Hepatitis B and C : టాటూలు, టీకాలు, వైద్య చికిత్సలతో హెపటైటిస్ ముప్పు.. వైద్యులు ఇస్తోన్న సూచనలు ఇవే
Hepatitis :హెపటైటిస్ బి, సి లలో కొద్దిపాటి రక్తంతో వైరస్ వ్యాప్తి చెందుతుంది. టీకాలు మిస్ అవ్వడం నుంచి సరైన పద్ధతిలో టాటూలు, వైద్యపరమైన చికిత్సలు చేయించుకోకపోవడమే దీనికి కారణాలు అవుతున్నాయట.
Hidden Risks of Hepatitis : హెపటైటిస్ అనేది ఎన్నో ఏళ్లుగా ఇబ్బంది పెడుతున్న ప్రధాన ఆరోగ్య సమస్యల్లో ఒకటి. ఇప్పటికీ దీనిని ముప్పుగానే చెప్తున్నారు. ఎందుకంటే ప్రపంచవ్యాప్తంగా మిలియన్ల మంది జీవితాలను ఇది సైలెంట్గా ప్రభావితం చేస్తుంది. టాటూలు, టీకాలు, వైద్య చికిత్సలు వంటివాటి వల్ల ప్రధానంగా వ్యాప్తి చెందుతుందని చెప్తున్నారు వోరా ఇంటర్నేషనల్ SOS విభాగానికి చెందిన డాక్టర్ విక్రమ్ వోరా. మనం తేలికగా తీసుకునే కొన్ని అంశాలే హెపటైటిస్కి కారణమవుతున్నాయంటూ హెచ్చరిస్తున్నారు. హెపటైటిస్ లక్షణాలు త్వరగా కనిపించవని.. అది శరీరంలోనే సంవత్సరాల తరబడి నిశ్శబ్దంగా ఉండి.. కాలేయంపై ఎఫెక్ట్ చూపిస్తుందని చెప్తున్నారు. అసురక్షితమైన, కొన్ని నిర్లక్ష్యమైన విషయాల వల్ల దీని వ్యాప్తి ఉంటుంది. కాబట్టి వ్యాప్తి కారణాలు, తీసుకోవాల్సిన జాగ్రత్తలు, విక్రమ్ వోరా ఇస్తోన్న సూచనలు ఏంటో చూసేద్దాం.
హెపటైటిస్ బికి టీకా సురక్షితమేనా?
భారతదేశంలో సార్వత్రిక హెపటైటిస్ బి టీకా 2007లో మాత్రమే నవజాత శిశువులకు ప్రామాణికంగా మారింది. దానికంటే ముందు మీరు పుట్టి ఉంటే.. మీరు పూర్తి స్థాయిలో టీకాను పొంది ఉండకపోవచ్చు. లేదా ఏ మోతాదులోనైనా తీసుకుని ఉండొచ్చు. టీకాలు వేయించుకున్న వారిలో కూడా.. అవి అసంపూర్ణ డోస్లు, బూస్టర్లు మిస్ అయి ఉండొచ్చు. దాని గురించిన అవగాహన కార్యక్రమాలు లేకపోవడం వల్ల కొందరు ఆ టీకా కూడా వేయించుకుని ఉండరు. ఇలా ఏ విధంగా అయినా టీకాకు దూరంగా ఉంటే కచ్చితంగా చేయించుకోవాలంటున్నారు.
టీకా చేయించుకోకుంటే పరిస్థితి మరింత దిగజారుతుంది. కాబట్టి మీరు ఏదైనా ట్రీట్మెంట్ లేదా సర్జరీలు చేయించుకునే ముందు హెపటైటిస్ బి రోగనిరోధక శక్తిని క్రమం చెక్ చేయించుకోవాలి. యాంటీ-హెచ్బీఎస్ యాంటీబాడీ టెస్ట్ చేయించుకుని.. అవి లేకపోతే టీకాలు వేయించుకోవాలి.
