Goa Polls 2022: గోవాలో కేజ్రీవాల్ ఇంటింటి ప్రచారం.. ముందు దిల్లీ సంగతి చూసుకోమని శివసేన కౌంటర్

ఆమ్‌ఆద్మీ అధినేత అరవింద్ కేజ్రీవాల్.. గోవా ఎన్నికల ప్రచారం బిజీబిజీగా ఉన్నారు. ఇంటింటి ప్రచారం నిర్వహిస్తున్నారు.

గోవాలో అరవింద్ కేజ్రీవాల్ ఇంటింటి ప్రచారం

దిల్లీ సీఎం అరవింద్ కేజ్రీవాల్.. గోవాలో ఇంటింటి ప్రచారం నిర్వహిస్తున్నారు. గోవాలో ఆమ్‌ఆద్మీ పార్టీని గెలిపించాలని విస్తృత ప్రచారం చేస్తున్నారు. ఇటీవల కరోనా నుంచి కోలుకున్న కేజ్రీవాల్.. తిరిగి ఎన్నికల ప్రచారాల్లో పాల్గొంటున్నారు.

AAP national convenor Arvind Kejriwal held a door-to-door campaign in a poll-bound Goa

"We just did a door-to-door campaign, people are very excited to vote for Aam Aadmi Party, as they require a change & are tired of the other two parties," he says pic.twitter.com/rkljo9woQX

— ANI (@ANI) January 16, 2022

" గోవాలో ఇంటింటి ప్రచారం నిర్వహిస్తున్నాం. ఆమ్‌ఆద్మీ పార్టీకి ఓటు వేయాలని గోవా ప్రజలు ఉత్సాహంగా ఉన్నారు. ఎన్నో ఏళ్లుగా పరిపాలిస్తోన్న రెండు పార్టీలతో ప్రజలు విసిగిపోయారు. గోవా మార్పు కోరుకుంటోంది.                                               "

-అరవింద్ కేజ్రీవాల్, ఆమ్‌ఆద్మీ అధినేత

శివసేన విమర్శలు.. 

అరవింద్ కేజ్రీవాల్.. గోవాలో ఇంటింటి ప్రచారం నిర్వహించడంపై శివసేన విమర్శలు చేసింది. దిల్లీలో కరోనా కేసులు పెరుగుతోంటే సీఎం కేజ్రీవాల్ గోవాలో ఇంటింటి ప్రచారం నిర్వహిస్తున్నారని శివసేన ఎంపీ సంజయ్ రౌత్ ఆరోపించారు.

If your party (AAP) is so strong why would Delhi CM...(visit Goa), he is needed more in Delhi where cases are increasing: Sanjay Raut, Shiv Sena pic.twitter.com/Db9xBPQnea

— ANI (@ANI) January 16, 2022

" దిల్లీలో కరోనా కేసులు ఘోరంగా పెరుగుతోంటే సీఎం కేజ్రీవాల్ గోవాలో డోర్-టు-డోర్ క్యాంపెయిన్ చేస్తున్నారు. దేనికోసం ఇదంత? గోవాలో మా పార్టీ చాలా బలంగా ఉందని కేజ్రీవాల్ అంటున్నారు. అలా అయితే ఇంక ప్రచారం దేనికి? ఆయన అవసరం గోవా కంటే దిల్లీకే ఎక్కువ ఉంది.                                               "

-సంజయ్ రౌత్, శివసేన ఎంపీ

 

గట్టి పోటీ..

 

అరవింద్ కేజ్రీవాల్.. ఇతర రాష్ట్రాల్లో ఆమ్‌ఆద్మీని విస్తరించే పనిలో ఉన్నారు. ఇప్పటికే పంజాబ్‌లో ఆప్ ప్రతిపక్షంగా ఉంది. ఇక ఉత్తర్‌ప్రదేశ్‌, గోవా, ఉత్తరఖండ్‌.. ఇలా త్వరలో అసెంబ్లీ ఎన్నికలు జరగనున్న అన్ని రాష్ట్రాల్లోనూ పార్టీని బలోపేతం చేశారు. ముఖ్యంగా గోవాలో కీలక హామీలు ప్రకటిస్తున్నారు. 

గోవాలో ఆప్ అధికారంలోకి వస్తే 18 ఏళ్లు నిండిన ప్రతి మహిళకు నెలకు రూ.1000 అందజేస్తామని హామీ ఇచ్చారు. ఆమ్ ఆద్మీ పార్టీ అధికారంలోకి వస్తే గృహ ఆధార్ ఆదాయాన్ని నెలకు 1,500 రూపాయల నుంచి 2,500 రూపాయలకు పెంచుతామన్నారు.  

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి