Kashi Vishwanath Corridor: మోదీ కాశీ యాత్ర విశేషాలు.. పూల వర్షం, గంగా స్నానం, కార్మికులతో లంచ్!

ప్రధాని నరేంద్ర మోదీ వారణాసి పర్యటన విశేషాలు ఆకట్టుకున్నాయి. కాశీ విశ్వ నాథ్ కారిడార్‌ను ప్రారంభించిన మోదీ అక్కడి కార్మికులతో కలిసి భోజనం చేశారు.

వారణాసి పర్యటనలో భాగంగా ప్రధాని నరేంద్ర మోదీ అక్కడి కార్మికులతో కలిసి భోజనం చేశారు. మోదీకి ఎదురుగా యూపీ సీఎం యోగి ఆదిత్యనాథ్​ కూడా ఉన్నారు. కాశీ విశ్వనాథ్​ నడవా నిర్మాణంలో ఈ కార్మికులు భాగస్వామ్యులయ్యారు.

గంగా స్నానం..

కాశీ విశ్వనాథ్ కారిడార్‌ను ప్రారంభించకముందు గంగానదిలో పుణ్య స్నానం ఆచరించారు ప్రధాని నరేంద్ర మోదీ. కలశంతో పూలు తీసుకుని నది లోపలికి వెళ్లి పూలను వదిలారు. అనంతరం సూర్య నమస్కారం చేశారు. మెడలో రుద్రాక్ష మాలను తీసి కాసేపు మంత్రాలు జపించారు.

పూల వర్షం..

కాశీ విశ్వనాథ్ కారిడార్‌ను ప్రారంభించేందుకు వచ్చిన మోదీకి వారణాసి ప్రజలు ఘన స్వాగతం పలికారు. ప్రధాని కాన్వాయ్‌పై పూల వర్షం కురింపించారు. తనను చూసేందుకు హాజరైన ప్రజలకు మోదీ అభివాదం చేశారు.

కలల ప్రాజెక్ట్..

కాశీ విశ్వనాథ్‌ కారిడార్‌ పనులకు 2019 మార్చిలో ప్రధాని మోదీ శంకుస్థాపన చేశారు. ఈ ప్రాజక్టులో భాగంగా కాశీ ఆలయ సమీపంలోని భవనాలను కూల్చివేసి రహదారులను విస్తరించారు. టెంపుల్‌ చౌక్‌, వారణాసి సిటీ గ్యాలరీ, ప్రదర్శన శాల, బహుళ రీతిలో ఉపయోగించుకునే ఆడిటోరియాలు, హాళ్లు, ధ్యాన మందిరం, భక్తులు, అర్చకుల బస కేంద్రాలు, ఆధ్యాత్మిక పుస్తక కేంద్రాన్ని నిర్మించారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి