2001 Parliament Attack: పార్లమెంటుపై ఉగ్రదాడికి 20 ఏళ్లు.. వీరులకు రాష్ట్రపతి, ప్రధాని నివాళులు

2001లో భారత పార్లమెంటుపై జరిగిన ఉగ్రదాడిలో మృతి చెందిన వీరులకు రాష్ట్రపతి, ప్రధాని మోదీ నివాళులర్పించారు.

పార్లమెంటుపై ఉగ్రదాడి జరిగి నేటికి 20 ఏళ్లు పూర్తయింది. ఈ నేపథ్యంలో ఆ దాడిలో మృతి చెందిన భద్రతా సిబ్బందిని స్మరించుకుంటూ రాష్ట్రపతి రామ్‌నాథ్ కోవింద్, ప్రధాన నరేంద్ర మోదీ, రక్షణ మంత్రి రాజ్‌నాథ్ సింగ్, కేంద్ర హోంమంత్రి అమిత్ షా ట్వీట్లు చేశారు. వారు చేసిన త్యాగానికి దేశం ఎప్పటికీ రుణపడి ఉంటుందన్నారు. 

పార్లమెంటుపై జరిగిన ఉగ్రదాడిలో మృతి చెందిన భద్రతా సిబ్బందికి నా నివాళులు అర్పిస్తున్నాను. ప్రపంచంలోనే అతిపెద్ద ప్రజాస్వామ్యానికి ప్రతీకైన పార్లమెంటును కాపాడేందుకు మీరు చేసిన త్యాగం నిత్యస్మరణీయం. మీ త్యాగాన్ని దేశం ఎప్పటికీ గుర్తుపెట్టుకుంటుంది.                                                           -  రామ్‌నాథ్ కోవింద్, రాష్ట్రపతి 

2001లో పార్లమెంటుపై జరిగిన దాడిలో మృతి చెందిన భద్రతా సిబ్బందికి నా నివాళులు. వీరి త్యాగం దేశ పౌరులకు ప్రేరణ అందిస్తూనే ఉంటుంది.                                                                  -  ప్రధాని నరేంద్ర మోదీ

ఉగ్రదాడి..

లష్కరే తొయిబా (ఎల్​ఈటీ) ఉగ్రసంస్థకు చెందిన ఐదుగురు సాయుధులు 2001 డిసెంబర్ 13న పార్లమెంట్​పై దాడి చేశారు. పార్లమెంట్ కాంప్లెక్స్​లోకి చొరబడి విచక్షణా రహితంగా కాల్పులు చేశారు. ఇందులో ఓ పౌరుడు, భద్రతా సిబ్బంది సహా 14 మంది ప్రాణాలు కోల్పోయారు. సమావేశాలు జరుగుతున్న సమయంలోనే ఈ ఘటన జరిగింది. ఆ సమయంలో పార్లమెంట్​లో 100 మంది సభ్యులు ఉన్నారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి