Packed Vs Fresh Coconut Water: ప్యాక్డ్ కొబ్బరి నీళ్లు తాగొచ్చా? తాజా కొబ్బరి నీటికి, దానికి తేడా ఏమిటీ?

కొబ్బరి నీళ్లు అలసిన శరీరానికి తక్షణ శక్తిని అందిస్తాయి. అయితే ప్యాక్డ్ కొబ్బరి నీళ్ళు తాగితే కూడా తాజా కొబ్బరి నీళ్ళ వల్ల కలిగే ప్రయోజనాలు పొందుతారా?

Representational Image/Pixabay and Pexels

ఎండలో తిరిగి ఇంటికి వచ్చిన తర్వాత చల్లటి కొబ్బరి నీళ్ళు తాగితే పొట్టకి హాయిగా అనిపిస్తుంది. వేసవి తాపం నుంచి రక్షించడంలో కొబ్బరి నీళ్ళ తర్వాత ఏదైనా. అయితే కొన్ని ప్రాంతాల్లో తాజా కొబ్బరి బోండాలు కాకుండా క్యాన్డ్ లేదా ప్యాక్డ్ కొబ్బరి నీళ్ళు అందుబాటులో ఉంటాయి. అయితే ఏవైనా ఒకటే కదా అని తాగేస్తున్నారా? కానీ ఈ రెండింటికీ చాలా తేడా ఉన్నాయని పోషకాహార నిపుణులు చెబుతున్నారు.

ప్యాక్ చేసిన కొబ్బరి నీళ్ళు

ప్యాక్ చేసిన కొబ్బరి నీళ్ళలో చక్కెర కంటెంట్ ఎక్కువగా ఉంటుంది. 330 ఎంఎల్ క్యాన్ లో 15 గ్రాముల చక్కెర ఉంటుంది. అంటే దాదాపు 4 స్పూన్ల చక్కెర. ఇవి పాశ్చరైజ్ చేయబడతాయి. ఆస్ట్రేలియన్ చట్టం ప్రకారం ఈ నీటిని ప్యాక్ చేసే ముందు పాశ్చరైజ్ చేయాలి. ఇది భద్రతకు చాలా అవసరం. ఎందుకంటే కొబ్బరికాయ పగలగొట్టిన తర్వాత ఆక్సీకరణం చెందుతుంది. బ్యాక్టీరియా ప్రవేశిస్తుంది. అందుకే, పాశ్చరైజేషన్ ద్వారా బ్యాక్టీరియాను తొలగిస్తారు. అయితే, ఈ ప్రక్రియ.. తాజా కొబ్బరి నీళ్ళ నుంచి మాత్రమే లభించే పోషకాలు, ఎలక్ట్రోలైట్ లను కూడా ఇది నాశనం చేస్తుంది. ఎందుకంటే ప్యాక్ చేసే ముందు కొబ్బరి నీళ్ళని ఒక నిమిషం పాటు వేడి చేస్తారు. కొన్ని కంపెనీలు అయితే కనీసం వాటిని నాలుగు నిమిషాల పాటు వేడి చేస్తారు. ఇలా చేయడం వల్ల షుగర్ కంటెంట్ మరింత పెరుగుతుంది. 

తాజా కొబ్బరి నీళ్ళ ప్రయోజనాలు

• తాజా కొబ్బరి నీళ్ళలో కాల్షియం, మెగ్నీషియం, సోడియం, పొటాషియం, ఫాస్పరస్, మాంగనీస్, ఐరన్, జింక్, సెలీనియం ఉంటాయి. ఇవి క్లోరైడ్ సీలు చేసిన కంటైనర్ కొబ్బరి నీళ్ళలో కనిపించే దానికంటే ఎక్కువగా ఉంటాయి.
• తాజా కొబ్బరి నీళ్ళలో విటమిన్ బి2 ఉంటుంది. ఇది ప్రాసెస్ చేసిన కొబ్బరి నీటిలో ఉండదు. ఎందుకంటే విటమిన్ బి2 నీటిలో కరిగేది, కాంతి తగిలితే సులభంగా నాశనం అవుతుంది.
• తాజా కొబ్బరి నీళ్ళలో గ్లూకోజ్, ఫ్రక్టోజ్, సుక్రోజ్ ఉంటాయి. ఇక వాటి చక్కెర కంటెంట్ కొబ్బరి బోండాం వయసుని బట్టి ఆధారపడి ఉంటుంది.
• క్యాన్డ్ కొబ్బరి నీళ్ళలో సుక్రోజ్ ఎక్కువగా ఉంటుంది.
• కొబ్బరి నీళ్ళు పునరుత్పత్తి వ్యవస్థపై ప్రభావాన్ని చూపిస్తాయని కొన్ని అధ్యయనాలు వెల్లడిస్తున్నాయి.
• కొబ్బరి నీరు సెక్స్ హార్మోన్ ని ప్రేరేపించే ఎండోక్రైన్ ని విడుదల చేస్తుంది. ఇది స్త్రీ, పురుషుల పునరుత్పత్తి అవయవాలపై సానుకూల ప్రభావం చూపుతుందని తేలింది.
• కొబ్బరి నీళ్ళను తాగడం వల్ల లైంగిక పనితీరు మెరుగుపడుతుంది. ఇందులోని ఖనిజాలు పొటాషియం, జింక్, మాంగనీస్, విటమిన్లు రక్తప్రసరణ వ్యవస్థ మెరుగ్గా పని చేయడంలో సహాయపడతాయి.

రెండింటిలో ఏది మంచిది?

ఈ విషయంలో ఎటువంటి సందేహం లేకుండా తాజా కొబ్బరి నీళ్ళు ఆరోగ్యకరమైనవని పోషకాహార నిపుణులు చెబుతున్నారు. ఇందులోని ఎలక్ట్రోలైట్స్ కణాలు, కండరాలు, మెదడు, నరాల ఆరోగ్యకరమైన పనితీరుకు సహాయపడతాయి. ఎలక్ట్రోలైట్ తో పాటు కొబ్బరి నీళ్ళలో ఇతర ముఖ్యమైన ఖనిజాలు, విటమిన్లు కూడా ఉన్నాయి. విటమిన్లు, బి1, బి2, బి3, బి5, బి6, బి7, బి9, విటమిన్ సి, అమైనో ఆమ్లాలు, యాంటీ ఆక్సిడెంట్లు ఉన్నాయి. జీర్ణక్రియకు సహాయపడుతుంది. యాంటీ ఏజింగ్ లక్షణాలు కలిగి ఉంటుంది. గుండెకి చాలా మేలు చేస్తాయి. అందుకే ప్రపంచంలోనే అత్యంత ఆరోగ్యకరమైన పానీయాలలో కొబ్బరి నీళ్ళు ఒకటి అని చెప్పడంలో ఎటువంటి ఆశ్చర్యం లేదు.

గమనిక: పలు అధ్యయనాలు, పరిశోధనల నుంచి సేకరించిన సమాచారాన్ని ఇక్కడ యథావిధిగా అందించాం. ఇది వైద్య నిపుణుల సూచనలకు ప్రత్యామ్నాయం కాదు. తప్పకుండా వైద్యుడు లేదా ఆహార నిపుణుల సలహా తీసుకున్న తర్వాతే ఈ ఆహారాన్ని మీ డైట్‌లో చేర్చుకోవాలి. ఈ సమాచారం కేవలం మీ అవగాహన కోసమే.

Join Us on Telegram: https://t.me/abpdesamofficial