Sanjay Raut ED Case: శివసేన ఎంపీ సంజయ్ రౌత్ ఇంట్లో ఈడీ సోదాలు- 'తగ్గేదేలే' అంటూ ట్వీట్

Sanjay Raut ED Case: శివసేన ఎంపీ సంజయ్ రౌత్ ఇంట్లో ఈడీ అధికారులు సోదాలు చేస్తున్నారు.

(Image Source: PTI)

Sanjay Raut ED Case: శివసేన ఎంపీ సంజయ్ రౌత్ నివాసంలో ఈడీ సోదాలు చేస్తోంది. పత్రా చాల్ భూ కుంభకోణం కేసులో విచారణ కోసం హాజరుకావాలని సంజయ్ రౌత్‌కు ఈడీ రెండుసార్లు సమన్లు జారీ చేసింది. ఆ ఆదేశాలను పాటించకపోవడంతో ఈ చర్యలు చేపట్టింది.

#WATCH Shiv Sena leader Sanjay Raut at his Mumbai residence as Enforcement Directorate conducts a raid there, in connection with the Patra Chawl land scam case pic.twitter.com/TnemlfgV1F

— ANI (@ANI) July 31, 2022

ఈడీ వేట

భాజపా, ఏక్‌నాథ్ శిందే వర్గంపై తీవ్ర ఆరోపణలు చేస్తోన్న సంజయ్ రౌత్‌ను ఎన్‌ఫోర్స్‌మెంట్ డైరెక్టరేట్ వెంటాడుతోంది. ఆదివారం ఉదయం 7 గంటలకు ఈడీ అధికారుల బృందం సీఐఎస్ఎఫ్ సిబ్బందితో కలిసి ముంబయి బందూప్‌లో ఉన్న సంజయ్ నివాసానికి చేరుకున్నారు.

Mumbai | Enforcement Directorate officials at Shiv Sena leader Sanjay Raut's residence, in connection with Patra Chawl land scam case pic.twitter.com/gFYdvR89zU

— ANI (@ANI) July 31, 2022

తనిఖీలు ప్రారంభించారు. ముంబయిలోని ఓ భవనం అభివృద్ధి, దానికి సంబంధించిన లావాదేవీలు, ఆయన సతీమణి, సన్నిహితుల లావాదేవీలపై అధికారులు ప్రశ్నిస్తున్నారు. 

లొంగిపోయేది లేదు

ఈడీ అధికారులు తన నివాసానికి చేరుకున్న తర్వాత సంజయ్ రౌత్ ఓ ట్వీట్ చేశారు. ఎన్ని విధాలుగా భయపెట్టినా తగ్గేదేలేదు అన్నారు.

" తప్పుడు చర్య, తప్పుడు సాక్ష్యాలు. నేను శివసేనను వీడను. నేను మరణించినా సరే, లొంగిపోయేది లేదు. నాకు ఎలాంటి కుంభకోణంతోనూ సంబంధం లేదు. శివసేన చీఫ్ బాలాసాహెబ్ ఠాక్రే మీద ప్రమాణం చేసి ఈ విషయం చెప్తున్నాను. పోరాడటాన్ని ఆయన మాకు నేర్పించారు. శివసేన కోసం నా పోరాటాన్ని కొనసాగిస్తాను.                                                             "

-సంజయ్ రౌత్, శివసేన ఎంపీ