Hijab Controversy: 'హిజాబ్‌'పై వీడని ఉత్కంఠ- 2 గంటలకు పైగా కర్ణాటక హైకోర్టు విచారణ

హిజాబ్‌ను ధరించి విద్యాసంస్థలకు వెళ్లేలా అనుమతివ్వాలని దాఖలైన పిటిషన్లపై కర్ణాటక హైకోర్టు సోమవారం విచారణ చేపట్టింది. కర్ణాటక హైకోర్టు ప్రధాన న్యాయమూర్తి జస్టిస్​ రితురాజ్​ అవస్థి నేతృత్వంలోని ధర్మాసనం ఈరోజు 2 గంటలకుపైగా విచారించింది. అనంతరం విచారణను మంగళవారానికి వాయిదా వేసింది.

Hearing on Hijab row in Karnataka HC | Advocate Kamat replies that wearing headscarves is an essential practice of the Islamic faith

The hearing adjourned for tomorrow

— ANI (@ANI) February 14, 2022

మధ్యంతర తీర్పు

అయితే అంతకుముందు ధర్మాసనం ఈ పిటిషన్‌పై మంధ్యతర ఉత్తర్వులు ఇచ్చింది. విద్యాసంస్థల్లోకి అడుగుపెట్టినప్పుడు విద్యార్థులు ఎలాంటి మతపరమైన దుస్తులను ధరించరాదని హైకోర్టు వ్యాఖ్యానించింది. హిజాబ్ లేదా కాషాయ కండువా ఇలా.. ఏదీ ధరించవద్దని పేర్కొంది. కోర్టులో ఈ వ్యవహారంలో పెండింగ్‌లో ఉన్నంతవరకు ఇది పాటించాలని ఆదేశించింది.

అంతకుముందు  జస్టిస్ క్రృష్ణ దీక్షిత్ ఏకసభ్య ధర్మాసనం ఈ వ్యవహారాన్ని విస్తృత రాజ్యాంగ ధర్మాసనానికి రిఫర్ చేసింది. హిజాబ్ ధరించి కళాశాలలకు వెళ్లేందుకు అనుమతి ఇవ్వాలని కోరుతూ దాఖలైన ఈ పిటిషన్లపై మధ్యంతర ఉత్తర్వులు ఇచ్చేందుకు ఆయన నిరాకరించారు. విస్తృత ధర్మాసనమే ఈ ఉత్తర్వులపై నిర్ణయం తీసుకుంటుందని పేర్కొన్నారు.