Rakesh Tikait Update: మేం పాకిస్థానీలైతే.. మీరు 'సర్కారీ తాలిబన్లు': రాకేశ్ టికాయత్

రైతుల తలలు పగలగొట్టండంటూ పోలీసులకు ఆదేశాలిచ్చిన హరియాణా ఉన్నతాధికారిపై బీకేయూ నేత రాకేశ్ టికాయత్ ఆగ్రహం వ్యక్తం చేశారు. అలాంటి నేతలను నక్సల్ ప్రభావిత ప్రాంతాలకు ట్రాన్స్ ఫర్ చేయాలన్నారు.

మేం పాకిస్థానీలైతే.. మీరు 'సర్కారీ తాలిబన్లు': రాకేశ్ టికాయత్

హరియాణా కర్నల్ లో రైతులపై జరిగిన లాఠీఛార్జిని భారతీయ కిసాన్ యూనియన్ నేత రాకేశ్ టికాయత్ ఖండించారు. రైతుల తలలు పగులగొట్టడంటూ పోలీసులకు కర్నాల్‌ జిల్లా ఉన్నతాధికారి ఆయుష్‌ సిన్హా ఆదేశాలివ్వడాన్ని తీవ్రంగా తప్పుబట్టారు. ఆ ఐఏఎస్ అధికారిని 'తాలిబన్ల సర్కార్'కు కమాండర్ గా పేర్కొన్నారు.

Yesterday, an officer ordered (policemen) to hit farmers on their heads. They call us Khalistani. If you would call us Khalistani & Pakistani, we would say 'Sarkari Talibani' has occupied the country. They are 'Sarkari Talibanis': BKU leader Rakesh Tikait in Nuh, Haryana (1/2) pic.twitter.com/gSyoUOlyFe

— ANI (@ANI) August 29, 2021

The officers who speak about cracking farmers' heads should be posted in Naxal-affected areas. That IAS officer (Karnal SDM Ayush Sinha) is commander of 'Sarkari Talibani': BKU leader Rakesh Tikait in Nuh, Haryana (2/2) pic.twitter.com/1QU3tfkklV

— ANI (@ANI) August 29, 2021

నిన్న ఓ అధికారి రైతుల తలలు పగలగొట్టాలని పోలీసులకు ఆదేశాలు ఇచ్చారు. మమ్మల్ని వారు ఖలిస్థానీలు అంటున్నారు. మీరు మమ్మల్ని ఖలిస్థానీలు, పాకిస్థానీలు అని పిలిస్తే మిమ్మల్ని మేం 'సర్కారీ తాలిబన్లు' అని పిలుస్తాం.

                            రాకేశ్ టికాయత్, బీకేయూ నేత

ఇలాంటి ఆఫీసర్ లను నక్సల్ ప్రభావిత ప్రాంతాలకు ట్రాన్స్ ఫర్ చేయాలని టికాయత్ అన్నారు.

ఖట్టర్ సపోర్ట్..

రైతులపై పోలీసులు లాఠీఛార్జ్ చేయడాన్ని హరియాణా సీఎం ఖట్టర్ సమర్థించారు. శాంతియుత నిరసనకే తాము అనుమతి ఇచ్చామని, కానీ రైతులు రాళ్లు రువ్వారని, జాతీయ రహదారిని దిగ్బంధించారని ఆయన అన్నారు. ఇందుకోసమే పోలీసులు లాఠీఛార్జి చేసినట్లు తెలిపారు.