Blood from Tree: వీడియో - ఓ మై గాడ్, ఈ చెట్టు నుంచి రక్తం కారుతోంది, మీ కళ్లను మీరే నమ్మలేరు!

ఈ చెట్టును కోస్తే రక్తం వస్తుంది. అదెలా సాధ్యం అనుకుంటున్నారా? అయితే మీరు యెమెన్‌లోని ఈ దీవిని సందర్శించాల్సిందే.

Dragon Blood Tree/Unsplash

ఏదైనా చెట్టు లేదా మొక్కను కోస్తే తెల్లని పదార్థం లేదా నీరు, జిగురులాంటి పదార్థం వస్తుందనే సంగతి తెలిసిందే. అయితే, ఈ చెట్టును కొడితే మాత్రం రక్తం.. ప్రవాహంలా కారిపోతోంది. అదేం చిత్రం.. అలా ఎందుకు జరుగుతోందనేగా మీ సందేహం? అయితే, మీరు ఈ డ్రాగన్ బ్లడ్ ట్రీ గురించి తెలుసుకోవల్సిందే. 

ఈ డ్రాగన్ బ్లడ్ ట్రీ నుంచి రక్తం కారడాన్ని చూసి చాలామంది.. దాన్ని దెయ్యాల చెట్టుగా భావించేవారు. ఆ చెట్టుకు ముట్టుకుంటే చనిపోతారని చెప్పేవారు. దీంతో చాలామంది ఆ చెట్టును ముట్టుకోలేదు. అయితే, మరికొందరు మాత్రం అలాంటి చెట్లు తమ ప్రాంతంలో ఉండటం ప్రమాదకరమనే ప్రచారం చేశారు. దీంతో చాలామంది ఆ చెట్లను కొట్టేశారు. ఫలితంగా ఆ చెట్లు అరుదైన వృక్ష జాతుల్లో ఒకటిగా మిగిలిపోయాయి. 

అది రక్తమేనా?: ఎర్రగా ఉండే ద్రవాలన్నీ రక్తం కాదనే సంగతి మనకు తెలిసిందే. కానీ, ఆ చెట్టు నుంచి వచ్చే ఎర్రని ద్రవాన్ని చూస్తే మీరు అదే అనుకుంటారు. ఓ మై గాడ్ చెట్టేంటి రక్త కన్నీరు కారుస్తుందని అంటారు. వాస్తవానికి ఆ చెట్టు నుంచి వచ్చేది రక్తం కాదు. అది ఆ చెట్టులో ఉండే ఎర్రటి జిగురు. అయితే, అది ఎక్కువ పలుచగా ఉండటం వల్ల.. కత్తిరించగానే రక్తంలా కారుతుంది. శాస్త్రీయంగా Dracaena cinnabari అని పిలుస్తారు. ఈ చెట్టు అరేబియా సముద్రంలో యెమెన్ తీరంలో సోకోట్రా ద్వీపసమూహంలో మాత్రమే పెరుగుతుంది. 

ఔషద గుణాలు పుష్కలం: ‘డ్రాగన్ బ్లడ్ ట్రీ’లో ఎన్నో ఔషద గుణాలు ఉన్నాయట. పూర్వికులు దీన్ని ‘సిన్నబార్’ అని పిలిచేవారట. క్రీస్తు శకం 60వ శతాబ్దం నుంచి ఈ చెట్టుతో అనేక వ్యాపారాలు చేసేవారట. ఈ చెట్టు నుంచి వచ్చే సహజమైన ఎరుపు జిగురును లిప్‌స్టిక్, వయోలిన్ వార్నిష్‌ల కోసం ఉపయోగించేవారు. ఈ చెట్టు 18 మీటర్లు (60 అడుగులు) కంటే ఎక్కువ పొడవు, 6 మీటర్లు (20 అడుగులు) వెడల్పుతో పెరుగుతుంది. ఇది 650 సంవత్సరాల వరకు జీవించగలదు. డ్రాగన్ చెట్ల కొమ్మలు ఒక పెద్ద పుట్టగొడుగు లేదా గాలి గొడుకు తరహాలో ఉంటాయి. 

రూపాన్ని కోల్పోతున్న చెట్లు: ఈ చెట్టు నుంచి విడుదలయ్యే ఎరుపు రసాన్ని లేదా రెసిన్‌ను డ్రాగన్ రక్తం అని పిలుస్తారు. మీరు ఈ చెట్టును కత్తిరించినట్లయితే ఎర్రటి రెసిన్ బయటకు వస్తుంది. ఇది రక్తస్రావం తరహాలోనే ఉంటుంది. అంతేకాదు ఈ చెట్టుకు కాసే పండ్లు కూడా చాలా విలువైనవి. వాటిని ‘డ్రాగన్ బ్లడ్ ట్రీ బెర్రీస్’ అంటారు. పశువులను ఆరోగ్యంగా ఉంచేందుకు ఈ బెర్రీలు ఉపయోగపడతాయట. ప్రస్తుతం ఈ జాతి చెట్లు ప్రమాదంలో ఉన్నాయి. వాతావరణ మార్పుల వల్ల ఈ చెట్లు క్రమేనా అంతరించిపోతున్నాయి. ఇప్పుడు పెరుగుతున్న చెట్లు గొడుగు ఆకారంలో ఉండటం లేదు.  

అంతరించి పోయే స్థితిలో..: 2008లో ఈ చెట్లు పెరుగుతున్న సోకోత్రా ద్వీపసమూహ ప్రాంతాన్ని యునెస్కో  ప్రపంచ వారసత్వ ప్రదేశంగా ప్రకటించింది. కానీ, ఈ ప్రాంతంలోని చెట్లు దాదాపు ఎండిపోతున్న పరిస్థితిలో ఉన్నాయి. గ్లోబల్ ట్రీస్ నివేదికల ప్రకారం.. డ్రాగన్ బ్లడ్ చెట్టు 2080 నాటికి 45% వరకు నశించిపోయే అవకాశం ఉంది. స్కుండ్ నేచర్ అభయారణ్యం విస్తరించినట్లయితే ఈ చెట్లు మరింత కాలం జీవించే అవకాశం ఉంది. లేకపోతే ఈ రక్తం కారే చెట్టు గురించి పుస్తకాల్లో చదువుకోవలసి వస్తుంది. 

Also Read: తగ్గేదేలే, కొత్త పెళ్లికొడుకు అత్యాశ ఫలితం, 20 రోజులుగా అంగస్తంభన, ఇక జీవితాంతం అంతేనట!