం చేసిన ప్రధాని మోదీ..
ప్రధాని మోదీ ఎక్స్ వేదికగా స్పందించారు. ''గోవాలోని అర్పోరాలో జరిగిన అగ్నిప్రమాదం చాలా బాధాకరం. తమ కుటుంబసభ్యులను కోల్పోయిన వారందరికీ నా ప్రగాఢ సానుభూతి. గాయపడిన వారు త్వరగా కోలుకోవాలి. గోవా ముఖ్యమంత్రి డాక్టర్ ప్రమోద్ సావంత్ తో పరిస్థితి గురించి మాట్లాడాను. గోవా ప్రభుత్వం బాధితులకు అన్ని విధాలా సహాయం అందిస్తోంది. ప్రధానమంత్రి జాతీయ సహాయ నిధి నుండి మరణించిన వారి కుటుంబాలకు రూ. 2 లక్షలు పరిహారంగా అందజేస్తాం. గాయపడిన వారికి రూ. 50,000 అందజేస్తామని'' ప్రకటించారు.
An ex-gratia of Rs. 2 lakh from PMNRF will be given to the next of kin of each deceased in the mishap in Arpora, Goa. The injured would be given Rs. 50,000: PM @narendramodi https://t.co/BcS0jYnvVx
— PMO India (@PMOIndia) December 7, 2025
కిచెన్లో సిలిండర్ పేలడంతో మంటలు చెలరేగాయి. రాత్రి 12 గంటల సమయంలో క్లబ్ కిచెన్ ఏరియాలో వంటలు చేస్తున్నారు. అదే సమయంలో గ్యాస్ సిలిండర్ భారీగా పేలింది మరియు చూస్తుండగానే మంటలు మొత్తం కాంప్లెక్స్కు వ్యాపించాయి. పేలుడు ధాటికి చుట్టుపక్కల వారు కూడా కంపనాన్ని అనుభవించారు. మంటలు మరియు పొగ వ్యాపించడంతో లోపల ఉన్న ప్రజలు బయటకు వెళ్ళడానికి సమయం దొరకలేదు.
The fire mishap in Arpora, Goa is deeply saddening. My thoughts are with all those who have lost their loved ones. May the injured recover at the earliest. Spoke to Goa CM Dr. Pramod Sawant Ji about the situation. The State Government is providing all possible assistance to those…
— Narendra Modi (@narendramodi) December 7, 2025
నైట్ క్లబ్ ప్రమాదంపై రాష్ట్రపతి ముర్ము విచారం..
ఉత్తర గోవా జిల్లాలో జరిగిన అగ్నిప్రమాదంలో పలువురు ప్రాణాలు కోల్పోవడం బాధాకరం. మృతుల కుటుంబాలకు నా ప్రగాఢ సానుభూతి. ఈ కష్ట సమయంలో వారు మనో బలాన్ని పొందాలని కోరుకుంటున్నాను. గాయపడిన వారు త్వరగా కోలుకోవాలని ప్రార్థిస్తున్నాను - రాష్ట్రపతి ద్రౌపది ముర్ము
Deeply pained by the tragic fire incident in North Goa district resulting in the loss of precious lives. My heartfelt condolences to the bereaved families. May they find strength during this difficult time. I pray for the speedy recovery of those injured.
— President of India (@rashtrapatibhvn) December 7, 2025
రాత్రి సహాయక చర్యలు చేపట్టిన పోలీసులు, అగ్నిమాపక సిబ్బంది
పేలుడు సంభవించిన వెంటనే ప్రజలు కేకలు వేస్తూ బయటకు పరుగులు తీశారు. స్థానికుల నుంచి సమాచారం అందుకున్న వెంటనే పోలీసులు, ఫైరింజన్ సిబ్బంది అక్కడికి చేరుకుని మంటల్ని అదుపులోకి తెచ్చే ప్రయత్నం చేశారు. నైట్ క్లబ్ లోపల చిక్కుకున్న కొందర్ని ప్రాణాలతో బయటకు తీసుకువచ్చినట్లు గోవా పోలీస్ డైరెక్టర్ జనరల్ ఆలోక్ కుమార్ తెలిపారు. శనివారం రాత్రి 12:04 గంటలకు కంట్రోల్ రూమ్కు కాల్ వచ్చిందని, పోలీసులు, అగ్నిమాపక సిబ్బంది, అంబులెన్స్లు వెంటనే సంఘటనా స్థలానికి చేరుకున్నాయని తెలిపారు. తీవ్రంగా శ్రమించి మంటలను అదుపులోకి తీసుకువచ్చారు. అప్పటికే చాలా మంది ఊపిరాడక, మంటల్లో కాలిపోయి చనిపోయారు. ఈ ప్రమాదంలో 25 మంది ప్రాణాలు కోల్పోయారని సమాచారం.
టాప్ హెడ్ లైన్స్
ట్రెండింగ్ వార్తలు
