![ABP Premium](https://cdn.abplive.com/imagebank/Premium-ad-Icon.png)
సోయాతో చేసిన మీల్ మేకర్ను మగవారు తినకూడదని అంటారు, ఇది ఎంతవరకు నిజం?
సోయా చంక్స్ లేదా సోయా మీల్ మేకర్ ఇప్పుడు ఎక్కువగా ఆహారాల్లో వినియోగిస్తున్నారు.
![సోయాతో చేసిన మీల్ మేకర్ను మగవారు తినకూడదని అంటారు, ఇది ఎంతవరకు నిజం? It is said that men should not eat meal made with soya సోయాతో చేసిన మీల్ మేకర్ను మగవారు తినకూడదని అంటారు, ఇది ఎంతవరకు నిజం?](https://feeds.abplive.com/onecms/images/uploaded-images/2023/03/28/5bcc8d572ddef226afd60a5b0368353d1679981257169248_original.jpg?impolicy=abp_cdn&imwidth=1200&height=675)
సోయాబీన్స్ ను ఉపయోగించి చేసే ఉత్పత్తి సోయా చంక్స్. వీటిని సోయా మీల్ మేకర్ అంటారు. వీటిని అనేక రకాల వంటకాల్లో ఉపయోగిస్తున్నారు. ముఖ్యంగా దీన్ని శాఖాహార మాంసంగా పిలుస్తారు. దీనిని బిర్యానీలో వేసుకోవడమే కాదు కూరలు, ఫ్రైలు కూడా చేసుకుంటారు. రుచి అదిరిపోతుంది. సోయా గ్రాన్యూల్స్, సోయా నగ్గెట్స్, సోయా చంక్స్ ఇలా రకరకాల ఆకారాల్లో దొరుకుతాయి. సోయాబీన్స్ నుంచి నూనెను తయారు చేసేటప్పుడు మిగిలే పిండితో వీటిని తయారు చేస్తారు. అయితే వీటిని తినాలా వద్దా అనే విషయంలో కొన్ని వాదనలు వాడుకలో ఉన్నాయి.
సోయా చంక్స్ను తినడం వల్ల క్యాన్సర్ వచ్చే అవకాశం ఉందని కొందరు భావిస్తూ ఉంటే, మరికొందరు హార్మోన్ అసమతుల్యతకు ఇవి కారణం అవుతాయని అంటుంటారు. వీటిలో ఎంతవరకు నిజమో పోషకాహార నిపుణులు చెబుతున్నారు. సోయా ప్రోటీన్కు అద్భుత మూలం. 100 గ్రాముల సోయా మీల్ మేకర్ను తింటే 52 మిల్లీగ్రాముల ప్రోటీన్ లభిస్తుంది. 100 గ్రాముల సోయా మిల్ మేకర్ ద్వారా 21 మిల్లీ గ్రాముల ఇనుము శరీరానికి అందుతుంది. అలాగే 10 గ్రాముల ఫైబర్ కూడా అందుతుంది. అందుకే శాఖాహారులు ఖచ్చితంగా తినాల్సిన ఆహారాల్లో సోయా కూడా ఒకటి. ముఖ్యంగా ప్రోటీన్ లోపం రాకుండా చేయడంలో ఇది ముందుంటుంది. అంతేకాదు వీటిలో కొవ్వు తక్కువగా ఉంటుంది. క్యాల్షియం, మెగ్నీషియం పుష్కలంగా లభిస్తాయి.
మగవారు తినకూడదా?
చాలామంది మగవారిలో సోయా మీల్ మేకర్ను తినడం సురక్షితం కాదని భావన ఉంది. దీనికి కారణం ఏమిటంటే సోయాబీన్స్లో ఫైటో ఈస్ట్రోజన్ అని పిలిచే వివిధ రకాల మొక్కల సమ్మేళనాలు ఉంటాయి. ఇవి ఈస్ట్రోజన్ హార్మోన్కు సమానమైన నిర్మాణాన్ని కలిగి ఉంటాయి. ఈస్ట్రోజన్ అనేది స్త్రీ హార్మోన్. సోయా అధికంగా తినడం వల్ల మగవారి శరీరంలో ఈస్ట్రోజన్ హార్మోన్ స్థాయిలు పెరుగుతాయని, దీనివల్ల హార్మోన్ల అసమతుల్యత ఏర్పడవచ్చు అని ఎంతోమంది భావన. అయితే ఇది శాస్త్రీయంగా ఇంతవరకు నిరూపణ జరగలేదు, కాబట్టి ఇది నిజమో కాదో చెప్పే అవకాశం కూడా లేదు.
మితంగా తీసుకుంటే...
ఏ ఆహారాన్నయినా మితంగా తీసుకుంటే ఎలాంటి సమస్య ఉండదు. అలాగే సోయా మీల్ మేకర్ ను కూడా మితంగా తీసుకుంటే శరీరానికి ఆరోగ్యమే తప్ప అనారోగ్యం ఉండదు. వండే ముందు ఈ సోయా మీల్ మేకర్ లేదా చంక్స్ను నీళ్ళల్లో నానబెట్టి చాలాసార్లు పిండాలి. ఆ తర్వాత ఉడికించాలి. ఇలా చేయడం వల్ల వాటిలో ఉండే కాంప్లెక్స్ కార్బోహైడ్రేట్లు విచ్ఛిన్నమవుతాయి. కాబట్టి వీటిని తిన్నా కూడా సులభంగా జీర్ణం అవుతాయి.
Also read: రోజులో 9 గంటలకు మించి నిద్రపోతున్నారా? అతి నిద్ర వల్ల కలిగే సైడ్ ఎఫెక్టులు ఇవే
గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్ను సంప్రదించాలి. ఈ ఆర్టికల్లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్వర్క్’ ఎటువంటి బాధ్యత వహించవని గమనించగలరు.
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)