777 Charlie Review: 777 చార్లీ సినిమా రివ్యూ: ఇది సినిమా కాదు - ఒక అందమైన ప్రయాణం

రక్షిత్ శెట్టి హీరోగా నటించిన 777 చార్లీ సినిమా ఎలా ఉందంటే?

FOLLOW US: 

సినిమా రివ్యూ: 777 చార్లీ
రేటింగ్: 3/5
నటీనటులు: రక్షిత్ శెట్టి, సంగీత శ్రింగేరి, రాజ్ బి.శెట్టి, బాబీ సింహా తదితరులు
సంగీతం: నోబిన్ పాల్
నిర్మాణ సంస్థ: పరంవా స్టూడియోస్
దర్శకత్వం: కె.కిరణ్ రాజ్
విడుదల తేదీ: జూన్ 10, 2022

కన్నడనాట విలక్షణ సినిమాలకు పెట్టింది పేరైన హీరో రక్షిత్ శెట్టి. 2019లో వచ్చిన ‘అవనే శ్రీమన్నారాయణ’ (తెలుగులో అతడే శ్రీమన్నారాయణ) సినిమా తర్వాత 777 చార్లీ అనే ప్రత్యేకమైన సినిమాతో మళ్లీ ప్రేక్షకుల ముందుకు వచ్చాడు. సినిమాలో హీరోతో సమానంగా కుక్కకు కూడా ప్రాధాన్యం ఇవ్వడంతో ఈ సినిమా ప్రేక్షకుల దృష్టిని ఆకర్షించింది. మరి సినిమా ఎలా ఉంది? 

కథ: ధర్మ (రక్షిత్ శెట్టి) తల్లిదండ్రులు తన చిన్నతనంలోనే కార్ యాక్సిడెంట్‌లో చనిపోతారు. అప్పట్నుంచి తనకు ఒంటరితనం అలవాటు అవుతుంది. తన ఊర్లోనే ఒక ఫ్యాక్టరీలో పనిచేస్తూ నిస్సారమైన జీవితం గడుపుతూ ఉంటాడు. తన జీవితంలోకి ఒక కుక్క వస్తుంది. మొదట ఇష్టం లేకపోయినా తర్వాత క్రమంగా ధర్మ కూడా ఆ కుక్క మీద ఇష్టం పెంచుకుంటాడు. దానికి చార్లీ అని పేరు పెట్టి పెంచుకుంటాడు. ఇంతలో చార్లీకి క్యాన్సర్ అని, తను ఎక్కువ కాలం బతకదని తెలుస్తుంది. దీంతో చార్లీ చనిపోయేలోపు తనకు ఇష్టమైన ప్రదేశాలకు తీసుకెళ్లాలని ధర్మ అనుకుంటాడు. అసలు చార్లీకి క్యాన్సర్ రావడానికి కారణం ఏంటి? చార్లీ బతికిందా? చార్లీకి బాగా అటాచ్ అయిన ధర్మ ఏమయ్యాడు? ఇవన్నీ తెలియాలంటే 777 చార్లీ చూడాల్సిందే.

విశ్లేషణ: సాధారణంగా ఇప్పటివరకు వచ్చిన డాగ్ బేస్డ్ సినిమాల్లో కుక్కకి, మనిషి మీద ఉండే ఎమోషన్‌ను ఎక్కువగా చూపించారు. కుక్కలు మనుషులకు ఎంత విశ్వాసంగా ఉంటాయి, ఒక్కసారి యజమానిని ప్రేమిస్తే వాటి ప్రేమ ఏ స్థాయిలో ఉంటుంది వంటివే మనం ఎక్కువగా చూశాం. కానీ 777 చార్లీ ఈ పాయింట్‌కు రివర్స్‌లో ఉండే కథ. ఒక మనిషి కుక్కను ఎంత ప్రేమించాడు అనేది ఈ సినిమాలో ప్రధాన పాయింట్. దర్శకుడు కిరణ్ రాజ్ సినిమాను ఎంతో ఎమోషనల్‌గా తెరకెక్కించారు. ఇటువంటి సబ్జెక్ట్‌ని ఎంచుకోవడమే సాహసం. అయితే ఆ సాహసాన్ని కిరణ్‌రాజ్ సక్సెస్‌ఫుల్‌గా సాధించారు. కొన్ని సన్నివేశాల్లో మనకు తెలియకుండానే కళ్లల్లో నీళ్లు తిరుగుతాయి.

