Best Spots in Maharashtra : వర్షాకాలంలో మహారాష్ట్రలో చూడాల్సిన ప్రదేశాలివే.. ఈ 8 బెస్ట్ స్పాట్స్ మిమ్మల్ని కట్టిపడేస్తాయి

Monsoon Trips : మాన్​సూన్​లో ట్రిప్​కి వెళ్లాలనుకుంటున్నారా? అయితే మీరు మహారాష్ట్రకు వెళ్లొచ్చు. ఈ సమయంలో అక్కడ చూడగలిగే ప్రదేశాలు ఎన్ని ఉన్నాయో తెలుసా? బెస్ట్ ఎక్స్​పీరియన్స్​ కోసం ట్రై చేయండి.

మహారాష్ట్రలోని చూడదగ్గ ప్రదేశాలివే (Image Source : Instagram)

Source : Instagram

Monsoon Destinations in Maharashtra : వర్షాలు పడే సమయంలో ప్రకృతిని చూడాలి.. ఎంజాయ్ చేయాలని ట్రిప్ ప్లాన్ చేసుకుంటున్నారా? అయితే మీరు వేరే దేశం వెళ్లాల్సిన అవసరం లేదు. ఇండియాలోనే మహారాష్ట్రకి ట్రిప్​కి వెళ్లొచ్చు. ఇక్కడ మిమ్మల్ని ప్రకృతితో కట్టిపడేసే దృశ్యాలు ఎన్నో ఉంటాయి. ముఖ్యంగా వర్షాకాలంలో ఈ ప్రదేశాలు మీకు మంచి ఆహ్లాదాన్ని ఇస్తాయి. అయితే మీరు మహారాష్ట్ర వెళ్తే.. తప్పకుండా చూడాల్సిన 8 బెస్ట్ స్పాట్స్ ఇవే.

లోనావల & ఖండాలా (Lonavala & Khandala)

లోనావల, ఖండాలా అనేది మోస్ట్ పాప్యులర్ రొమాంటిక్, ఫ్యామిలీ డెస్టినేషన్​గా ఎన్నో ఏళ్ల నుంచి గుర్తింపు పొందింది. ఇక్కడ మీరు బుషీ డ్యామ్, టైగర్ లీప్, రాజ్మాచీ కోట, లోహగడ్ ట్రెక్కింగ్​కి వెళ్లొచ్చు. చాయ్‌-పకోడి స్టాల్స్‌ బాగా ఆకట్టుకుంటాయి.

సవియా ఘాట్ (Saviya Ghat)

ఇక్కడి అందమైన కొండలు, పొగమంచుతో కూడిన రోడ్లు మీకు మంచి అనుభూతిని ఇస్తాయి. అంతేకాకుండా లాంగ్ డ్రైవ్​కి వెళ్లాలనుకునేవారికి ప్రశాంతమైన వాతావరణం ఇక్కడ దొరుకుతుంది. 

తంహిని ఘాట్ (Tamhini Ghat)

తంహిని ఘాట్​ వర్షాకాలంలో పూర్తిగా పచ్చదనంతో నిండిపోతుంది.  జలపాతాల అందాలు, అడవి దారులు, మల్షీ డ్యామ్, దేవ్​కుండ జలపాతాలు ఇక్కడ ముఖ్య ఆకర్షణగా నిలుస్తున్నాయి. జల్లులు పడే సమయంలో పొగమంచుతో కూడిన అందాలు మిమ్మల్ని కట్టిపడేస్తాయి. 

మహద్ (Mahad)

పచ్చదనంతో నిండి ఉంటే ఈ చారిత్రాత్మక పట్టణం.. రాయ్​గడ్ కోటకు ప్రసిద్ధి చెందింది. వర్షాకాలంలో ఈ ప్లేస్​కి వెళ్తే మీరు చుట్టూ ఉండే ప్రకృతి అందాలతో పాటు.. ఫోర్ట్​లో టైమ్ స్పెండ్ చేయవచ్చు. 

మాల్షెజ్ ఘాట్ (Malshej Ghat)

ఇది ముంబై లేదా పూణె నుంచి 120 నుంచి 130 కిలోమీటర్ల దూరంలో ఉంటుంది. ఇక్కడ మీకు ఎన్నో జలపాతాలు కనిపిస్తాయి. అంతేకాకుండా ఇక్కడ మీరు ఫ్లెమింగో బర్డ్స్​ కూడా చూడవచ్చు. పింపళ్​గావ్ జోగా డ్యామ్, శివనేరి కోటర, వాటర్​ఫాల్స్ మీకు మంచి వ్యూలను అందిస్తాయి. 

సతారా – కాస్ పీట (Kaas Plateau) 

కాస్ పీటను మహారాష్ట్రలో 'వాలీ ఆఫ్ ఫ్లవర్స్' అని పిలుస్తారు. ఎందుకంటే జూలై చివరి నుంచి సెప్టెంబర్ మధ్య వరకు పువ్వులతో ఈ ప్రదేశం రంగుల పండుగలా మారుతుంది. తోషెఘర్ జలపాతాలు 200 మీటర్ల ఎత్తు నుంచి పడుతూ.. కళ్లకు ఆనందాన్ని ఇస్తాయి.

వీటితో పాటు కాలుష్యం లేని మాతెరన్​కి, మహబలేశ్వర్ వంటి ప్రదేశాలకు కూడా వెళ్లొచ్చు. అయితే మీరు ఈ ప్రదేశాలకు వెళ్లేముందు అక్కడ పరిస్థితి గురించి పూర్తిగా తెలుసుకుని ప్రయాణం చేస్తే మంచిది. లేకుంటే జారిపోవడం, పొగమంచు ఎక్కువగా ఉంటే ఇబ్బంది ఎదుర్కోవచ్చు. అలాగే రెయిన్ జాకెట్స్, వాటర్ ప్రూఫ్ షూలు, స్నాక్స్ తీసుకువెళ్తే మంచిది. ట్రిప్​ సమయంలో ఇబ్బంది కలుగకుండా ఫస్ట్ ఎయిడ్ కిట్ కూడా తీసుకెళ్తే మంచిది. 

మరిన్ని చదవండి

వర్షాకాలంలో ఇండియాలో టూర్​కి వెళ్లేందుకు అనువైన ప్రదేశాలు ఇవే.. ట్రిప్ ప్లాన్ చేసేసుకోండి

సోలో ట్రిప్​కి వెళ్లాలనుకుంటే ఇండియాలో బెస్ట్ ప్లేస్​లు ఇవే.. ఈ ఏడాదైనా వెళ్లొచ్చేయండి