Bharat Biotech Update: పిల్లలకు కరోనా వ్యాక్సిన్ వేయించారా? ఇవి అక్కర్లేదు.. గుర్తుపెట్టుకోండి

పిల్లలకు వ్యాక్సిన్ వేయించిన తర్వాత పారాసెటిమాల్ లేదా పెయిన్ కిల్లర్స్ వాడాల్సిన అవసరం లేదని భారత్ బయోటెక్ స్పష్టం చేసింది.

పిల్లలకు వ్యాక్సిన్ వేయించారా? ఇవి అక్కర్లేదు

దేశంలో పెద్దలతో పాటు 15-18 ఏళ్ల పిల్లలకు కరోనా వ్యాక్సినేషన్ జోరుగా సాగుతోంది. అయితే కొవాగ్జిన్ టీకా తీసుకున్న పిల్లలకు పారాసెటిమాల్​ లేదా పెయిన్​ కిల్లర్స్​ వాడాల్సిన పనిలేదని దేశీయ వ్యాక్సిన్​ తయారీ సంస్థ భారత్​ బయోటెక్ ప్రకటించింది. టీకా కేంద్రాల్లో ఇలా ఇస్తున్నట్లు తెలిసిందని కానీ వాటి అవసరం లేదని ట్వీట్ చేసింది.

No paracetamol or pain killers are recommended after being vaccinated with Covaxin: Bharat Biotech pic.twitter.com/hPMb3x2dX3

— ANI (@ANI) January 5, 2022

" కొవాగ్జిన్​ వ్యాక్సిన్​ పొందిన పిల్లలకు టీకా కేంద్రాల్లో పారాసెటిమాల్​ 500 ఎంజీ టాబ్లెట్లు 3 చొప్పున ఇస్తున్నట్లు మాకు తెలిసింది. కొవాగ్జిన్​ తీసుకున్నవారు పారాసెటిమాల్​ కానీ, పెయిన్​ కిల్లర్స్​ కానీ వాడాల్సిన పనిలేదు. 30 వేలమందిపై మేం క్లినికల్​ ట్రయల్స్​ నిర్వహించాం. 10 నుంచి 20 శాతం మందికే సైడ్​ ఎఫెక్ట్స్​ వచ్చాయి. అవి కూడా చిన్నవే. ఒకటి రెండు రోజుల్లో తగ్గిపోతుంది. ఎలాంటి మందులు వాడొద్దు.                                "

- భారత్​ బయోటెక్​ ప్రకటన

దేశవ్యాప్తంగా 15-18 ఏళ్ల పిల్లలకు కరోనా వ్యాక్సినేషన్ కార్యక్రమం జనవరి 3 నుంచి మొదలైంది. మొదటి రోజే 40 లక్షల మంది పిల్లలకు వ్యాక్సిన్‌ అందించారు. ఓవైపు ఒమిక్రాన్.. మరోవైపు కరోనా కేసులు పెరుగుతోన్న వేళ వ్యాక్సినేషన్‌ను మరింత వేగవంతం చేసింది ఆరోగ్య శాఖ.

భయం..

మరోవైపు దేశంలో కరోనా కేసులు భారీగా పెరుగుతున్నాయి. దేశంలో కొత్తగా 58,097 కరోనా కేసులు నమోదయ్యాయి. మరోవైపు ఒమిక్రాన్ కేసులు సంఖ్య కూడా 2100 మార్కు దాటింది. ప్రస్తుతం మొత్తం ఒమిక్రాన్ కేసుల సంఖ్య 2135కు చేరింది.

దేశంలో యాక్టివ్ కేసుల సంఖ్య 2,14,004కు చేరింది. మొత్తం కేసుల్లో యాక్టివ్ కేసుల శాతం 0.61%గా ఉంది. దేశంలో రికవరీ రేటు 98.01%గా ఉంది. డైలీ పాజిటివిటీ రేటు భారీగా పెరిగింది. ప్రస్తుతం 4.18%గా ఉంది.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి