వీడియో: నల్లతాచుకు గ్లాసుతో నీళ్లు పట్టాడు, నీ ధైర్యాన్ని మెచ్చుకోవాలిరా అబ్బాయ్!

నల్లతాచు కాటువేస్తే అక్కడికక్కడే చనిపోతారు. అలాంటి విషపూరిత పాము దాహం తీర్చి.. ధైర్యాన్నే కాదు, మనవత్వాన్ని సైతం చాటాడు ఓ వ్యక్తి. ఆ వీడియో ఇప్పుడు సోషల్ మీడియాలో వైరల్ అవుతోంది.

Image Credit: Twitter

పాము అనగానే భయంతో ఎగిరి గంతేసేవాళ్లు చాలామంది. అక్కడ పాము ఉందో లేదో కూడా చూసుకోకుండా.. పరుగులు పెట్టేస్తారు. అలాంటివారికి నాగు పాము లేదా నల్ల తాచు పాములు ఎదురైతే? ఇంకేముంది.. ప్రాణాలు గాల్లో కలిసిపోవడం పక్కా. 

ఇండియన్ ఫారెస్ట్ సర్వీస్(IFS) అధికారి సుశాంత్ నందా ఇటీవల ఓ కోతి.. బాతులతో కలిసి పుచ్చకాయ తింటున్న వీడియోను పోస్టు చేశారు. దాని కింద ఎన్.ఎస్.సుకుమార్ అనే వ్యక్తి మరో వీడియోను పోస్ట్ చేశాడు. దాన్ని చూస్తే మీరు తప్పకుండా ఆశ్చర్యపోతారు. 

ఓ వ్యక్తి.. అత్యంత విషపూరితమైన నల్ల తాచుపాముకు నీళ్లు పట్టిస్తున్నాడు. ఆ పాము కూడా అతడిని ఏమీ చేయకుండా గ్లాసులో తల పెట్టి నీళ్లు గడగడ తాగేసింది. సాధారణంగా పాములు చాలా వేగంగా ఉంటాయి. ఆ నీళ్ల గ్లాసు పట్టుకున్న వ్యక్తిని సెకన్ల వ్యవధిలో అది కాటేయగలదు. ఆ వ్యక్తి కూడా ఆ నీటిని ఏదైనా ప్లేటులో వేసి పెట్టవచ్చు. కానీ, ఆ సమయంలో అతడికి అలాంటి పాత్రలేవీ కనిపించలేదు. అందుబాటులో ఉన్న గ్లాసులోనే నీళ్లు పోసి తాగించాడు. ఒక వేళ ఆ గ్లాస్ కింద పెట్టి ఉంటే ఆ పాము తాగడానికి ఇబ్బందిపడేది. అలాగే ఆ గ్లాసు నీళ్లు నేలపాలయ్యే అవకాశాలు కూడా ఉన్నాయి. ఈ వీడియోలో ఉన్న వ్యక్తి ధైర్యాన్ని నెటిజనులు మెచ్చుకుంటున్నారు. నీ ప్రాణాలకు తెగించి మరీ మరో ప్రాణికి సాయం చేశావని అంటున్నారు. అలాగే, ఆ పాము కూడా తనకు నీళ్లు పట్టించిన వ్యక్తిని ఏమీ చేయకుండా వదిలేయడాన్ని చూసి అంతా ఆశ్చర్యపోతున్నారు. ఇంకెందుకు ఆలస్యం ఆ వీడియోను మీరు కూడా చూసేయండి. 

Monkey and ducklings are eating watermelon and here u are watching the king cobra actually drinking water from a glass held in the hand. They too have to be hydrated then n there.But they don't open the mouth to drink water there is a small nostrils through which they suck water pic.twitter.com/6g2nZUUXke

— ncsukumar (@ncsukumar1) August 23, 2021

 

 

 

 

 

View this post on Instagram

 

 

 

 

 

 

 

 

 

 

 

A post shared by khabariya nazar news (@khabariyanazar)