Handshake: షేక్ హ్యాండ్‌తో క్యాన్సర్, గుండె జబ్బులను పసిగట్టవచ్చట - ఇదిగో ఇలా!

Handshake: హ్యాండ్ షేక్ ప్రమాదకరమైన క్యాన్సర్, మతిమరుపు, నిరాశ, కాలేయవ్యాధి, గుండెజబ్బులు వంటి వ్యాధులను సూచిస్తుందని మీకు తెలుసా? అవును ఈ విషయాన్ని లండన్ యూనివర్సిటీ శాస్త్రవేత్తలు వెల్లడించారు.

Photo Credit : pexels.com

Handshake: స్నేహితులను కానీ.. ప్రత్యేకమైన వారిని కలిసినప్పుడు హ్యాంక్ షేక్ ఇస్తుంటాం. కొంతమంది గట్టిగా కరచాలనం చేస్తుంటారు. కొన్నిసార్లు హ్యాండ్ షేక్ చేస్తుంటే చేతులు వణుకుతుంటాయి. సరిగ్గా పట్టులేనట్లు అనిపిస్తుంది. ఇది సాధారణ ప్రక్రియగా భావించవచ్చు. కానీ హ్యాండ్ షేక్ ప్రమాదకరమైన క్యాన్సర్, మతిమరుపు, నిరాశ, కాలేయవ్యాధి, గుండెజబ్బులు వంటి వ్యాధులను సూచిస్తుందని మీకు తెలుసా? అవును ఈ విషయాన్ని లండన్ యూనివర్సిటీ శాస్త్రవేత్తలు వెల్లడించారు. చేతి పట్టు బలహీనంగా ఉన్నవారి గుండె కూడా బలహీనంగా ఉంటుందని శాస్త్రవేత్తలు చెబుతున్నారు. శాస్త్రవేత్తలు కొన్ని లక్షణాలను కూడా పేర్కొన్నారు. ఆ లక్షణాలు మీలో ఏవైనా కనిపించినా లేదా మీ శారీరక లేదా మానసిక ఆరోగ్యం గురించి ఏవైనా ఆందోళనలు ఉన్నాయని మీరు భావిస్తే మీరు వెంటనే వైద్యుని సంప్రదించడం ముఖ్యం.

బలహీనమైన పట్టు గుండె బలహీనంగా ఉంటుంది:

బలహీనమైన కరచాలనం గుండెపోటు లేదా స్ట్రోక్ ప్రమాదాన్ని సూచిస్తుందని లండన్లోని క్వీన్ మేరీ యూనివర్సిటీ శాస్త్రవేత్తల పరిశోధనలో వెల్లడైంది. 5వేల మంది పాల్గొన్న ఈ అధ్యయనంలో వారి హ్యాండ్ గ్రిప్ ను చెక్ చేసిన శాస్త్రవేత్తలు గుండె, ఆరోగ్యకరమైన కండరాల ద్వారా పంప్ చేసిన రక్తం అధిక వాల్యూమ్, నిష్పత్తులతో మెరుగైన చేతిబలం ముడిపడి ఉందని కనుగొన్నారు. అవన్నీ కరెక్టుగా ఉన్నవారిలో గుండెపోటు, గుండె సంబంధిత జబ్బులు, స్ట్రోక్, కార్డియోవాస్కులర్ వంటి వ్యాధులు తక్కువగా వచ్చే అవకాశం ఉందని తేలింది. ఈ పరిశోధనలో పాల్గొన్న నిపుణులు గుండెజబ్బులు వచ్చే ప్రమాదం ఉన్నవారికి గుర్తించేందుకు గ్రిప్ టెస్ట్ ల ప్రాముఖ్యత గురించి వివరించారు. హ్యాండ్ షేక్ లేదా బాటిల్ మూతలను తెరవడానికి కష్టపడుతున్న వ్యక్తులకు గుండెపోటు వస్తుందని ఖచ్చితంగా చెప్పలేమన్నారు. 

