Kanpur Bank employee: నేను ఠాకూర్ను.. బ్యాంకులో రెచ్చిపోయిన ఉద్యోగిని - సోషల్ మీడియా కడిగేసింది!
Bank employee: కాన్పూర్లోని హెచ్డిఎఫ్సి బ్యాంక్ ఉద్యోగి ఆస్థా సింగ్కు సంబంధించిన వీడియో సోషల్ మీడియాలో వైరల్గా మారింది. ఆ ఘటనపై ఆమె వివరణ ఇచ్చారు. కులవివాదం కాదని పర్సనల్ ఫైట్ అని చెబుతున్నారు.
HDFC Bank employee Viral video: యూపీలోని కాన్పూర్ లో హెచ్డీఎఫ్సీ బ్యాంకులో ఓ వ్యక్తితో ఉద్యోగిని వ్యవహరించిన విధానం వైరల్ అవుతోంది. వైరల్ అయిన ఆ వీడియోలో ఆస్థా సింగ్ అత్యంత ఆవేశంగా ప్రవర్తిస్తూ, తన కులం , హోదా గురించి చేసిన వ్యాఖ్యలే వివాదానికి కేంద్రబిందువు అయ్యాయి.
వీడియోలో ఆమె తన కులాన్ని ఉద్దేశించి మాట్లాడుతూ.. నేను ఠాకూర్ వంశానికి చెందినదాన్ని.. మా రక్తం వేరు అనే అర్థం వచ్చేలా వ్యాఖ్యలు చేశారు. తన సామాజిక వర్గం పట్ల గర్వాన్ని ప్రదర్శిస్తూనే, ఎదుటివారిని తక్కువ చేసేలా ఆమె బాడీ లాంగ్వేజ్ ఉంది. నన్నే అంటావా.. నా స్థాయి ఏంటో నీకు తెలుసా అంటూ ఎదుటి వ్యక్తిని హెచ్చరించడం ఆ వీడియోలో కనిపిస్తుంది. ఆమె బ్యాంక్ యూనిఫామ్లోనే ఉండి, ఆఫీస్ ప్రాంగణంలోనే గట్టిగా అరుస్తూ కనిపించారు. ఒక ప్రైవేట్ బ్యాంకులో పనిచేస్తూ, అంతటి ఆగ్రహావేశాలతో మాట్లాడటంతో వీడియో వైరల్ అయింది. తనతో గొడవకు దిగిన సహోద్యోగి భర్తకు వార్నింగ్ ఇస్తూ.. తనకున్న పలుకుబడి లేదా తన కుల బలం గురించి పరోక్షంగా వ్యాఖ్యలు చేస్తూ, పరిణామాలు తీవ్రంగా ఉంటాయని హెచ్చరించారు.
मेरा पूरा समर्थन आस्था सिंह के साथ है
— Chandan Sharma (@ChandanSharmaG) February 9, 2026
यह HDFC बैंक में कार्यरत है
अगर राजपूत लड़की अपने आप को राजपूत बोल रही है तो इसमें इन्होंने क्या गलत कहा?
प्रधानमंत्री छाती ठोक के कहते हैं, मैं पिछड़ा वर्ग से हूं
राष्ट्रपति जी भी कहती हैं कि वह आदिवासी हैं
सांसद चंद्रशेखर कहते हैं कि वह… pic.twitter.com/SIrNoZQa3l
ఈ వీడియో వైరల్ కావడంతో ఆమె వివరణ ఇచ్చారు. బ్యాంకులో ఒక సహోద్యోగి భర్త తనతో అసభ్యంగా ప్రవర్తించారు. ఆ దురుసు ప్రవర్తనను ఎదురించే క్రమంలోనే తాను ఆ విధంగా మాట్లాడాల్సి వచ్చిందని ఆమె చెబుతున్నారు. వీడియోలో తన కులం ప్రస్తావన రావడంపైనా వివరణ ఇచ్చారు. నన్ను అడిగారు కాబట్టే నా కులం పేరు చెప్పాను. నేను ఠాకూ వంశానికి చెందిన వ్యక్తినని చెప్పుకోవడానికి గర్వపడుతున్నాను. నా సహోద్యోగి బ్రాహ్మణ సామాజిక వర్గానికి చెందినవారు. ఇందులో ఎలాంటి కుల వివక్ష లేదు అని ఆమె చెబుతున్నారు.
#WATCH | Kanpur, UP: On her Viral Video, HDFC bank employee Astha Singh says, "... This incident has been misrepresented and is not related to any customer. The matter involves my colleague’s husband, who misbehaved with me, and the video was my response to that behaviour. I… pic.twitter.com/eazjPE5cN2
— ANI (@ANI) February 10, 2026
వ్యక్తిగత వివాదానికి కుల రంగు పులిమి సోషల్ మీడియాలో వైరల్ చేశారని ఆస్థా అంటున్నారు. కేవలం సగం వీడియోను మాత్రమే చూపిస్తూ తన వ్యక్తిత్వాన్ని హననం చేసేలా ప్రచారం చేస్తున్నారని ఆరోపిస్తున్నారు. ఈ తప్పుడు ప్రచారం వల్ల తన ప్రతిష్టకు భంగం కలిగిందని, దీనికి కారణమైన వారిపై చట్టపరమైన చర్యలు తీసుకుంటానని ఆమె హెచ్చరించారు. బ్యాంక్ లావాదేవీలకు లేదా కస్టమర్ల సేవలకు ఈ ఘటనతో ఎలాంటి సంబంధం లేదని ఆస్థా సింగ్ స్పష్టం చేశారు. పని ప్రదేశంలో మహిళా ఉద్యోగులపై జరిగే వేధింపులకు వ్యతిరేకంగా తాను గళం ఎత్తానని, దాన్ని వక్రీకరించి చూపడం సరికాదని ఆమె చెబుతున్నారు.
టాప్ హెడ్ లైన్స్
ట్రెండింగ్ వార్తలు
