భలే వాడివి బాసూ.. వ్యాక్సిన్ వల్ల ఎన్ని ప్రయోజనాలు ఉంటే మాత్రం 11 సార్లు వేసుకుంటావా?

కరోనా వ్యాక్సిన్ తీసుకోమని వెంటపడుతున్నా తీసుకోని వాళ్లను ఎంతో మందిని చూశాం. ఇప్పుడు చెప్పబోయే కేస్ చాలా డిఫరెంట్.

By: ABP Desam | Published : 06 Jan 2022 06:08 AM (IST)|Updated : 06 Jan 2022 06:08 AM (IST)

Elderly Man In Bihar Claims To Have Been Jabbed 11 Times With Covid-19 Vaccine

11సార్లు వ్యాక్సిన్ వేయించుకున్న బిహార్ వ్యక్తి

బిహార్‌లోని ఓ వృద్దుడు ఏకంగా 11సార్లు కరోనా వ్యాక్సిన్ వేయించుకున్నాడు. ఆధార్‌కార్డు, ఫోన్ నెంబర్‌ ఉపయోగించి ఇలా వ్యాక్సిన్ వేయించుకున్నాడు.

బిహార్‌లోని మాధేపురా జిల్లాలోని ఒరై గ్రామానికి చెందిన 84 ఏళ్ల వ్యక్తి కోవిడ్ -19 వ్యాక్సిన్‌ను 11సార్లు తీసుకున్నాడు. 12వ డోస్ తీసుకునేందుకు వెళ్లి పట్టుబడ్డాడు.

బ్రహ్మదేవ్ మండల్‌ అనే వ్యక్తి ఏకంగా 11 సార్లు వ్యాక్సిన్ తీసుకోవడం దేశవ్యాప్తంగా సంచలనంగా మారింది. వ్యాక్సిన్ వల్ల చాలా ప్రయోజనాలు ఉన్నాయని అందుకే పలుమార్లు వ్యాక్సిన్ తీసుకున్నట్టు చెప్పాడా వ్యక్తి.

"నేను వ్యాక్సిన్‌తో చాలా ప్రయోజనం పొందాను. అందుకే పదే పదే తీసుకుంటున్నాను" అని చెప్పాడు మండల్.

రిటైర్డ్ పోస్టల్ డిపార్ట్‌మెంట్ ఉద్యోగి అయిన మండల్, గత ఏడాది ఫిబ్రవరిలో తన మొదటి కరోనా వ్యాక్సిన్‌ డోస్‌ తీసుకున్నాడు. అప్పటి నుంచి మార్చి, మే, జూన్, జూలై, ఆగస్టు వ్యాక్సిన్ వేయించుకున్నాడు.

అలా డిసెంబర్ 30 నాటికి ఒకే పబ్లిక్ హెల్త్ సెంటర్‌లో 11 సార్లు వ్యాక్సిన్‌ వేసుకున్నాడు. ఆ వ్యక్తి తన ఆధార్ కార్డు, ఫోన్ నంబర్‌ను వినియోగించి ఎనిమిది సార్లు వ్యాక్సిన్ వేయించుకున్నాడు. మిగిలిన మూడు సందర్భాల్లో తన ఓటర్ ఐడి కార్డ్, అతని భార్య ఫోన్ నంబర్‌ను ఉపయోగించాడని అధికార్లు తేల్చారు.

😳

84-year-old Bihar man gets 11 shots of Covid vaccine, caught while going for 12th https://t.co/CbKRd3H8dy pic.twitter.com/Nbac0fwjox
— Umashankar Singh उमाशंकर सिंह (@umashankarsingh) January 5, 2022