Srinagar Encounter: జమ్ముకశ్మీర్‌లో ఎన్‌కౌంటర్.. ఇద్దరు ముష్కరులు హతం

జమ్ముకశ్మీర్‌లో జరిగిన కాల్పుల్లో ఇద్దరు ముష్కరులు హతమయ్యారు.

జమ్ముకశ్మీర్‌లో కాల్పుల మోత మోగింది. శ్రీనగర్​ శివారులోని రంగ్రెత్ ప్రాంతంలో బలగాలకు, ఉగ్రవాదులకు మధ్య ఎదురుకాల్పులు జరిగాయి. ఈ ఎన్‌కౌంటర్‌లో ఇద్దరు ఉగ్రవాదులు హతమయ్యారు. ఈ మేరకు పోలీసులు వెల్లడించారు.

రంగ్రెత్ ప్రాంతంలో ఉగ్రవాదులు నక్కి ఉన్నారనే పక్కా సమాచారంతో బలగాలు గాలింపు చేపట్టాయి. అయితే భద్రతా బలగాలను చూసిన వెంటనే ఉగ్రవాదులు కాల్పులకు తెగబడ్డారు. బలగాలు జరిపిన ఎదురుకాల్పుల్లో ఇద్దరు ఉగ్రవాదులు హతమయ్యారు.

మృతులు ఏ ఉగ్రవాద సంస్థకు చెందినవారో ఇంకా తెలియలేదని పోలీసులు తెలిపారు. గాలింపు చర్యలు కొనసాగుతున్నట్లు వెల్లడించారు. ఎన్‌కౌంటర్‌ జరిగిన ప్రాంతంలో భద్రతను మరింత పటిష్ఠం చేశారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి