Diabetes-Friendly Diet : డయాబెటిస్ ఫ్రెండ్లీ డైట్.. బ్లడ్లో షుగర్ని కంట్రోల్ చేయడానికి దీనిని ఫాలో అయిపోండి
Foods to Reduce Blood Sugar : డయాబెటిస్తో ఇబ్బంది పడుతున్నారా? అయితే బ్లడ్లో షుగర్ లెవెల్స్ని కంట్రోల్ చేయడానికి ఎలాంటి డైట్ ఫాలో అయితే ఇప్పుడు చూసేద్దాం.
Diabetic Meal Plan : మధుమేహం ఉన్నవారు ఏ ఫుడ్ తీసుకోవాలన్నా కాస్త ఆలోచించాలి. అలాగే వారు బరువు పెరగకుండా మధుమేహాన్ని కంట్రోల్లో ఉంచే డైట్ని ఫాలో అవ్వాల్సి ఉంటుంది. బ్లడ్లో షుగర్ని కంట్రోల్ చేస్తూ హెల్తీగా ఉంచగలిగే డైట్ కోసం చూస్తున్నారా? అయితే ఈ సింపుల్ డైట్ని ఫాలో అయిపోండి. వారానికి సరిపడా ఉదయం నుంచి రాత్రి వరకు ఎలాంటి ఫుడ్ తీసుకోవాలో ఇక్కడ ఉంది.
సోమవారం
ఉదయాన్నే మెంతుల నీటితో ప్రారంభించాలి. వీటిని రాత్రుళ్లు నానబెట్టుకుని ఉదయాన్నే తాగాలి. నానబెట్టిన బాదంల 5 తినాలి. బ్రేక్ఫాస్ట్లో మిల్లెట్ ఇడ్లీ తినొచ్చు. స్నాక్గా జామపండు, మధ్యాహ్న భోజనంలో మిల్లెట్స్, సాంబార్, బీట్ రూట్, కీరదోస ముక్కలు తీసుకోవాలి. స్నాక్స్ సమయంలో సున్నుండ తినొచ్చు. డిన్నర్లో స్ప్రౌట్స్ సలాడ్, సాంబార్ తినొచ్చు.
మంగళవారం
ఉదయాన్నే బూడిద గుమ్మడి జ్యూస్తో ప్రారంభించాలి. మిల్లెట్ దోశను పల్లీ చట్నీతో కలిపి తీసుకోవచ్చు. స్నాక్గా యాపిల్, భోజన సమయంలో మిల్లెట్ కిచిడీ, సోయా కర్రీ, సలాడ్ తీసుకోవాలి. సాయంత్రం స్నాక్ సమయంలో బటర్ మిల్క్ తాగొచ్చు. రోటీ, సోయా కర్రీ, పెరుగు తీసుకోవచ్చు.
బుధవారం
మెంతినీరు, 5 బాదంతో రోజును ప్రారంభించవచ్చు. బ్రేక్ఫాస్ట్గా రాత్రి పెరుగుతో కలిపి పెట్టిన చద్దన్నం తినొచ్చు. దీనిలో రైస్ తక్కువ, నీరు ఎక్కువ, పెరుగు తక్కువ మోతాదులో ఉండేలా చూసుకోవాలి. దానిమ్మను డైట్లో మార్నింగ్ స్నాక్గా తీసుకోవాలి. చనా మసాలా కర్రీని రెండు పుల్కాలతో భోజనం తీసుకోవాలి. శనగలను ఉడికించి తాళింపు వేసి స్నాక్గా తీసుకోవచ్చు. డిన్నర్ సమయంలో చనా మసాల కర్రీని, కూరగాయలు ఉడికించి ఫ్రై చేసుకుని తినాలి.
గురువారం
బూడిద గుమ్మడి జ్యూస్తో రోజును ప్రారంభించాలి. బ్రేక్ఫాస్ట్గా మొలకెత్తిన పెసలతో దోస చేసుకుని చట్నీతో తినొచ్చు. పుచ్చకాయను స్నాక్గా తీసుకోవాలి. బ్రౌన్ రైస్ను పాలకూర పప్పుతో కలిపి క్యాబేజ్ ఫ్రైతో కలిపి తినొచ్చు. పల్లీలను ఉడికించి తాళింపు వేసుకుని స్నాక్గా తీసుకోవచ్చు. పప్పు పాలకూరను పెసలతో చేసిన దోశలతో తినొచ్చు.
శుక్రవారం
మెంతినీరు, నానబెట్టిన 5 బాదంలతో రోజు ప్రారంభించాలి. గోధుమ రవ్వ ఉప్మాను కూరగాయలతో కలిపి తీసుకోవాలి. ఖర్బూజ పండును స్నాక్గా తినొచ్చు. మిల్లెట్ రైస్ను రసంతో కలిపి తినొచ్చు. క్యారెట్, బీన్స్ కలిపి ఫ్రై చేసుకుని భోజనంలోనే కలిపి తీసుకోవాలి. సాయంత్రం స్నాక్స్గా నట్స్ తినాలి. చపాతీని క్యారెట్, బీన్స్ ఫ్రైని డిన్నర్లో తీసుకోవచ్చు.
శనివారం
బూడిద గుమ్మడి జ్యూస్ తీసుకుని గ్యాప్ ఇచ్చి బ్రేక్ఫాస్ట్గా పనీర్ పోహా తీసుకోవాలి. స్నాక్గా ఆరెంజ్, మధ్యాహ్నం వెజిటెబుల్ కిచిడి, క్యారెట్ రైతాను లంచ్కోసం తీసుకోవచ్చు. ఈవెనింగ్ స్నాక్గా పాప్కార్న్ తినొచ్చు. పనీర్ బుర్జీని చపాతీతో కలిపి డిన్నర్ ముగించాలి.
ఆదివారం
మెంతి నీరు, బాదంతో రోజును ప్రారంభించాలి. ఆమ్లెట్, ఉడికించి ఫ్రై చేసుకున్న వెజిటెబుల్స్ను బ్రేక్ఫాస్ట్గా తీసుకోవాలి. దానిమ్మను స్నాక్గా, మిల్లెట్స్ను చికెన్ కర్రీ లేదా గుడ్డు కూరతో కలిపి తినొచ్చు. సాయంత్రం స్నాక్గా యోగర్ట్, దానిమ్మ కలిపి తీసుకోవాలి. రాత్రి డిన్నర్కి బ్రకోలి సూప్, ఉడికించిన వెజిటెబుల్స్తో కలిపి తీసుకోవాలి.
ఈ డైట్ని ఫాలో అవుతూ వైద్యులు సూచించిన మందులు వేసుకోవాలి. అలాగే లైఫ్స్టైల్లో వ్యాయామాన్ని కూడా చేర్చుకోవాలి. ప్రతి మీల్ తర్వాత కాస్త కీరదోస తింటే కూడా మంచిదే. కాబట్టి ఉదయం, మధ్యాహ్నం, రాత్రి భోజనం తర్వాత కీరదోసను తినేలా ప్లాన చేసుకోండి. ఇవి కేవలం అవగాహన కోసమే. మీరు నిపుణుల సలహాలు తీసుకుని ఆ డైట్ని ఫాలో అయినా మంచి ఫలితాలుంటాయి.
Before You Go
Simple Yoga for Body Fat | చెడు కొవ్వును సింపుల్ యోగాసనాలతో దూరం చేయండి
టాప్ హెడ్ లైన్స్
ట్రెండింగ్ వార్తలు