రక్షిత్ శెట్టి, చార్లీ మధ్య ప్రారంభంలో వచ్చే సన్నివేశాలు నవ్విస్తాయి. కుక్క అలవాటు అవ్వకముందు రక్షిత్ శెట్టి పడే ఇబ్బందులు ఫన్నీగా చూపించారు. వీరిద్దరి మధ్య బాండ్ పెరిగేకొద్దీ సినిమా ఎమోషనల్‌గా మారుతుంది. సినిమా ముగింపు ఊహించిందే అయినా అక్కడ వచ్చే ట్విస్ట్ ఆకట్టుకుంటుంది. అయితే అక్కడక్కడా వచ్చే అనవసర సన్నివేశాలు, కొన్ని సన్నివేశాల్లో మెలో డ్రామా ఎక్కువ అవ్వడం కొంచెం మైనస్.

నోబిన్ పాల్ అందించిన పాటలు, బ్యాక్‌గ్రౌండ్ మ్యూజిక్ ఆకట్టుకుంటాయి. అరవింద్ కాశ్యప్ సినిమాటోగ్రఫీ కూడా సూపర్. ముఖ్యంగా కశ్మీర్ నేపథ్యంలో వచ్చే సన్నివేశాలు విజువల్‌గా అద్భుతంగా ఉంటాయి. ఖర్చుకు వెనకాడకుండా ఈ సినిమాను నిర్మించారు.

ఇక నటీనటుల విషయానికి వస్తే... ఈ సినిమాలో ప్రధాన పాత్రలు రెండే. రక్షిత్ శెట్టి, చార్లీ పాత్ర పోషించిన కుక్క. ఈ కుక్క పేరు కూడా చార్లీనే. ఎమోషనల్ సన్నివేశాల్లో రక్షిత్ శెట్టి ఆకట్టుకుంటుంది. ముఖ్యంగా క్లైమ్యాక్స్‌లో అయితే ఏడిపించేస్తాడు. తను ఎంత మంచి నటుడో ఈ సినిమా ద్వారా తెలుస్తుంది. ఇక చార్లీ నుంచి కూడా అద్బుతంగా నటన రాబట్టారు. ఈ కుక్కకు కూడా అవార్డులు ఇవ్వాలని ఈ సినిమాను ట్వీట్ చేస్తున్నారంటేనే అర్థం చేసుకోవచ్చు ఎంత బాగా నటించిందో. రక్షిత్ శెట్టి ఎంత ఎమోషనల్‌గా నటించాడో... చార్లీ కూడా అంతే అద్భుతంగా నటిస్తుంది. ఇక మిగతా నటీనటులందరూ తమ పాత్రలకు న్యాయం చేశారు. ప్రముఖ తమిళ నటుడు బాబీ సింహా కామియో కూడా ఆకట్టుకుంటుంది.

ఓవరాల్‌గా చెప్పాలంటే... మీరు పెట్ లవర్స్ అయితే కచ్చితంగా చూడాల్సిన సినిమా 777 చార్లీ. ఒకవేళ కాకపోతే ఈ సినిమా చూస్తే కచ్చితంగా పెట్స్‌ను ప్రేమిస్తారు.

Also Read: 'మేజర్' రివ్యూ: బరువెక్కిన గుండెతో బయటకు వస్తారు, సందీప్ ఉన్నికృష్ణన్ బయోపిక్ ఎలా ఉందంటే?

Also Read: '9 అవర్స్' రివ్యూ: వెబ్ సిరీస్ చూశాక ఆ ఒక్క ప్రశ్న మిమ్మల్ని వెంటాడుతుంది

Published at : 10 Jun 2022 01:53 PM (IST) Tags: ABPDesamReview 777 Charlie Movie 777 Charlie Rakshit Shetty 777 Charlie Review in Telugu 777 Charlie Review 777 Charlie Movie Rating 777 Charlie Review Telugu

సంబంధిత కథనాలు

10th Class Diaries Movie Review - 'టెన్త్ క్లాస్ డైరీస్' రివ్యూ: స్కూల్ డేస్ లవ్వే  కాదు, అంతకు మించి - శ్రీరామ్, అవికా గోర్ నటించిన సినిమా ఎలా ఉందంటే?

