Best Yoga Poses for Joint Health : కీళ్ల నొప్పులను దూరం చేసే సింపుల్ యోగాసనాలు ఇవే.. రోజూ చేస్తే మంచి ఉపశమనం!
Simple Yoga Asanas For Joint Pain : కీళ్ల సమస్యలతో ఇబ్బంది పడుతున్నారా? అయితే రోజూ ఈ ఆసనాలు వేస్తే కచ్చితంగా ఉపశమనం ఉంటుందని యోగా నిపుణులు చెప్తున్నారు. అవేంటో.. వాటివల్ల కలిగే లాభాలు ఏంటో చూసేద్దాం.
- కీళ్ల నొప్పులు తగ్గడానికి యోగా ఆసనాలు మంచి పరిష్కారం.
- ఈ ఆసనాలు కీళ్ల కదలిక, బలం, ఫ్లెక్సీబులిటీని పెంచుతాయి.
- తీవ్రమైన నొప్పులుంటే వైద్యుల సలహా తీసుకోవడం తప్పనిసరి.
- సరైన ఆహారం, బరువు నియంత్రణతో యోగా ఫలితాలిస్తుంది.
Daily Yoga for Joint Pain : ప్రస్తుతం చిన్నవారి నుంచి పెద్దవారి వరకు చాలామంది కీళ్ల నొప్పులతో ఇబ్బంది పడుతున్నారు. ఎక్కువసేపు కూర్చోవడం, వ్యాయామం లేకపోవడం, వయసు పెరగడం, అధిక బరువు లేదా ఆర్థరైటిస్ వంటి సమస్యల వల్ల కీళ్ల నొప్పులు రావచ్చు. ఇలాంటప్పుడు కొన్ని యోగాసనాలను రెగ్యులర్గా చేస్తే కీళ్ల కదలికలు మెరుగుపడి.. నొప్పులు తగ్గడంతో పాటు శరీరానికి ఫ్లెక్సీబులిటీ కూడా పెరుగుతుంది. మరి కీళ్ల నొప్పులకు ఉపశమనం కలిగించే యోగాసనాలు ఏంటో ఇప్పుడు తెలుసుకుందాం.
తడాసనం
తడాసనం శరీర భంగిమను మెరుగుపరచడంలో సహాయపడుతుంది. ఇది మోకాళ్లు, చీలమండలు, నడుముపై ఒత్తిడిని తగ్గించి శరీర సమతుల్యతను పెంచుతుంది. రోజూ కొన్ని నిమిషాలు ఈ ఆసనం చేయడం వల్ల కీళ్లపై ఒత్తిడి తగ్గుతుంది.
వృక్షాసనం
ఒక కాలిపై నిలబడి చేసే ఈ ఆసనం కాళ్ల కండరాలను బలపరుస్తుంది. మోకాళ్ల చుట్టూ ఉన్న కండరాలకు బలం పెంచడంతో పాటు కీళ్లకు మద్దతు ఇస్తుంది. అలాగే శరీర సమతుల్యత కూడా మెరుగుపడుతుంది.
భుజంగాసనం
భుజంగాసనం వెన్నెముక, భుజాలు, నడుము భాగాలను బలపరుస్తుంది. శరీరంలో రక్తప్రసరణను మెరుగుపరచి కీళ్ల బిగుతును తగ్గించడంలో సహాయపడుతుంది.
మార్జర్యాసనం
మార్జర్యాసనం యోగా భంగిమ వెన్నెముక కదలికలను మెరుగుపరుస్తుంది. మెడ, భుజాలు, వెన్నెముక కీళ్లలో ఉండే బిగుతును తగ్గించి శరీరానికి ఫ్లెక్సీబులిటీని అందిస్తుంది.
త్రికోణాసనం
త్రికోణాసనం కాళ్లు, నడుము, వెన్నెముక భాగాలను స్ట్రెచ్ చేస్తుంది. కీళ్ల చుట్టూ రక్తప్రసరణ పెరిగి నొప్పులు తగ్గేందుకు దోహదపడుతుంది.
వీరభద్రాసనం
వీరభద్రాసనం కాళ్ల కండరాలను బలపరచి మోకాళ్లకు మద్దతు ఇస్తుంది. కీళ్ల స్థిరత్వాన్ని పెంచి రోజువారీ పనులు సులభంగా చేయడానికి సహాయపడుతుంది.
బాలాసనం
బాలాసనం శరీరానికి విశ్రాంతిని అందించే యోగాసనం. నడుము, మోకాళ్లు, హిప్స్పై ఒత్తిడిని తగ్గించి కీళ్ల నొప్పుల నుంచి ఉపశమనం కలిగిస్తుంది.
సేతు బంధాసనం
సేతు బంధాసనం వెన్నెముక, మోకాళ్లు, హిప్స్ కీళ్లను బలపరుస్తుంది. శరీర కదలికలను మెరుగుపరచి కీళ్ల నొప్పులను తగ్గించడంలో సహాయపడుతుంది.
యోగా చేసేటప్పుడు తీసుకోవాల్సిన జాగ్రత్తలు
కీళ్ల నొప్పులు తీవ్రంగా ఉంటే వైద్యుడి సలహా తీసుకున్న తర్వాతే యోగా ప్రారంభించాలి. అలాగే ఆసనాలను నెమ్మదిగా చేయాలి. నొప్పి పెరిగితే వెంటనే ఆపేయాలి. యోగా చేసే ముందు కాస్త వార్మప్ చేయాలి. శ్వాసను సక్రమంగా తీసుకుంటూ, క్రమం తప్పకుండా ఆసనాలు వేస్తే మంచి ఫలితాలు కనిపిస్తాయి. కీళ్ల నొప్పులు పూర్తిగా తగ్గడానికి యోగా ఒక్కటే పరిష్కారం కాకపోయినా.. సరైన ఆహారం, బరువు నియంత్రణ, వైద్యుల సూచనలతో పాటు యోగా చేస్తే కీళ్ల ఆరోగ్యం మెరుగుపడుతుంది.
కీళ్ల సమస్యల, నొప్పులకు సంబంధించిన మరిన్ని ఇంట్రెస్టింగ్ విషయాలకోసం దీనిని క్లిక్ చేయండి.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
టాప్ హెడ్ లైన్స్
ట్రెండింగ్ వార్తలు
