Viral Video: రోడ్డుపై చక్కర్లు కొడుతున్న పుర్రె ఆకారంలోని వెహికిల్, ఇదే రీమోడలింగ్‌రా బాబు - వీడియో
Viral News: ఓ వ్యక్తి ఆటోని పుర్రె ఆకారంలో రీడిజైన్ చేయించాడు. రోడ్‌పై ఈ వాహనంలో చక్కర్లు కొట్టాడు. ఈ వీడియో సోషల్ మీడియాలో తెగ వైరల్ అవుతోంది.
Skull Vehicle: బైక్‌లు, కార్లు రీమోడలింగ్ చేసుకోవడమంటే కొంత మందికి ఓ సరదా. సెకండ్ హ్యాండ్‌ వెహికిల్స్‌ని కొని వాటిని తమకు నచ్చినట్టుగా మోడలింగ్ చేయిస్తారు. కానీ అసలు ఎవరూ ఊహించని రీతిలో ఓ వ్యక్తి ఆటోని రీమోడలింగ్ చేశాడు. అది రోడ్డుపైకి వచ్చిన ప్రతిసారీ దారిన పోయే వాళ్లంతా నోరెళ్లబెట్టి చూస్తున్నారు. అంత విచిత్రంగా ఉందా డిజైన్. పుర్రె ఆకారంలో ఈ థ్రీవీలర్‌ని డిజైన్ చేయించాడు. అంతే కాదు. పుర్రె నోట్లో ఓ సిగరెట్ కూడా పెట్టించాడు. భారీ ఆకారంలో ఉన్న ఈ పుర్రెని చూసి చాలా మంది జడుసుకుంటున్నారు. ఇంకొందరు చాలా ఆసక్తిగా చూస్తున్నారు. పుర్రె చెవులనే డోర్‌లుగా చేశాడు. ఈ వింత వెహికిల్ రోడ్‌పై చక్కర్లు కొడుతున్న వీడియో సోషల్ మీడియాలో వైరల్ అవుతోంది. ఈ వీడియోలో హైలైట్ ఏంటంటే...ఈ థ్రీ వీలర్‌ రోడ్‌పైకి వచ్చీ రాగానే పక్కనే ఉన్న ఓ కుక్క గట్టిగా అరిచింది. ఆ ఆకారాన్ని చూసి ఇంకేదో అనుకుని వెంట పడింది. ఈ వీడియో చూసిన నెటిజన్‌లు రకరకాల కామెంట్స్‌ చేస్తున్నారు. ఫన్నీగా రియాక్ట్ అవుతున్నారు. ఓ నెటిజన్ "నా పెళ్లికి నేను ఈ వెహికిల్‌లోనే వెళ్తాను" అని కామెంట్ చేశాడు. మరో వ్యక్తి ఆటోవాలా కాదు స్కల్ వాలా అని కామెంట్ చేశాడు.
View this post on Instagram
టాప్ హెడ్ లైన్స్
ట్రెండింగ్ వార్తలు
