Diwali Celebrations: దీపావళికి ఇంటి ముందు వెలిగించాల్సిన దీపాల లెక్క ఇదే, అవి ఎక్కడెక్కడ పెట్టాలంటే

Diwali Celebrations: దీపావళి వచ్చిందంటే ఇళ్లే కాదు మొత్తం ఊరే వెలుగులీనుతుంది.

(Image credit: Pixabay)

Diwali Celebrations: పెద్దలకన్నా పిలల్లు బాగా ఇష్టపడే వేడుక దీపావళి. ఈ రోజు ఇళ్లు దీపాల వెలుగులో కళకళలాడిపోతుంది. ఇంటి ముందు రంగులరంగుల దివ్వెల్లో దీపాలు వెలుగుతూ ఉంటాయి. ఇంటి ముందు వరండా ఎంత పొడవుగా ఉంటే దాన్నిండా దీపాలతో నింపేస్తారు చాలా మంది. ఖాళీగా కనిపించిన చోటల్లా దీపాలే. నిజానికి దీపావళి నాడు వెలిగించిన దీపాల లెక్క ఒకటుంది. ఆచారాలు, నమ్మకాల ప్రకారం వెలిగించాల్సిన దీపాల సరైన లెక్క ఇదేనట. దీపావళి నాడు మీ ఇంటి ముందు 13 దీపాలు వెలిగిస్తే చాలా మంచిది. ఆ పదమూడు దీపాలను ఎక్కడపడితే అక్కడ వెలిగించకూడదు. అవి పెట్టే ప్రదేశాలను బట్టి ఆ ఇంటికి జరితే మేలు, శుభం ఆధారపడి ఉంటుంది. 

ఎక్కడెక్కడ వెలిగించాలి?
హిందూ మత సాంప్రదాయం ప్రకారం పదమూడు దీపాలను దీపావళి నాడు వెలిగించాలి. వాటిని పెట్టే ప్రదేశాన్ని బట్టి ఆ ఇంటికి మంచి జరుగుతుంది. ఎక్కడ పెడితే ఎలాంటి మేలు జరుగుతుందో తెలుసుకోండి. 

1. దీపావళి నాడు మీరు వెలిగించే మొదటి దీపం మీ కుటుంబానికి రక్షలాంటిది. ఊహించని మరణం నుంచి కుటుంమాన్ని రక్షిస్తుంది. ఆ రోజు కుటుంబసభ్యులందరి సమక్షంలో పదమూడు దీపాలను వెలిగించాలి. అందులో మొదటి దీపాన్ని ఇంటి బయట చెత్త వేసే దగ్గర (డస్ట్ బిన్) దక్షిణం వైపు ఉంచాలి. 

2. ఇక రెండో దీపాన్ని నెయ్యితో వెలిగించాలి. ఇది మీకు అదృష్టాన్ని తెచ్చే దీపం. దీన్ని మీ పూజ మందిరం ముందు ఉంచాలి. 

3. మూడో దీపం మీ కుటుంబ శ్రేయస్సు, సమృద్ధి కోసం. లక్ష్మీ దేవి ఆశీర్వాదం కోసం ఈ మూడో దీపం. ఈ దీపాన్ని లక్ష్మీదేవి పటం ముందు ఉంచాలి. 

4. నాలుగో దీపం మీ ఇంట్లో శాంతిని, సంతోషాన్ని నింపేది. దీన్ని తులసి మొక్క ముందు ఉంచాలి. 

5.  అయిదో దీపం మీ ఇంట్లోకి ఆనందాన్ని,ప్రేమను స్వాగతిస్తుంది. దీన్ని ఇంటి ప్రధాన ద్వారం ముందు ఉంచాలి. 

6. ఆరో దీపాన్ని ఆవనూనెతో వెలిగిస్తే మంచిది. ఇది చాలా శుభప్రదమైనది. ఈ దీపం మీ ఇంట్లోని ఆర్ధిక సంక్షోభాలను, అనారోగ్యాలను దూరం చేస్తుంది. కీర్తి, సంపదను తెచ్చి పెడుతుంది. అందుకే ఈ దీపాన్ని రావి చెట్టు ముందు ఉంచాలి. మీ ఇంట్లో ఉన్న కష్టాలన్నీ తొలగిపోతాయి. 

7. ఇక మూడో దీపాన్ని మీ ఇంటికి దగ్గరలో ఉన్న ఏదైనా దేవాలయం ముందు వెలిగించాలి. 

8. ఎనిమిదో దీపాన్ని మీరు చెత్త పడేసే ప్రదేశం వద్ద వెలిగించాలి. 

9. మీ ఇంట్లోని నెగిటివ్ ఎనర్జీ బయటికి పోయి పాజిటివ్ ఎనర్జీ ప్రవహించాలంటే తొమ్మిదో దీపాన్ని మీ బాత్రూమ్ గుమ్మాల వద్ద వెలిగించాలి. 

10. ఇక పదో దీపం ఇంటి రక్షణకు సంబంధించినది. దీన్నీ ఇంటి పై కప్పు కోసం కాస్త ఎత్తులో పెట్టాలి. 

11.  పదకొండవ దీపం ఉత్సాహం, చురుకుదనాన్ని సూచిస్తుంది.ఇంట్లోని వారందరూ అలా ఉండాలంటే పదకొండో దీపాన్ని కిటికీ వద్ద వెలిగించాలి. 

12. పండుగ స్పూర్తిని తెలిపేది పన్నెండవ దీపం. ఇది అందరికీ కనిపించేలా వెలిగించాలి. ఇంటి టెర్రస్ లేదా రూఫ్ టాప్ మీద వెలిగించాలి. 

13. పదమూడో దీపాన్ని మీ ఇంటికి వెళ్ల దారిలో ఎక్కడైనా వెలిగించండి. 

దీపావళి అంటే దీపాల వరుస అని అర్థం. అలా అని అన్ని దీపాలు వరుసగా పెట్టమని కాదు. ఇలా పదమూడు దీపాలను వెలిగిస్తే మీ ఇల్లు సుఖసంతోషాలతో, భోగాభాగ్యాలతో, ఆయురారోగ్యాలతో విలసిల్లుతుంది. ఇక దీపాలను కేవలం మట్టి దివ్వెల్లోనే వెలిగించాలి.కొవ్వొత్తులు పెట్టితే అవి దీపాలు కావు. కేవలం పదమూడు దీపాలతో ఇల్లు ఎలా వెలుగులీనుతుంది? అనే సందేహం వస్తే ఎలాగూ కరెంటుతో వెలిగే దీపాలు దొరుకుతాయి కదా వాటిని అలంకరించుకోండి.