Viral news: ఈ ఉద్యోగులు ఎంత అదృష్టవంతులో, రెండు వారాలు విదేశీ ట్రిప్పుకి తీసుకెళ్లిన బాస్

కొన్ని కంపెనీలు ఉద్యోగులను సంతోషపెట్టడానికి ఎంతైనా ఖర్చుపెడతాయి.

(Image credit: Pixabay)

కొన్ని కంపెనీలలో పనిచేసే ఉద్యోగులను చూస్తే వాళ్లెంత అదృష్టవంతులో అనిపిస్తుంది. ఇదిగో అలాంటి  అదృష్టవంతుల జాబితాలో ఈ ఉద్యోగులను చేర్చుకోవచ్చు. వారంతా ప్రపంచంలో బెస్ట్ బాస్ తమ బాసేనంటే మెచ్చుకుంటున్నారు. ఈ సంస్థను వదిలిపోమంటూ ఉబ్బితబ్బిబవుతున్నారు. ఆ కంపెనీని నడిపిస్తున్నది ఓ లేడీ బాస్. ఆ ఉద్యోగులు ఇంతగా ఎందుకు ఆనందపడుతున్నారంటే... వారి బాస్ ఉద్యోగులందరినీ రెండు వారాల ట్రిప్పుకు తీసుకెళ్లింది. అది ఖర్చులన్నీ తానే భరించింది. అంతే కాదు ఆ రెండు వారాలు పెయిట్ లీవ్ ప్రకటించింది. ఇంతకీ ఎక్కడికి తీసుకెళ్లిందో తెలుసా? ఇండోనేషియాలోని అందాల దీవి బాలీకి. 

ఇంతకీ ఏ సంస్థ?
ఆస్ట్రేలియాలోని సిడ్నీలో ఉంది మార్కెటింగ్ సంస్థ సూప్ ఏజెన్సీ. టీమ్ బిల్డింగ్ లో భాగంగా ఈ ట్రిప్ ను సంస్థ ఏర్పాటు చేసింది. ఉద్యోగులు ఎంత సంతోషంగా ఉంటే ఉత్పాదకత అంత బావుంటుందని ఆ సంస్థ భావించింది, అందుకే ఇలా విదేశీ ట్రిప్పులు ప్లాన్ చేసింది. బాలీలో ఉన్న అనేక అందమైన ప్రదేశాలను ఉద్యోగులకు తిప్పి చూపించారు. ఆ సంస్థ మేనేజింగ్ డైరెక్టర్ కాట్యా మాట్లాడుతూ ‘ పని సమయాల్లోనే కాదు, బయట కూడా మేమంతా ఒక టీమ్ గా ఉండడం ముఖ్యమని నేను భావిస్తున్నాను. ఇలాంటి ట్రిప్పులు బంధాన్ని బలపడేలా చేస్తాయని నమ్ముతున్నాను’ అని తన అభిప్రాయాన్ని పంచుకుంది. 

కరోనా వచ్చాక జీవితంలోనే కాదు ఉద్యోగంలో కూడా చాలా మార్పులు వచ్చాయని ఆమె అభిప్రాయపడ్డారు. ఎక్కడ్నించైనా పనిచేసుకోవడాన్ని కరోనా నేర్పిందని అన్నారు. బాలీలో ఉద్యోగుల కోసం విలాసవమైన విల్లాను బుక్ చేశారు. అక్కడే చాలా సేపు సేదతీరారు. అక్కడున్న అగ్నిపర్వాతాల మీదకి ఎక్కి కొత్త ప్రపంచాన్ని చూశారు ఉద్యోగులు. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Soup Agency (@soup_agency)