Covid 19 Vaccination: వ్యాక్సినేషన్‌లో మరో అడుగు- 12-14 ఏళ్ల పిల్లలకు అప్పటి నుంచి టీకాలు

దేశంలో టీకా పంపిణీలో మరో ముందడుగు పడనుంది. 12 నుంచి 14 ఏళ్ల లోపు పిల్లలకు ఈ నెల 16 నుంచి టీకా పంపిణీ చేయనున్నట్లు కేంద్ర ఆరోగ్య మంత్రి మన్​సుఖ్​ మాండవీయా తెలిపారు.

Koo App

बच्चे सुरक्षित तो देश सुरक्षित! मुझे बताते हुए खुशी है की 16 मार्च से 12 से 13 व 13 से 14 आयुवर्ग के बच्चों का कोविड टीकाकरण शुरू हो रहा है। साथ ही 60+ आयु के सभी लोग अब प्रिकॉशन डोज लगवा पाएँगे। मेरा बच्चों के परिजनों व 60+ आयुवर्ग के लोगों से आग्रह है की वैक्सीन जरूर लगवाएँ।

 

- Dr Mansukh Mandaviya (@mansukhmandviya) 14 Mar 2022

వీరందరికీ హైదరాబాద్​కు చెందిన 'బయోలాజికల్ -ఈ'​ సంస్థ అభివృద్ధి చేసిన కార్బెవాక్స్​ను అందించనున్నట్లు సమాచారం. అలానే 60 ఏళ్లు పైబడిన వారికి ప్రికాషన్ డోసు అందించనున్నట్లు ఆయన తెలిపారు.

ఈ ఏడాది జనవరి 3 నుంచి 15-18 సంవత్సరాల వయసున్నవారికి టీకా పంపీణీ ప్రారంభించారు. 18 ఏళ్లు పైబడిన ప్రతి ఒక్కరికీ గత ఏడాది మే 1 నుంచి కరోనా టీకాలు అందిస్తున్నారు. గత ఏడాది జనవరి 16న దేశవ్యాప్తంగా వ్యాక్సినేషన్ డ్రైవ్ ప్రారంభమైంది. మొదటి దశలో ఆరోగ్య సిబ్బందికి టీకాలు వేశారు. ఆ తర్వాత అందరికీ టీకా పంపిణీని దశలవారీగా మొదలు పెట్టారు.

కార్బెవాక్స్

బయోలాజికల్​-ఇ సంస్థకు చెందిన కార్బెవాక్స్ వ్యాక్సిన్​ అత్యవసర అనుమతికి డ్రగ్స్​ కంట్రోలర్​ జనరల్​ ఆఫ్​ ఇండియా (డీసీజీఐ) ఇటీవల తుది అనుమతులు ఇచ్చింది. రెండు డోసుల కింద పంపిణీ చేసే ఈ వ్యాక్సిన్​ను 12-14 ఏళ్ల పిల్లలకు ఇవ్వనుంది.

12-18 ఏళ్ల పిల్లల వ్యాక్సినేషన్​కు అందుబాటులోకి వచ్చిన రెండో టీకాగా కార్బెవాక్స్ రికార్డులకెక్కింది. బయోలాజికల్‌-ఇ అభివృద్ధి చేసిన కార్బెవాక్స్‌ టీకా 5 కోట్ల డోసుల కోసం ఆ సంస్థకు ఇటీవల కేంద్రం ఆర్డర్‌ పెట్టింది. ఒక్కో డోసును రూ. 145(జీఎస్‌టీ అదనం) చొప్పున వీటిని కొనుగోలు చేసినట్లు సమాచారం.

Also Read: LIC IPO Postponed: LIC ఐపీఓ వాయిదా- కేంద్రం స్పీడుకు బ్రేకులు వేసిన పుతిన్!

Also Read: EPFO Interest: ఈపీఎఫ్‌తో ఇరుక్కున్న కేంద్రం, ఎన్నికలు అవ్వగానే మొదలెట్టారని విమర్శలు