Life After Death : చనిపోయాక గుండె ఆగిపోయినా కూడా బ్రెయిన్ పని చేస్తుందా? కొత్త అధ్యయనంలో షాకింగ్ విషయాలు
Brain Activity Post-Death : మరణించిన తర్వాత ఓ వ్యక్తి ఎలా భావిస్తాడు? బ్రెయిన్ పనిచేస్తుందా? అనే విషయాలపై పరిశోధనలు చేశారు. ఈ స్టడీలో షాకింగ్ విషయాలు బయటకొచ్చాయి. అవేంటంటే..
Brain Work After Death : చనిపోయిన తర్వాత మనిషి ఎలా ఫీల్ అవుతాడు.. మరణం తర్వాత కూడా బ్రెయిన్ పని చేస్తుందా? అనే అంశాలపై కొత్త పరిశోధనలో షాకింగ్ విషయాలు బయటపడ్డాయి. ఇవి కచ్చితంగా దిగ్భ్రాంతికి గురిచేస్తాయని అంటున్నారు పరిశోధకులు. న్యూయార్క్లోని NYU లాంగోన్ మెడికల్ సెంటర్కు చెందిన డాక్టర్ సామ్ పర్నియా.. మరణానంతరం మెదడు చురుగ్గా ఉంటుందా అనే దానిపై అధ్యయనం చేశారు. దీనిలో భాగంగా ఆయన బృందం US, UKలోని 25 ఆసుపత్రులలో గుండెపోటు నుంచి బయటపడిన 53 మందిని అధ్యయనం చేసింది.
మరణం ఎల్లప్పుడూ జీవితంలోని చివరి దశగా పరిగణిస్తారు. అయితే గుండె కొట్టుకోవడం ఆగిపోయిన తర్వాత.. ఒక వ్యక్తి స్పృహ ఆగిపోతుందని నమ్ముతారు. కానీ ఒక కొత్త శాస్త్రీయ అధ్యయనం దీనిని సవాలు చేసింది. గుండె ఆగిపోయిన తర్వాత కూడా మెదడు కొంతకాలం చురుకుగా పని చేస్తుందని.. అలాగే చనిపోయిన వ్యక్తి తన చుట్టూ ఉన్న సమాచారాన్ని గ్రహించగలడని పరిశోధన తెలిపింది. ఈ వాదన వినడానికి ఆశ్చర్యకరంగా మాత్రమే కాదు.. జీవితం, మరణం గురించి మన అవగాహనను పునరాలోచించుకునేలా చేస్తుంది.
కొత్త అధ్యయనం ఏం చెప్తోందంటే..
రీసస్సిటేషన్ జర్నల్లో ప్రచురితమైన ఈ అధ్యయనం గురించి ప్రచురించారు. గుండె కొట్టుకోవడం ఆగిపోయి క్లినికల్గా చనిపోయినట్లు ప్రకటించిన తర్వాత కొంతమందిలో CPR సమయంలో మెదడు కార్యకలాపాలు నమోదు అయ్యాయని నివేదిస్తుంది. పరిశోధకుల అభిప్రాయం ప్రకారం.. కొన్ని సందర్భాల్లో గుండె ఆగిపోయిన 35 నుంచి 60 నిమిషాల తర్వాత EEGలు గామా, డెల్టా, తీటా, ఆల్ఫా, బీటా.. మెదడు తరంగాల సంకేతాలను చూపించాయి. ఇవి సాధారణంగా ఆలోచన, అవగాహనతో సంబంధం ఉన్న అదే తరంగాలట.
హార్ట్ పేషెంట్లపై చేసిన ఈ పరిశోధనలో చాలామంది రోగులు హార్ట్ కొట్టుకోవడం ఆగిపోయిన తర్వాత కూడా జ్ఞాపకాలు, అనుభవాలను అనుభవిస్తున్నట్లు వారు నివేదించారు. గుండె ఆగిపోయిన 10 నిమిషాల తర్వాత శాశ్వత మెదడు దెబ్బతింటుందని గతంలో నమ్మేవారు.. కానీ CPR సమయంలో కూడా మెదడు విద్యుత్ కోలుకునే సంకేతాలను చూపించగలదని పరిశోధనలో కనుగొన్నట్లు డాక్టర్ పర్నియా చెప్పారు.
40 శాతం మందికి అవగాహన ఉందట..
అధ్యయనంలో పాల్గొన్న వారిలో దాదాపు 40 శాతం మంది కొంత స్థాయి వరకు అవగాహనను కలిగి ఉన్నట్లు నివేదించారు. కొందరు తమ శరీరాల నుంచి వేరు అయినట్లు.. ఆసుపత్రి గదిలో కార్యకలాపాలను చూస్తున్నట్లు లేదా గ్రహించినట్లు అనుభూతి చెందారని వివరించారు. ఈ అనుభవాలు కలలు, భ్రాంతులు లేదా భ్రమల నుంచి భిన్నంగా ఉన్నాయని పరిశోధకులు అంటున్నారు.
దీనిని బట్టి చూస్తే చనిపోయిన తర్వాత కూడా మనిషికి తన చుట్టూ ఏమి జరుగుతుందో అని తెలుస్తుంది. ఇది ఓ రకంగా కాస్త భయానికి గురిచేసే విషయమే అయినా.. శాస్త్రీయంగా మరింత బలంగా చెప్పేందుకు ఇంకా పరిశోధనలు చేయాల్సి ఉంది.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
టాప్ హెడ్ లైన్స్
ట్రెండింగ్ వార్తలు