10th Class Diaries Movie Review - 'టెన్త్ క్లాస్ డైరీస్' రివ్యూ: స్కూల్ డేస్ లవ్వే కాదు, అంతకు మించి - శ్రీరామ్, అవికా గోర్ నటించిన సినిమా ఎలా ఉందంటే?

Anya’s Tutorial Web Series Review - 'అన్యాస్ ట్యుటోరియల్' రివ్యూ: రెజీనా, నివేదితా సతీష్ భయపెట్టారా? లేదా?

Anya’s Tutorial Web Series Review - 'అన్యాస్ ట్యుటోరియల్' రివ్యూ: రెజీనా, నివేదితా సతీష్ భయపెట్టారా? లేదా?

Pakka Commercial Movie Review - 'పక్కా కమర్షియల్' రివ్యూ: గోపీచంద్, రాశీ ఖన్నా జంటగా మారుతి తెరకెక్కించిన సినిమా ఎలా ఉందంటే?

Pakka Commercial Movie Review - 'పక్కా కమర్షియల్' రివ్యూ: గోపీచంద్, రాశీ ఖన్నా జంటగా మారుతి తెరకెక్కించిన సినిమా ఎలా ఉందంటే?

Rocketry Movie Review - 'రాకెట్రీ' రివ్యూ: ఫస్టాఫ్‌లో సైన్స్ పాఠాలు, సెకండాఫ్‌లో భావోద్వేగాలు - నంబి నారాయణన్ బయోపిక్ ఎలా ఉందంటే?

Rocketry Movie Review - 'రాకెట్రీ' రివ్యూ: ఫస్టాఫ్‌లో సైన్స్ పాఠాలు, సెకండాఫ్‌లో భావోద్వేగాలు - నంబి నారాయణన్ బయోపిక్ ఎలా ఉందంటే?

Chor Bazaar Movie Review: చోర్ బజార్ సినిమా రివ్యూ: బచ్చన్ సాబ్ మెప్పించాడా?

Chor Bazaar Movie Review: చోర్ బజార్ సినిమా రివ్యూ: బచ్చన్ సాబ్ మెప్పించాడా?

టాప్ స్టోరీస్

IndiGo flights Delay : సిక్ లీవ్ పెట్టి ఇంటర్య్వూకు చెక్కేసిన ఇండిగో సిబ్బంది, 900 విమాన సర్వీసులపై ప్రభావం

IndiGo flights Delay : సిక్ లీవ్ పెట్టి ఇంటర్య్వూకు చెక్కేసిన ఇండిగో సిబ్బంది, 900 విమాన సర్వీసులపై ప్రభావం

PM Modi Speech: తెలంగాణలోనూ డబుల్ ఇంజిన్ సర్కార్ వస్తుంది, అభివృద్ధి డబుల్ అవుతుంది-ప్రధాని మోదీ

PM Modi Speech: తెలంగాణలోనూ డబుల్ ఇంజిన్ సర్కార్ వస్తుంది, అభివృద్ధి డబుల్ అవుతుంది-ప్రధాని మోదీ

Minister Harish Rao : తెలంగాణకు మోదీ మొండి చెయ్యి, ప్రధాని కల్లబొల్లి కబుర్లు చెప్పారు- మంత్రి హరీశ్ రావు

Minister Harish Rao : తెలంగాణకు మోదీ మొండి చెయ్యి, ప్రధాని కల్లబొల్లి కబుర్లు చెప్పారు- మంత్రి హరీశ్ రావు

Balakrishna: 'ఇట్లు మారేడుమిల్లి ప్రజానీకం' టీమ్ తో బాలయ్య - లుక్ అదుర్స్

Balakrishna: 'ఇట్లు మారేడుమిల్లి ప్రజానీకం' టీమ్ తో బాలయ్య - లుక్ అదుర్స్