Car on Fire: వీడియో: కారులో మహిళ ఉండగానే.. పెట్రోల్ పోసి తగలబెట్టేశాడు

ఓ వ్యక్తి.. మహిళ కారులో ఉండగానే పెట్రోల్ పోసి నిప్పంటించాడు. ఈ వీడియో ఇప్పుడు సోషల్ మీడియాలో వైరల్‌గా చక్కర్లు కొడుతోంది.

Image Credit: @sirajnoorani/Twitter

పెట్రోల్ బంక్‌లో ఉన్నప్పుడు మొబైల్ మాట్లాడకూడదు, నిప్పు అంటించకూడదని చెబుతారు. కానీ, ఈ వీడియో చూసిన తర్వాత.. అపరిచితులతో జాగ్రత్త అనే బోర్డు కూడా పెట్టుకోవాలి. ఎందుకో తెలియాలంటే.. ఈ వీడియో చూడాల్సిందే.

చైనాలో ఓ జంట తమ పోర్స్చే(Porsche) కారులో పెట్రోల్ కొట్టించేందుకు బంక్‌కు వెళ్లారు. పెట్రోల్ పంపును కారు ఇంధన ట్యాంక్‌లో పెట్టిన తర్వాత ఓ వ్యక్తి.. అకస్మాత్తుగా అక్కడికి వచ్చి పెట్రోల్ పంపును బయటకు లాగాడు. ఆ తర్వాత పెట్రోల్‌ను కారుపై వేసి లైటర్ వెలిగించాడు. అంతే.. ఒక్కసారే కారు మంటల్లో చిక్కుకుంది. ప్రమాదాన్ని గుర్తించగానే ఆ కారు ఓనర్.. లోపల ముందు సీట్లో కూర్చున్న మహిళను బయటకు లాగి దూరంగా పరిగెట్టాడు. పెట్రోల్ బంక్ సిబ్బంది వెంటనే మంటలను అదుపులోకి తేవడంతో పెద్ద ప్రమాదం తప్పింది. 

సీసీటీవీలో రికార్డైన వీడియోలు ఆధారంగా పోలీసులు నిందితుడిని అదుపులోకి తీసుకున్నారు. అయితే, అతడు కారుకు ఎందుకు నిప్పు అంటించాడనేది ఇంకా తెలియరాలేదు. ప్రస్తుతం ఈ వీడియో సోషల్ మీడియాలో వైరల్‌గా చక్కర్లు కొడుతోంది. ఈ ఘటనకు ముందు నిందితుడు కారు వద్దే నిలుచుని ఉండటాన్ని ఈ వీడియోలో చూడవచ్చు. కాబట్టి.. ఇకపై పెట్రోల్ బంకుల్లో ఇంధనం  నింపే సమయంలో అప్రమత్తంగా ఉండండి. ఎందుకంటే.. ప్రమాదం ఏ రూపంలో వస్తుందో చెప్పలేం. 

Viral Videoను ఇక్కడ చూడండి: 

Terrifying moment man sets #Porsche on #fire as woman sits inside it at #petrol station in #China

The man who started the fire was detained by police and the incident is being investigated.#Chinese #Viral #ViralVideo pic.twitter.com/1y9mtjFtHH

— Journalist Siraj Noorani (@sirajnoorani) December 18, 2021