Halim Seeds : ఉదయాన్నే హలీమ్ సీడ్స్ తింటే కలిగే లాభాలు.. ఎలా తీసుకోవాలి? ఎవరెవరు జాగ్రత్తపడాలి?
Garden Cress Seeds : ఈ మధ్యకాలంలో చియా సీడ్స్ కాకుండా.. ఆరోగ్య ప్రయోజనాల కోసం ట్రెండ్ అవుతున్నాయి హలీమ్ సీడ్స్. వీటిని తింటే కలిగే లాభాలు ఏంటి? ఎలా తీసుకుంటే మంచిదో చూసేద్దాం.
- హలీమ్ గింజలు ఐరన్, కాల్షియం, ఫైబర్, ప్రోటీన్లతో నిండిన అద్భుతమైన ఆహారం.
- ఇవి రక్తహీనతను తగ్గిస్తాయి, జీర్ణక్రియను మెరుగుపరుస్తాయి, బరువు తగ్గడంలో సహాయపడతాయి.
- ఎముకల ఆరోగ్యాన్ని పెంచుతాయి, చక్కెర స్థాయిలను నియంత్రిస్తాయి, గుండెను కాపాడతాయి.
- నానబెట్టిన గింజలను ఉదయాన్నే తీసుకోవడం, మితంగా వాడటం మంచిది.
ఆకృతిలో చిన్నగా కనిపించే హలీమ్ సీడ్స్.. ఆరోగ్యానికి ఎన్నో అద్భుతమైన పోషకాలు అందిస్తాయి. అందుకే వీటిని సోషల్ మీడియాలో ఇన్ఫ్లూయెన్సర్స్ కూడా ప్రమోట్ చేస్తున్నారు. ఇది ట్రెండ్ అవుతున్న టాపిక్ కాబట్టి.. చాలామందిలో ఈ హాలీమ్ సీడ్స్ గురించిన క్యూరియాసిటీ పెరిగింది. నిజంగా ఇవి ఆరోగ్యానికి మంచివా? లేక ట్రెండ్ కోసం వీడియోలు చేస్తున్నారా? అనే డైలామాలో ఉన్నారు. కానీ ఇవి నిజానికి ఆరోగ్యానికి మేలు చేస్తాయని ఆరోగ్య నిపుణులు చెప్తున్నారు. ఐరన్, కాల్షియం, ఫైబర్, ప్రోటీన్ సమృద్ధిగా ఉండే వీటిని తీసుకుంటే మంచిదని.. ముఖ్యంగా ఉదయాన్నే తీసుకుంటే మరింత లాభమని అంటున్నారు. ఇవి ఎంతవరకు నిజమంటే..
హలీమ్ సీడ్స్ బెనిఫిట్స్
హలీమ్ సీడ్స్ తింటే హీమోగ్లోబిన్ పెరుగుతుంది. ఐరన్ పుష్కలంగా ఉండే ఈ సీడ్స్.. అనీమియా ఉన్నవారికి మంచి ఫలితాలు ఇస్తాయి. ఫైబర్ ఎక్కువగా ఉండి మలబద్ధకం తగ్గిస్తుంది. జీర్ణక్రియ మెరుగవుతుంది. ఎక్కువసేపు కడుపు నిండుగా ఉండేలా చేసి.. బరువు తగ్గడంలో సహాయం చేస్తుంది. ఇమ్యూనిటీని పెంచి.. సీజనల్ వ్యాధుల నుంచి రక్షణ ఇవ్వడంలో హెల్ప్ చేస్తాయి. కాల్షియం బోన్ హెల్త్ని మెరుగు చేస్తుంది. గ్లూకోజ్ అబ్జార్ప్షన్‌ను స్లో చేసి.. షుగర్ లెవల్స్ కంట్రోల్‌లో ఉంచుతుంది. కొలెస్ట్రాల్ తగ్గించి గుండె ఆరోగ్యాన్ని కాపాడుతుంది. మహిళల హార్మోనల్ సమస్యలు తగ్గుతాయి. జుట్టు రాలడం తగ్గించి.. బలాన్ని అందిస్తాయి. ఉదయాన్నే తింటే రోజంతా యాక్టివ్గా ఉంటారు.
ఎలా తీసుకుంటే మంచిది?
హలీమ్ సీడ్స్ నానబెట్టి తీసుకుంటే చాలా మంచిది. రాత్రుళ్లు పడుకునే ముందు.. 1 టీ స్పూన్ హలీమ్ సీడ్స్ను నీటిలో నానబెట్టాలి. వాటిని ఉదయాన్నే ఖాళీ కడుపుతో తీసుకోవాలి. వీటిని పాలు లేదా మజ్జిగలో కూడా కలిపి తీసుకోవచ్చు. లడ్డూల రూపంలో లేదా డ్రింక్గా కూడా తీసుకోవచ్చు.
రోజుకు ఎంత తీసుకోవచ్చు?
రోజులో హలీమ్ సీడ్స్ 1 లేదా 2 టీ స్పూన్లు తీసుకుంటే చాలు. ఎక్కువగా తీసుకుంటే జీర్ణ సమస్యలు పెరుగుతాయి. నీటిలో నానబెట్టకుండా తీసుకోవడం కూడా మంచిది కాదు. లేదంటే జీర్ణ సమస్యలు వస్తాయి. దీనిలో బీపీని తగ్గించే గుణాలు ఉన్నాయి. కాబట్టి బీపీ తక్కువగా ఉన్నవారు తీసుకునేప్పుడు జాగ్రత్తగా ఉండాలి. షుగర్ లెవల్స్ చాలా తగ్గిపోకుండా జాగ్రత్తలు తీసుకోవాలి.
ఎవరెవరు తీసుకోకూడదంటే..
హలీమ్ సీడ్స్ ఆరోగ్యానికి మంచివే అయినా.. గర్భిణీలు అధికంగా తీసుకోకూడదు. చిన్నపిల్లలకి ఇవ్వాలనుకుంటే కచ్చితంగా డాక్టర్ సలహా తీసుకోవాలి. అలాగే సెన్సిటివ్ స్టమక్ ఉన్నవారు, కొన్ని రకాల మందులు తీసుకునేవారు వైద్యుల సూచనలతో మాత్రమే తీసుకోవాలి. కాబట్టి మీరు కూడా నిపుణుల సలహాలు తీసుకుని.. ఈ చిన్ని సీడ్స్ని మీ డైట్లో యాడ్ చేసుకుని లాగించేయవచ్చు.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
టాప్ హెడ్ లైన్స్
ట్రెండింగ్ వార్తలు
