Delhi Pandav Nagar Murder: దిల్లీలో మరో ఘోరం- భర్తను చంపి, శవాన్ని ముక్కలుగా నరికి ఫ్రిజ్‌లో దాచిన భార్య!

Delhi Pandav Nagar Murder: దిల్లీలో ఓ మహిళ.. తన భర్తను కుమారుడి సాయంతో హత్య చేసి, శవాన్ని ముక్కలుగా నరికి పారేసింది.

దిల్లీలో మరో ఘోరం

Delhi Pandav Nagar Murder: దేశవ్యాప్తంగా సంచలనం సృష్టించిన శ్రద్ధా వాకర్ హత్య ఘటన మరువకముందే మరో ఘోరం బయటకు వచ్చింది. దిల్లీలో తన భర్తను కుమారుడి సాయంతో చంపి.. ముక్కలుగా నరికేసి నగరంలోని వివిధ ప్రాంతాల్లో పడేసింది భార్య. ఈ కేసులో పాండవ్ నగర్‌లో మహిళతో పాటు ఆమె కొడుకును క్రైం బ్రాంచ్ పోలీసులు అరెస్ట్ చేశారు.

Pandav Nagar murder | Delhi: Visuals of the residence of the accused where they kept the chopped-off body pieces of the victim in the refrigerator. https://t.co/qRSsepJPzq pic.twitter.com/UVNalvLdT9

— ANI (@ANI) November 28, 2022

ఇదీ జరిగింది

పాండవ నగర్‌లో ఓ మహిళ తన కుమారుడితో కలిసి భర్తను దారుణంగా హత్య చేసింది. అనంతరం శవాన్ని ముక్కలు ముక్కలుగా నరికి ఫ్రిజ్‌లో దాచింది. ఆ తర్వాత రోజుకు కొన్ని శరీర భాగాల చొప్పున తీసుకెళ్లి గ్రౌండ్‌లో పడేసింది. పాండవ్ నగర్‌లో ఈ దారుణం జరిగింది. ఆ తల్లి, కుమారుడిని దిల్లీ క్రైం బ్రాంచ్ పోలీసులు అరెస్టు చేశారు.

A woman along with her son arrested by Crime Branch in Delhi's Pandav Nagar for murdering her husband. They chopped off body in several pieces,kept in refrigerator & used to dispose of pieces in nearby ground: Delhi Police Crime Branch

(CCTV visuals confirmed by police) pic.twitter.com/QD3o5RwF8X

— ANI (@ANI) November 28, 2022

ఈ ఇద్దరు కలిసే హత్య చేసి, శవాన్ని ముక్కలుగా చేసినట్లు పోలీసులు వెల్లడించారు. ఫ్రిజ్‌లో దాచిన శరీర భాగాలను పాండవ్ నగర్‌లోని గ్రౌండ్‌తో పాటు, తూర్పు దిల్లీలో ఓ చోట పడేసినట్లు గుర్తించారు. మొదట తూర్పు దిల్లీలో ఓ శవం శరీర భాగాన్ని గుర్తించామని.. సీసీటీవీలు పరిశీలించగా అసలు విషయం వెలుగులోకి వచ్చిందని పోలీసులు పేర్కొన్నారు. ఇందుకు సంబంధించిన సీసీటీవీ ఫుటేజీని పోలీసులు బయటపెట్టారు.

శ్రద్ధా హత్య

తన ప్రియురాలు శ్రద్ధాను.. అఫ్తాబ్‌ అనే వ్యక్తి దారుణంగా హత్య చేసిన ఘటన ఇటీవల సంచలనంగా మారింది. శ్రద్ధా తనను పెళ్లి చేసుకోవాలని ఒత్తిడి చేస్తోందని, దీని వల్ల వారి మధ్య తరచూ గొడవలు జరగినట్లు అఫ్తాబ్ తెలిపాడు. మే నెలలో శ్రద్ధాను దారుణంగా చంపి, ఆమె మృతదేహాన్ని ముక్కలుగా నరికి.. నగరంలోని పలు ప్రాంతాల్లో పారేసినట్లు ఒప్పుకున్నాడు.

అఫ్తాబ్ అమీన్ పూనావాలా (Aftab) గురించి రోజుకో సంచలన విషయం బయటపడుతోంది. 28 ఏళ్ల యువకుడు ఇంత కిరాతకంగా హత్య చేసి, దీని నుంచి తప్పించుకునేందుకు చేసిన పనులు ఆశ్చర్యం కలిగిస్తున్నాయి. అయితే ఆ యువకుడు 'డెక్స్‌టర్' (Web Series Dexter) అనే డ్రామా వెబ్ సిరీస్ ద్వారా 'స్పూర్తి' పొందాడని దర్యాప్తులో తేలింది.