Watch Video: దళితులపై దారుణం.. గుంజీలు తీయించి, ఉమ్ము నాకించి.. ఇంకా!

దేశంలో దళితులపై భౌతిక దాడులు జరుగుతూనే ఉన్నాయి. తాజాగా బిహార్‌లో ఓ వ్యక్తి తనకు ఓటు వేయలేదనే కోపంతో ఇద్దరు దళితులను దారుణంగా వేధించాడు ఓ వ్యక్తి.

సూర్య నటించిన 'జై భీమ్' చిత్రం చూసి కన్నీళ్లు పెట్టుకున్నవాళ్లు ఎంతో మంది ఉన్నారు. అందులో దళితులకు జరిగిన అవమానాలు, దాడులను కళ్లకు కట్టారు. అయితే బిహార్‌లో ఇలాంటి దారుణ ఘటన జరిగింది. ఓ వ్యక్తి తనకు ఓటు వేయలేదనే కోపంతో ఇద్దరు దళితులను దారణంగా వేధించారు. గుంజీలు తీయించి.. రోడ్డుపైన ఉమ్ము నాకించారు. దీనికి సంబంధించిన వీడియో సోషల్ మీడియాలో వైరల్ అవుతోంది.

ఏం జరిగింది?

బిహార్‌ ఔరంగాబాద్‌ జిల్లాలోని ఓ గ్రామంలో ఈ ఘటన జరిగింది. సర్పంచ్‌ ఎన్నికల్లో తనకు సదరు దళితులు ఓటు వేయలేదని బల్వంత్ సింగ్ అనే వ్యక్తి ఇద్దరు దళితులపై దాడి చేశాడు.

ఓటు వేయాలని వారికి డబ్బులు ఇచ్చానని, వారు ఓటువేకపోవటంతో రెండు ఓట్ల తేడాతో ఓడిపోయానని దూషించాడు. వారిద్దని రోడ్డు మీదకు లాక్కొచ్చి.. ఓటు వేయనందుకు శిక్షగా గుంజీలు తీయించాడు. అంతటితో ఆగకుండా అవమానపరచాలని బలంవంతంగా రోడ్డు మీద ఉమ్మి నాకించాడు. సమాచారం అందుకున్న పోలీసులు బల్వంత్ సింగ్ అరెస్టు చేశారు. ఈ ఘటనపై అన్ని కోణాల్లో విచారణ చేస్తామని పోలీసులు పేర్కొన్నారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి