DMK MLA Markandeyan Arrest: విజయ్పై అనుచితంగా మాట్లాడితే అరెస్టే - జైలుకెళ్లిన రెండో డీఎంకే ఎమ్మెల్యే - స్టాలిన్ ఫైర్
Stalin Condemns DMK MLA Arrest: ముఖ్యమంత్రి జోసెఫ్ విజయ్పై అనుచిత వ్యాఖ్యలు చేసిన కేసులో డీఎంకే ఎమ్మెల్యే మార్కండేయన్ను పోలీసులు అరెస్ట్ చేశారు. తూత్తుకుడిలో తీవ్ర ఉద్రిక్తత ఏర్పడింది.
Tamil Nadu Politics 2026: తమిళనాడు రాజకీయాలు ఒక్కసారిగా తీవ్ర ఉద్రిక్తంగా మారాయి. ముఖ్యమంత్రి, తమిళగ వెట్రి కజగం అధినేత సి. జోసెఫ్ విజయ్పై అనుచిత వ్యాఖ్యలు చేశారనే ఆరోపణలతో ప్రతిపక్ష డీఎంకే పార్టీకి చెందిన ప్లాథికుళం నియోజకవర్గ ఎమ్మెల్యే జి.వి. మార్కండేయన్ను తూత్తుకుడి జిల్లా క్రైమ్ బ్రాంచ్ పోలీసులు సోమవారం ఉదయం ఆయన నివాసంలోనే అరెస్ట్ చేశారు. ఈ అరెస్టుతో తూత్తుకుడి జిల్లాలోని విలాతికుళం, కోవిల్పట్టి పరిసర ప్రాంతాల్లో తీవ్ర ఉద్రిక్త వాతావరణం నెలకొనగా, శాంతిభద్రతల పరిరక్షణ కోసం భారీగా పోలీసు బలగాలను మోహరించారు.
Following the arrest of Vilathikulam MLA GV Markandeyan, Assembly officials clarified that law enforcement agencies do not require the permission of the Assembly Speaker or the Assembly Secretariat to arrest a sitting MLA. https://t.co/of5qhNWKdn#DTNext #TamilNadu #CMVijay pic.twitter.com/NDUKR9E0ss
— DT Next (@dt_next) July 20, 2026
డీఎంకే దివంగత అగ్రనేత, మాజీ ముఖ్యమంత్రి ఎం. కరుణానిధి జయంతి వేడుకలు, ఇటీవల జరిగిన అసెంబ్లీ ఎన్నికల్లో ఓటర్లకు కృతజ్ఞతలు తెలిపేందుకు కోవిల్పట్టిలో నిర్వహించిన బహిరంగ సభలో మార్కండేయన్ ప్రసంగిస్తూ సీఎం విజయ్ను లక్ష్యంగా చేసుకుని విమర్శలు గుప్పించారు. అసెంబ్లీలో సీఎం వ్యవహార శైలిపై విమర్శలు చేస్తూనే, వ్యక్తిగత దూషణలకు దిగడం, బెదిరింపులకు పాల్పడటం వంటి అనుచిత వ్యాఖ్యలు చేశారని టీవీకే పార్టీ ఉత్తర జిల్లా కార్యదర్శి పోలీసులకు ఫిర్యాదు చేయడంతో ఈ కేసు నమోదు చేశారు.
DMK MLA G.V. Markandeyan from Vilathikulam arrested by the police for allegedly making defamatory remarks against Chief Minister Joseph Vijay. pic.twitter.com/cecm0wfiZq
— Vignesh Theni (@Vignesh_twitz) July 20, 2026
మార్కండేయన్ అరెస్ట్ సమయంలో ఆయన అనుచరులు, డీఎంకే శ్రేణులు పోలీసు వాహనాలను అడ్డుకునేందుకు తీవ్ర ప్రయత్నం చేయడంతో అక్కడ తీవ్ర తోపులాట జరిగింది. చట్టాన్ని ఉల్లంఘించే రీతిలో విద్వేషాలను రగల్చడం, శాంతిభద్రతలకు విఘాతం కలిగించేలా మాట్లాడటంతో భారతీయ నాయ సంహిత సెక్షన్ 351(3), 352, 353(2) కింద ఆయనపై కేసులు నమోదు చేశారు.
ఇటీవలే తిరుచెందూర్ శాసనసభ్యుడు, మాజీ మంత్రి అనితా రాధాకృష్ణన్ కూడా సీఎం విజయ్పై అనుచిత వ్యాఖ్యలు చేసిన కేసులోనే మద్రాస్ హైకోర్టు ముందస్తు బెయిల్ పిటిషన్ను తిరస్కరించడంతో అరెస్ట్ అయ్యారు. కొన్ని వారాల వ్యవధిలోనే తూత్తుకుడి జిల్లాకు చెందిన ఇద్దరు కీలక డీఎంకే ఎమ్మెల్యేలు ఒకే తరహా కేసులో కస్టడీకి వెళ్లడం తమిళనాడు రాజకీయ వర్గాల్లో తీవ్ర దుమారం రేపుతోంది.
ఈ వరుస అరెస్టులపై డీఎంకే అధ్యక్షులు ఎం.కే. స్టాలిన్ తీవ్రస్థాయిలో విరుచుకుపడ్డారు. విమర్శలను తట్టుకోలేక టీవీకే ప్రభుత్వం కక్షసాధింపు రాజకీయాలకు పాల్పడుతోందని, రాజ్యాంగ హక్కులను కాలరాస్తూ పోలీసు బలగాలను విపక్షాలపై ప్రయోగిస్తోందని ఆరోపించారు. మరోవైపు చట్టానికి ఎవరూ అతీతులు కారని, ప్రజాప్రతినిధులై ఉండి శాంతిభద్రతలకు భంగం కలిగించేలా ప్రసంగాలు చేస్తే సహించేది లేదని టీవీకే వర్గాలు కౌంటర్ ఇస్తున్నాయి.
టాప్ హెడ్ లైన్స్
ట్రెండింగ్ వార్తలు
