CDS Appointment: విధుల్లో ఉన్న, పదవీ వివరణ చేసిన వారికీ ఛాన్స్, సీడీఎస్ పై కేంద్రం కసరత్తు

CDS Appointment: కొత్త చీఫ్ ఆఫ్ డిఫెన్స్ స్టాఫ్ నియామకం కోసం కేంద్రం కసరత్తు చేస్తుంది. ప్రస్తుతం విధులు నిర్వహిస్తున్న, రిటైర్డ్ సైనిక అధికారులను చీఫ్ ఆఫ్ డిఫెన్స్ స్టాఫ్ నియామకం కోసం పరిగణనలోకి తీసుకునే అవకాశం ఉందని అధికార వర్గాలు తెలిపాయి. దేశంలో తొలి సీడీఎస్ దివంగత జనరల్ బిపిన్ రావత్ విమాన ప్రమాదంలో మరణించిన తర్వాత గతేడాది డిసెంబర్ 8 నుంచి ఆ పదవి ఖాళీగా ఉంది. ఇప్పటికే కేంద్రం నిర్ణయం తీసుకున్నందున వచ్చే వారంలోనే తదుపరి ఆర్మీ చీఫ్‌ నియామకాన్ని కూడా ప్రభుత్వం ప్రకటించే అవకాశం ఉందని ఏఎన్‌ఐకు అధికార వర్గాలు తెలిపాయి. తదుపరి సీడీఎస్‌ నియామకం కోసం పరిగణించే అధికారుల ప్యానెల్‌లో ప్రస్తుతం పనిచేస్తున్న, పదవీ విరమణ చేసిన అధికారులు కూడా ఉండే అవకాశం ఉందని తెలుస్తోంది. 

సీడీఎస్ మరింత శక్తివంతంగా

ప్యానెల్‌లో త్రీ స్టార్, ఫోర్ స్టార్ ర్యాంక్ అధికారులు కూడా ఉండే అవకాశం ఉందని వారు విశ్వసనీయ సమాచారం. 2019లో తిరిగి అధికారంలోకి వచ్చిన ఆరు నెలల్లోనే నరేంద్ర మోదీ ప్రభుత్వం CDSని నియమించింది. దేశంలోని ఉన్నత సైనిక నిర్మాణంలో అతిపెద్ద సంస్కరణలలో ఒకటిగా సీడీఎస్ ను మోదీ సర్కార్ చెబుతోంది. CDS ఆఫీస్, థియేటర్ కమాండ్‌ని సృష్టించి, అన్ని పోరాట నిర్మాణాలు నేరుగా దానికి నివేదించడంతో దేశంలోనే అత్యంత బలమైన సైనిక కార్యాలయంగా దీన్ని తీర్చిదిద్దాలని భావిస్తున్నారు. CDS ప్రస్తుతం అదనపు సెక్రటరీ-ర్యాంక్ లెఫ్టినెంట్ జనరల్ కింద పనిచేస్తున్న సైనిక వ్యవహారాల శాఖ కార్యదర్శిగా నియమిస్తుంది.

ప్రభుత్వానికి సైనిక సలహాలు 

CDS ప్రస్తుతం భారత వైమానిక దళానికి చెందిన త్రీ-స్టార్ అధికారి నేతృత్వంలోని ఇంటిగ్రేటెడ్ డిఫెన్స్ స్టాఫ్‌కు అధిపతిగా కూడా ఉన్నారు. ప్రభుత్వం మేక్ ఇన్ ఇండియా ఇన్ డిఫెన్స్ ప్రోగ్రామ్‌కు సీడీఎస్‌ను ఇన్‌చార్జ్‌గా చేసింది. రక్షణ రంగంలో ఆత్మనిర్భర్ భారత్ పథకాన్ని ప్రోత్సహించడం కోసం ఆదేశాలు ఇచ్చేందుకు సీడీఎస్ అధికారులు ఇచ్చింది. జనరల్ రావత్ రక్షణ రంగంలో స్వావలంబనను ప్రోత్సహించడానికి కృషి చేశారు. దేశంలో ఉద్యోగాల సృష్టిని ప్రోత్సహించడానికి, నిషేధంలో ఉన్న వస్తువులను స్వదేశీకరణ ద్వారా సానుకూల జాబితాను తీసుకురావడానికి కూడా బాధ్యత వహించారు. CDS అనేది ప్రభుత్వానికి సైనిక సలహాలు ఇవ్వడానికి, నాలుగు ప్రధాన విభాగాలను కలిగి ఉన్న రక్షణ మంత్రిత్వ శాఖలో అత్యంత సీనియర్-బ్యూరోక్రాట్.

Also Read : PK In Congress : సోనియాతో ప్రశాంత్ కిషోర్ భేటీ ! కాంగ్రెస్‌లో చేరుతారా ? వ్యూహకర్తగా సేవలందిస్తారా ?