చిత్తవైకల్యం:

స్టీరింగ్ వీల్‌ను పట్టుకోవడం లేదా స్క్రూడ్రైవర్‌ను తిప్పడం కష్టంగా మారినవారిలో భవిష్యత్తులో చిత్తవైకల్యం వచ్చే ప్రమాదం ఎక్కువగా ఉంటుంది. 190,000 కంటే ఎక్కువ మంది చిత్తవైకల్యం లేని మధ్య వయస్కులైన పురుషులు, మహిళలు పాల్గొన్న ఒక అధ్యయనంలో చిన్న వయస్సులో బలహీనమైన పట్టు ఉన్నవారు చిత్తవైకల్యంతో సహా పెద్దయ్యాక ఆలోచన, జ్ఞాపకశక్తి సమస్యలను ఎదుర్కొంటారని కనుగొన్నారు. 

డిప్రెషన్:

బ్రిటిష్ మెడికల్ జర్నల్లో ప్రచురితమైన ఒక జాతీయ అధ్యయనం ప్రకారం కరచాలనం చేసేటప్పుడు బలహీనమైన పట్టు ఉన్నవారు.. డిప్రెషన్‌తో బాధపడుతుంటారు. వారికి గుండె, శ్వాసకోశ వ్యాధులు, క్యాన్సర్ తో  మరణించే ప్రమాదం 20 శాతం ఎక్కువగా ఉంటుందని పేర్కొంది. ఇది ప్రపంచవ్యాప్తంగా 350 మిలియన్ల మంది ప్రజలను ప్రభావితం చేస్తుందని అంచనా వేసింది. ప్రపంచ ఆరోగ్య సంస్థ 2030 నాటికి, ఇతర ఆరోగ్య సమస్యల కంటే ఎక్కువ మంది డిప్రెషన్‌కు గురవుతారని పేర్కొంది. వైద్యులు 51,000 మంది గ్రిప్ స్కోర్‌లను రికార్డ్ చేశారు. వారి మానసిక ఆరోగ్యాన్ని పూర్తిగా అంచనా వేశారు. పరిశోధకుల ఫలితాలను విశ్లేషించినప్పుడు బలహీనమైన హ్యాండ్ షేక్ లు ఉన్నవారు గట్టిగా వాదించే శక్తి దాదాపు మూడు రెట్లు ఎక్కువగా ఉంటుందని కనుగొన్నారు. 

కాలేయవ్యాధికి ముందస్తు హెచ్చరిక:

లింప్ హ్యాండ్‌షేక్ లేదా బలహీనమైన పట్టు అనేది నాన్-ఆల్కహాలిక్ ఫ్యాటీ లివర్ డిసీజ్ (NAFLD)అని పిలిచే ప్రాణాంతక వ్యాధికి ముందస్తు హెచ్చరిక వంటిది. ఈ వ్యాధి యూకేలో ప్రతి ముగ్గురిలో ఒకరిని ప్రభావితం చేస్తుందని పేర్కొన్నారు. ఈ వ్యాధి అనేది కాలేయంలో కొవ్వు పేరుకుపోవడం, అనారోగ్యకరమైన ఆహారం, దురాలవాట్లు ఉన్నవారిలో ఎక్కువగా కనిపిస్తుంది. ఈ వ్యాధిని నిర్లక్ష్యం చేస్తే కాలేయ క్యాన్సర్, కాలేయ వైఫల్యాన్ని పెంచుతుంది. యూరోపియన్ జర్నల్ ఆఫ్ క్లినికల్ న్యూట్రిషన్‌లోని ఒక అధ్యయనం దాదాపు 4,000 మంది పురుషులు, స్త్రీల కాలేయం, చేతి బలాన్ని పరిశీలించింది. ఎక్కువగా వారి 40 ఏళ్లలో  బలహీనమైన పట్టు ఉన్నవారిలో వారి కాలేయంలో కొవ్వు ఉండే అవకాశం దాదాపు రెండింతలు ఉన్నట్లు వారు కనుగొన్నారు.

గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.