Physical Intimacy Health : లైంగిక ఆరోగ్యంపై చలికాలం ప్రభావం.. తీసుకోవాల్సిన జాగ్రత్తలివే

Sensual Wellness : రొమాంటిక్​గా ఉండేందుకు చలికాలం బెస్ట్ అంటారు. కానీ వింటర్ సమయంలోనే లైంగిక ఆరోగ్యం దెబ్బతింటుందట. అందుకే రెగ్యులర్​గా కొన్ని టిప్స్ ఫాలో అవ్వాలంటున్నారు. అవేంటంటే..

లైంగిక ఆరోగ్యం కోసం చలికాలంలో తీసుకోవాల్సిన జాగ్రత్తలు(Image Source : Envato)

Source : envato

Intimate Health in Winter : చలికాలంలో శారీరకంగా, మానసికంగా కాస్త ఇబ్బందులు ఉంటాయి. అయితే వింటర్​లో లైంగిక ఆరోగ్యంపై కూడా ప్రభావం ఉంటుందంటున్నారు నిపుణులు. లైంగిక సామర్థ్యం దెబ్బతినే అవకాశాలు కూడా ఎక్కువగా ఉంటాయని చెప్తున్నారు. కాబట్టి వింటర్​లో లైంగిక ఆరోగ్యం కోసం కొన్ని సూచనలు ఫాలో అవ్వాలి అంటున్నారు. ఫిజికల్ హెల్త్, మెంటల్ హెల్త్​ విషయంలో తీసుకోవాల్సిన జాగ్రత్తలు ఏమిటి? అవి ఫిజికల్ రిలేషన్​షిప్​పై ఎలాంటి ప్రభావం చూపిస్తాయో ఇప్పుడు తెలుసుకుందాం. 

శారీరకంగా తీసుకోవాల్సిన జాగ్రత్తలు

హైడ్రేటెడ్​గా ఉండడం : వింటర్​లో చాలామంది నీటిని తక్కువగా తీసుకుంటారు. అయితే ఇలా తక్కువగా నీటిని తాగడం వల్ల లైంగికంగా ఉండే సమయంలో ల్యూబ్రికేషన్​ ఇబ్బందులు వస్తాయట. కాబట్టి రోజూ 7 నుంచి 8 గ్లాసుల నీటిని తాగాలి. ఇది ల్యూబ్రికేషన్ సమస్యలు రాకుండా చేయడమే కాకుండా పూర్తి ఆరోగ్యంపై సానుకూల ప్రభావం చూపిస్తుంది. 

వ్యాయామం : చలికాలంలో బద్ధకం ఎక్కువగా ఉంటుంది. ఈ సమయంలో వ్యాయామం చేయడం, వాక్ చేయడం లాంటివి ఆపేస్తూ ఉంటారు. అలా చేయడం వల్ల శరీరంలో రక్త ప్రసరణ తగ్గుతుంది. దీనివల్ల ఫిజికల్​గా ఉన్నప్పుడు సరిగ్గా పర్​ఫార్మెన్స్ చేయలేరట. అందుకే వ్యాయామం చేస్తూ శారీరక, లైంగిక ఆరోగ్యాన్ని కాపాడుకోవాలంటున్నారు. 

బ్యాలెన్స్డ్​ డైట్ : న్యూట్రెంట్ రిచ్ ఫుడ్స్ శరీరంలో హార్మన్లను కంట్రోల్​లో ఉంచుతాయి. దీనివల్ల మెరుగైన లైంగిక చర్యను పొందవచ్చు. అలాగే పూర్తి ఆరోగ్యానికి మంచిది. 

మానసికంగా ఫాలో అవ్వాల్సిన టిప్స్..

ఒత్తిడి : ఒత్తిడి వల్ల శరీరంలో కార్టిసాల్ ఎక్కువగా విడుదల అవుతుంది. ఇది శారీరక, మానసిక ఆరోగ్యంతో పాటు లైంగిక ఆరోగ్యాన్ని దెబ్బతీస్తుంది. కాబట్టి ఒత్తిడిని తగ్గించుకునేందుకు మెడిటేషన్, యోగా, డీప్ బ్రీత్ వ్యాయామాలు చేస్తే మంచి ఫలితాలుంటాయి. 

కమ్యూనికేషన్ : మానసికంగా ఆరోగ్యం దెబ్బతిన్నప్పుడు ఎక్కువ మంది ఒంటరిగా ఉంటారు. కానీ పార్టనర్ సపోర్ట్ తీసుకుంటూ.. వారితో కమ్యూనికేషన్స్ పెంచుకుంటే మంచిది. లైంగిక ఆరోగ్యం కోసం.. మీ డిజైర్స్, అవసరాలు పంచుకోవడం ద్వారా మీ రిలేషన్ షిప్​ హెల్తీగా ఉంటుంది. 

సమయం : మీ పార్టనర్​తో డేట్​ నైట్స్​కి వెళ్లొచ్చు. రొమాంటిక్ ట్రిప్ ప్లాన్ చేసుకోవచ్చు. లేదంటే మీ పార్టనర్​ని నిద్రపోయే సమయాల్లో ప్రేమగా కౌగిలించుకుని, ఒకరి చేతుల్లోకి మరొకర్ని ప్రేమగా తీసుకుని హత్తుకోవడం వల్ల కనెక్టివిటీ పెరుగుతుంది. 

లైంగిక ఆరోగ్యం కోసం ఫాలో అవ్వాల్సిన టిప్స్.. 

సేఫ్టీ : STI వంటి లైంగిక సమస్యలు రాకుండా, ప్రెగ్నెన్సీ వద్దు అనుకునేవారు ప్రొటెక్షన్స్ ఉపయోగించాలి. 

హైజీన్ : హైజీన్​గా ఉంటూ.. ప్రైవేట్ పార్ట్స్​ని క్లీన్​గా ఉంచుకోవాలి. దీనివల్ల ఇన్​ఫెక్షన్లు రావు. ముఖ్యంగా రోజూ రెండు పూటల స్నానం చేస్తే మరీ మంచిది. 

రెగ్యూలర్ చెకప్స్ : సంవత్సరానికోసారైనా హెల్త్ చెకప్ చేయించుకోవాలి. దానిలో భాగంగానే సెక్సువల్ హెల్త్​పై కూడా దృష్టి సారించాలి. 

చలికాలంలో ఫాలో అవ్వాల్సిన టిప్స్

పార్టనర్​తో కలిసి ఎంజాయ్ చేయాలనుకున్నప్పుడు కంఫర్ట్​బుల్​గా, రిలాక్స్​గా ఉండేలాంటి ప్రదేశాలు ఎంచుకోవాలి. ఇది మీ మధ్య బంధాన్ని పెంచుతుంది. చలికాలంలో చర్మం పొడిబారుతూ ఉంటుంది. అలాగే ల్యూబ్రికేషన్ ఇబ్బందులు ఉంటాయి కాబట్టి.. దానిని దూరం చేసుకునే టెక్నిక్స్ ఫాలో అవ్వాలి. పార్టనర్ ఇబ్బందులను కూడా గుర్తించి ఓపెన్​గా చర్చించుకుంటే బెటర్ ఎక్స్​పీరియన్స్ పొందవచ్చు.