Reel Mad: తండ్రిని గన్నీ బ్యాగ్లో ప్యాక్ చేసి కొరియర్ ఆఫీస్కు తెచ్చారు - రీల్ కోసమే ! సోషల్ మీడియా పిచ్చి పీక్స్
Father in gunny bag: పండగ పూట ప్రయాణ కష్టాలపై వెరైటీగా వీడియో తీయాలనుకున్న ఒక కుటుంబం ఏకంగా కన్నతండ్రినే పార్శిల్ చేశారు. వీరి తీరి చూసి అంతా నివ్వెర పోయారు.
Children packed their father in a gunny bag For Reel: సోషల్ మీడియా పిచ్చి ఏ స్థాయికి చేరిందో చెప్పడానికి బెంగళూరులో జరిగిన ఈ వింత ఘటనే ఒక నిదర్శనం. పండగ పూట ప్రయాణ కష్టాలపై వెరైటీగా వీడియో తీయాలనుకున్న ఒక కుటుంబం ఏకంగా కన్నతండ్రినే పార్శిల్ చేయబోయి నవ్వుల పాలయింది.
సోషల్ మీడియాలో వ్యూస్ కోసం, లైకుల కోసం జనం ఎంతటి సాహసానికైనా, వింత చేష్టలకైనా వెనకాడటం లేదు. పండగ సీజన్లో బస్సులు, రైళ్లలో టికెట్లు దొరకడం ఎంత కష్టమో చూపిస్తూ ఒక ఫన్నీ రీల్ చేయాలనుకుంది ఒక కుటుంబం. ఇందులో భాగంగా ఒక వ్యక్తిని గోనె సంచి లో కుక్కి, దానిని కొరియర్ ఆఫీస్కు తీసుకువెళ్లి బయటి ఊరికి పంపాలని సిబ్బందిని కోరారు. బస్సు టికెట్ల కంటే మనిషిని కొరియర్ చేయడం సులభమని చెప్పడం వారి ఉద్దేశం.
ఈ ఘటన బెంగళూరులోని ఒక ప్రముఖ కొరియర్ కార్యాలయంలో చోటుచేసుకుంది. ఒక మహిళ తన కుటుంబ సభ్యులతో కలిసి పెద్ద గన్ బ్యాగ్ను తీసుకువచ్చి, దానిని నగరం వెలుపలికి పంపాలని సిబ్బందిని అడిగారు. అయితే, ఆ సంచిలో ఏదో కదలిక ఉండటాన్ని గమనించిన సిబ్బందికి అనుమానం వచ్చింది. లోపల ఏముందని ప్రశ్నించగా, వారు పొంతన లేని సమాధానాలు చెప్పారు. దీంతో ఆందోళన చెందిన సిబ్బంది వెంటనే పోలీసులకు సమాచారం అందించారు.
పోలీసులు వచ్చి సంచిని విప్పి చూడగా, అందులో ఒక వృద్ధుడు ఉండటాన్ని చూసి షాక్కు గురయ్యారు. ఆ వృద్ధుడు ఆ మహిళ తండ్రే. ప్రాణాలతో ఉన్న వ్యక్తిని అలా సంచిలో కట్టి ఉంచడం చూసి పోలీసులు వారిని నిలదీశారు. విచారణలో అసలు విషయం బయటపడింది. పండగ రద్దీని తట్టుకోలేక తండ్రిని ఇలా కొరియర్ చేస్తున్నట్లుగా ఒక కామెడీ రీల్ చిత్రీకరించడమే తమ ప్లాన్ అని సదరు కూతురు, కుటుంబ సభ్యులు వెల్లడించారు.
కేవలం ఒక వీడియో కోసం ప్రాణాపాయం ఉంటుందని తెలిసినా వృద్ధుడిని అలా సంచిలో కుక్కడంపై పోలీసులు తీవ్ర ఆగ్రహం వ్యక్తం చేశారు. ఇది అత్యంత బాధ్యతారాహిత్యమైన చర్య అని, సంచిలో గాలి ఆడక ఏదైనా జరిగి ఉంటే పరిస్థితి ఏంటని వారిని మందలించారు. ప్రస్తుతం ఈ వ్యవహారంపై పోలీసులు కేసు నమోదు చేసి, ఆ కుటుంబ సభ్యులను స్టేషన్కు తరలించి కౌన్సిలింగ్ ఇచ్చారు.
We live in a weird weird world. Daughter & family pack father in a gunny bag,take him to a courier office,ask staff to send parcel out of Bengaluru, all this for a reel showing it's easier to courier a man than get bus & train tickets this festive season. Land in police station. pic.twitter.com/ROz2SWjFpT
— Deepak Bopanna (@dpkBopanna) March 17, 2026
ఈ లోకంలో టెక్నాలజీని, సోషల్ మీడియాను సృజనాత్మకత కోసం కాకుండా, ఇలాంటి వెర్రి చేష్టల కోసం వాడుతున్న తీరుపై నెటిజన్లు విస్మయం వ్యక్తం చేస్తున్నారు. రీల్స్ కోసం కన్నతండ్రిని కూడా వస్తువులా చూడటం దారుణం అంటూ సోషల్ మీడియాలో విమర్శలు వెల్లువెత్తుతున్నాయి.
టాప్ హెడ్ లైన్స్
ట్రెండింగ్ వార్తలు
