Chandra Grahanam 2024: సెప్టెంబర్‌లో ఈ ఏడాది చివరి చంద్రగ్రహణం - ఎక్కడెక్కడ కనిపిస్తుంది, ఆ రాశులవారు జాగ్రత్త!
Lunar Eclipse Of 2024 | ఈ ఏడాది తొలి చంద్రగ్రహణం ఆరు నెలల కిందట మార్చి నెలలో ఏర్పడింది. సెప్టెంబర్ నెలలో ఈ ఏడాది చివరి చంద్రగ్రహణం పట్టనుంది. కొన్ని రాశులవారు జాగ్రత్తగా ఉండాలని తెలుస్తోంది.
Lunar Eclipse 2024: ఈ ఏడాదిలో తొలి చంద్రగ్రహణం హోలీ రోజున ఏర్పడింది. 2024లో మొదటి చంద్రగ్రహణం (Chandra Grahan 2024) మార్చి 25న ఏర్పడింది. సెస్టెంబర్ నెలలో రెండో చంద్రగ్రహణం ఏర్పడనుందని మీకు తెలుసా. ఇది పాక్షిక చంద్ర గ్రహణం అని పండితులు చెబుతున్నారు. ఈ ఏడాది ఇదే చివరి చంద్రగ్రహణం కానుంది. చంద్రగ్రహణం సమయంలో ఎలాంటి తీసుకోవాలి, ఎప్పుడు ఏర్పుడుతుందన్న విషయాలు ఇక్కడ తెలుసుకుందాం.
ఈ ఏడాది తొలి చంద్రగ్రహణం మార్చి నెలాఖరులో ఏర్పడగా, చివరిదైన రెండో చంద్రగ్రహణం సెప్టెంబర్ లో మరికొన్ని రోజుల్లో ఏర్పడుతుంది. చంద్రగ్రహణం సెప్టెంబర్ 18న భాద్రపద పూర్ణిమ రోజు ఏర్పడుతుంది. ఈ సెప్టెంబర్‌లో పాక్షిక గ్రహణం పడుతుంది. ఈ పాక్షిక గ్రహణం ప్రభావం ప్రపంచంలోని పలు దేశాలపై పడనుంది. కొందరు గ్రహణాలను అశుభ సూచకంగా భావిస్తారు. గ్రహణం సంభవించిన సమయలో జాగ్రత్తలు తీసుకోవాలని పెద్దలు చెబుతుంటారు. రాహువు, చంద్రున్ని మింగిన సమయంలో గ్రహణం పడుతుందని సైతం ప్రచారంలో ఉంది.
చంద్రగ్రహణం అంటే ఏమిటీ?
సూర్యుడు, చంద్రుడికి మధ్య భూమి వచ్చిన సమయంలో సూర్యుడి కాంతి చంద్రుడి మీద పడకుండా ఉండే సమయంలో చంద్రగ్రహణం ఏర్పడుతుంది. దీన్నే సాధరణంగా మనం గ్రహణం పట్టింది అంటాం.
చంద్రగ్రహణం టైమింట్స్..
ఈ ఏర్పడే చివరి చంద్రగహణం సెప్టెంబర్ 18న ఏర్పడనుంది. భారత కాలమానం ప్రకారం ఆరోజు ఉదయం 6:11 గంటలకు చంద్రగ్రహణం ప్రారంభమవుతుంది. ఉదయం 10:17 గంటలకు గ్రహణం తొలగిపోతుంది. అంటే గ్రహణం కాల వ్యవది 4 గంటల 6 నిమిషాలు. చంద్రగ్రహణం పట్టడానికి ముందు సమయాన్ని సైతం అశుభ సమయం అంటారు. అయితే పగటిపూట సంభవించే చంద్రగ్రహణానికి ఈ సూతక్ కాలం అనేది వర్తించదు. జ్యోతిషశాస్త్రం ప్రకారం, కంటికి సాధారణంగా కనిపించే గ్రహణాల కోసం సూతక్ కాలం పరిగణిస్తారు.
గ్రహణం పట్టడానికి 9 ముందు సుతక్ కాలం మొదలవుతుంది. అయితే త్వరలో ఏర్పడనున్న చంద్రగ్రహణం భారతదేశంలో కనిపించదు. ఉదయం వేళ పట్టే ఈ గ్రహణం మనకు కనిపించదు. కనుక సూతక్ కాలాన్ని సైతం ఎవరూ పాటించరు.
చంద్రగ్రహణం ఎక్కడెక్కడ కనిపిస్తుంది..
భారత్ లో చంద్రగ్రహణం కనిపించదు. మన దేశంలో పగలు ఉంటే, అదే సమయంలో రాత్రి ఉండే చోట గ్రహణం కనిపిస్తుంది. ఉత్తర అమెరికా, దక్షిణ అమెరికా, యూరప్, ఆఫ్రికా, పసిఫిక్ మహాసముద్రం, హిందూ మహాసముద్రం, ఆర్కిటిక్, అంటార్కిటికా అట్లాంటిక్ మహాసముద్రం ప్రాంతాలవారికి ఈ గ్రహణం కనిపిస్తుంది.
ఏ రాశులపై ప్రభావం చూపుతుంది..
సాధరణంగా సూర్యగ్రహణం, చంద్రగ్రహణం సమయంలో అన్ని రాశులపై కచ్చితంగా గ్రహణాల ప్రభావం ఉంటుందని జ్యోతిష్కులు చెబుతుంటారు. అయితే కొన్ని రాశులవారిపై అధిక ప్రభావం ఉంటుంది. సెప్టెంబరు 18న ఏర్పడనున్న చంద్రగ్రహణం మేష రాశి, కర్కాటక రాశి, తులా రాశి, మకర రాశుల వారిపై అధిక ప్రభావం చూపుతుంది. ఈ రాశులవారు చంద్రగ్రహణం సమయంలో చాలా జాగ్రత్తగా ఉండాలి.
[Disclaimer: The content of this article is based solely on astrological predictions, and should be taken as general guidance. Individual experiences may vary. ABP Desam does not assert the accuracy or validity of any claims or information presented. It is strongly recommended to consult a qualified expert before considering or implementing any information or belief discussed herein.]
టాప్ హెడ్ లైన్స్
ట్రెండింగ్ వార్తలు
