Overnight Oats Recipe : కోకో పౌడర్తో ఓవర్నైట్ ఓట్స్.. బరువు తగ్గాలనుకునేవారికి టేస్టీ బ్రేక్ఫాస్ట్
Cocoa Powder Overnight Oats : బరువు తగ్గాలనుకునేవారు.. స్వీట్స్ కంట్రోల్ చేసుకోవాలనుకునేవారు టేస్టీగా, హెల్తీగా తినాలనుకుంటే ఓవర్ నైట్ ఓట్స్ ట్రై చేయవచ్చు. మరి వీటిని ఎలా ప్రిపేర్ చేసుకోవాలో తెలుసా?

- కోకో ఓవర్నైట్ ఓట్స్ రుచికరమైన, ఆరోగ్యకరమైన అల్పాహారం, రాత్రి సిద్ధం.
- ఓట్స్, కోకో పౌడర్, పాలు, చియా సీడ్స్ రాత్రంతా నానబెట్టండి.
- అరటిపండు, నట్స్ కలిపి ఉదయం తింటే కడుపు నిండుగా ఉంటుంది.
- బరువు తగ్గడానికి ఓట్స్ మాత్రమే కాక, జీవనశైలి కూడా ముఖ్యం.
Overnight Oats With Cocoa Powder : బరువు తగ్గాలని అనుకున్నప్పుడు చాలామంది ముందుగా ఆహారంలో మార్పులు చేసుకుంటారు. అయితే దీనిలో భాగంగా రుచిగా ఉండే ఆహారాన్ని పూర్తిగా మానేయాల్సిన అవసరం లేదు. ఆరోగ్యకరమైన పదార్థాలతో టేస్టీ ఫుడ్ తయారు చేసుకోవచ్చు. అలాంటి వాటిలో కోకో పౌడర్తో చేసే ఓవర్నైట్ ఓట్స్ కూడా ఒకటి. టేస్టీ, హెల్తీ బ్రేక్ఫాస్ట్ కోసం మీరు హ్యాపీగా ట్రై చేయవచ్చు. రాత్రే సిద్ధం చేసుకుంటే ఉదయాన్నే ఎలాంటి హడావుడి లేకుండా తినేయవచ్చు. మరి ఈ రెసిపీని ఎలా తయారు చేసుకోవాలో, కావాల్సిన పదార్థాలు ఏంటో చూసేద్దాం.
కోకో పౌడర్ ఓవర్నైట్ ఓట్స్కు కావాల్సిన పదార్థాలు
ఓట్స్ - అర కప్పు
పాలు - అర కప్పు
కోకో పౌడర్ - 1 టీస్పూన్
చియా సీడ్స్ - 1 టీస్పూన్
అరటిపండు - సగం
బాదం లేదా వాల్నట్స్ - కొద్దిగా
తేనె - 1 టీస్పూన్
Also Read : మహిళలు రోజూ బ్రేక్ఫాస్ట్ చేయాలి అంటోన్న నిపుణులు.. మానేస్తే వచ్చే ప్రధాన సమస్యలు ఇవే
కోకో పౌడర్ ఓవర్నైట్ ఓట్స్ తయారీ విధానం
ముందుగా ఒక గిన్నె లేదా మూత ఉన్న గాజు జార్ తీసుకోవాలి. అందులో ఓట్స్ వేసుకోవాలి. వీలైతే రోల్డ్ ఓట్స్ తీసుకోండి. ఇవి పాలను పీల్చుకుని రాత్రంతా నానిన తర్వాత మెత్తగా మారతాయి. ఈ ఓట్స్లో కోకో పౌడర్ వేసి బాగా కలపాలి. దీనివల్ల ఓట్స్కు చాక్లెట్ రుచి వస్తుంది. అదనపు చక్కెర ఎక్కువగా కలపకుండా కూడా రుచిగా తయారు చేసుకోవచ్చు. ఇప్పుడు పాలు, చియా సీడ్స్ వేసి బాగా కలపాలి. మిశ్రమం మరీ గట్టిగా అనిపిస్తే కొద్దిగా పాలు వేసుకోండి.
ఇప్పుడు జార్కు మూత పెట్టి ఫ్రిజ్లో రాత్రంతా ఉంచండి. పగలు చేసుకుంటే కనీసం 6 గంటలు ఫ్రిజ్లో ఉంచాలి. ఈ సమయంలో ఓట్స్, చియా సీడ్స్ పాలను పీల్చుకుని మెత్తగా మారతాయి. ఉదయాన్నే దీన్ని ఫ్రిజ్లో నుంచి తీసి బాగా కలపాలి. ఆ తర్వాత అరటిపండు ముక్కలు, బాదం లేదా వాల్నట్స్ వేసుకుని సర్వ్ చేసుకోవాలి. స్వీట్ కావాలనుకుంటే తక్కువ పరిమాణంలో తేనె కలుపుకోవచ్చు. అంతే.. టేస్టీ కోకో ఓవర్నైట్ ఓట్స్ రెడీ.
Also Read : బ్రేక్ఫాస్ట్ మానేస్తే నిజంగానే బరువు తగ్గుతారా? ఎవరు అస్సలు మానకూడదు
బరువు తగ్గడానికి హెల్ప్ చేస్తుందా?
ఈ ఓవర్ నైట్ ఓట్స్ కడుపు నిండిన భావన కలిగిస్తాయి. ఓట్స్లో ఫైబర్ ఉంటుంది. ఇది జీర్ణక్రియకు సహాయపడటంతో పాటు ఎక్కువసేపు కడుపు నిండిన భావన కలిగించవచ్చు. దీంతో కొందరికి క్రేవింగ్స్ తగ్గుతాయి. పాలలో ప్రోటీన్ ఉంటుంది. యోగర్ట్ లేదా చియా సీడ్స్ను కలిపి తీసుకుంటే మరిన్ని పోషకాలు అందుతాయి. కోకో పౌడర్ వల్ల చాక్లెట్ రుచి వస్తుంది. కాబట్టి స్వీట్లు తినాలనిపించినప్పుడు హెల్తీగా దీనిని తీసుకోవచ్చు.
గుర్తించుకోవాల్సిన విషయాలు
ఓవర్నైట్ ఓట్స్ ఆరోగ్యకరమైన బ్రేక్ఫాస్ట్ అయినప్పటికీ.. వీటిని తినడం వల్ల మాత్రమే బరువు తగ్గరని గుర్తించుకోవాలి. రోజంతా మీరు తీసుకునే మొత్తం క్యాలరీలు, శారీరక శ్రమ, నిద్ర వంటి అంశాలు కూడా బరువుపై ప్రభావం చూపుతాయి. కాబట్టి తేనె, చక్కెర, నట్స్ను అధికంగా కలపకుండా మీ అవసరానికి తగిన పరిమాణంలో తీసుకోవాలి.
Also Read : ఉదయాన్నే నానబెట్టిన బాదం తింటే ఆరోగ్యానికి, అందానికి కలిగే లాభాలు ఏంటి? రోజుకు ఎన్ని తినాలి?
టాప్ హెడ్ లైన్స్
ట్రెండింగ్ వార్తలు






