టాటూలతో ప్రమాదం
టాటూలు ఫ్యాషన్ కోసం వేయించుకోవడం ఓ కల్చర్లా మారిపోయింది. కానీ టాటూ మెషిన్ ద్వారా హెపటైటిస్ బి, సి వంటి రక్త సంబంధిత వైరస్ల ప్రమాదం ఎక్కువగా ఉందని మీకు తెలుసా? చాలా టాటూ స్టూడియోలు శుభ్రత విషయంలో ప్రోటోకాల్లు అనుసరిస్తున్నప్పటికీ.. చౌకగా లేదా త్వరగా సేవలు అందించే ప్లేస్లలో ఒక క్లయింట్కి ఉపయోగించిన సూదులను మళ్లీ ఉపయోగిస్తారు. పరికరాలను సరిగ్గా స్టెరిలైజ్ చేయరు. సిరా కూడా కలుషితం అవుతుంది. ఇవన్నీ హెపటైటిస్ వ్యాప్తికి కారణమవుతున్నాయి.
టాటూ వేయించుకోవడం పూర్తిగా వ్యక్తిగతం. కానీ దాని ద్వారా ఎలాంటి ప్రమాదాలు రాకుండా చూసుకోవడం కూడా అంతే ముఖ్యం. కాబట్టి మంచిగా, హైజీన్గా ఉండే ప్రదేశాలు ఎంచుకోవాలి. అలాగే వారు సూదులు, సిరా మారుస్తున్నారో లేదో కూడా చూసుకోవాలి. లైసెన్స్ పొందిన స్టూడియోల్లో చేయించుకుంటే మంచిది.
అసురక్షితమై వైద్య చికిత్సలు
వైద్యులు ఉపయోగించే ఇంజెక్షన్ల వల్ల కూడా హైపెటైటిస్ ఎటాక్ అవ్వవచ్చు. కొన్ని క్లినిక్లు, వెల్నెస్ సెంటర్లు, IV డ్రాప్స్, B12 షాట్లు లేదా గ్లూటాతియోన్ థెరపీని అందించే స్పాలలో కూడా.. సూదులను మళ్లీ ఉపయోగిస్తారు. కొన్ని ప్రదేశాల్లో శుభ్రతను పాటించరు. పరిస్థితి అధ్వాన్నంగా ఉంటూ.. హైజీన్ పాటించని ఆస్పత్రులు ఎంచుకోకపోవడమే మంచిది. ప్రసిద్ధ వైద్య కేంద్రాలు ఎంచుకోవాలి. మీకు IV థెరపీ లేదా షాట్లు అవసరమైతే.. సిరంజిలు మీ ముందే తెరిచేలా చూసుకోండి.
సరిగ్గా స్టెరిలైజ్ చేయని పరికరాలపై.. చేతులు, పాదాలు, షేవింగ్ కోసం ఉపయోగించే వాటిపై సూక్ష్మ మోతాదులో రక్తం ఉండవచ్చు. అవి కంటికి కనిపించవు. డెంటల్ ఆస్పత్రుల్లో కూడా ఇలా జరిగే ప్రమాదం ఉంది. కాబట్టి ఇలాంటి ట్రీట్మెంట్స్కి వెళ్లే ముందు జాగ్రత్తగా ఉండాలి. హెపటైటిస్ బి, సి వ్యాపించడానికి కొద్ది మొత్తంలో సోకిన రక్తం కూడా సరిపోతుంది. కాబట్టి చికిత్సకు, బ్యూటీ ట్రీట్మెంట్కి ఉపయోగించే పనిముట్లను స్టెరిలైజ్ చేయాలి.
తీసుకోవాల్సిన జాగ్రత్తలు
- హెపటైటిస్ బి, సి స్క్రీనింగ్ గురించి వైద్యుడిని అడిగి తెలుసుకుని చేయించుకోవాలి. ఇది ఒక సాధారణ రక్త పరీక్ష.
- హెపటైటిస్ బి టీకా ద్వారా నివారించవచ్చు. ఆలస్యం చేయకండి. టీకాలు వేయించుకోండి.
- టాటూ స్టూడియో, క్లినిక్ లేదా సెలూన్ అయినా.. మీ ఆరోగ్యం మీ బాధ్యత కాబట్టి. మీకున్న డౌట్స్ అడగాలి. ఆన్సర్స్ డిమాండ్ చేయాలి.
హైపటైటిస్ గురించి తెలుసుకోవడం, సరైన ఎంపికల ద్వారా వ్యాప్తి కంట్రోల్ అవుతుందని చెప్తున్నారు నిపుణులు.
టాప్ హెడ్ లైన్స్
ట్రెండింగ్ వార్తలు
