Weightlifting Benefits: బరువులు ఎత్తితే ఇన్ని లాభాలా? మీరు అస్సలు నమ్మలేరు

రకరకాల వ్యాయామ పద్ధతులు ఉన్నాయి. సాధారణ వాకింగ్ నుంచి యోగా, జిమ్ ప్రాక్టీస్ వరకు ఎన్నో రకాలు. అన్ని వ్యాయామాలు వాటి ప్రత్యేక ప్రయోజనాలు ఉంటాయి. వెయిట్ లిఫ్టింగ్ వల్ల కొన్నిఆరోగ్యప్రయోజనాలున్నాయట.

Representational image: Pexels

Source : Other

బరువులను ఎత్తడం వల్ల హార్మోన్లు సమతుల్యత కోల్పోకుండా ఉంటాయి. నిద్ర నాణ్యత పెరుగుతుంది. చర్మ ఆరోగ్యం కూడా మెరుగ్గా ఉంటుంది. మెటిమలు, ఇన్ప్లమేషన్ సమస్యలు తగ్గిపోతాయి. ముఖ్యంగా చర్మం సౌందర్యం మెరుగవటానికి వెయిట్ లిఫ్టింగ్ బాగా దోహదం చేస్తుందట.

వెయిట్ లిఫ్టింగ్ వంటి శక్తి వినియోగించే వ్యాయామాల ద్వారా కండరాలు బలోపేతం అవుతాయి. అంతేకాదు చర్మ ఆరోగ్యం కూడా మెరుగ్గా ఉంటుందట. ఇందుకు వెయిట్ లిఫ్టింగ్ ద్వారా రక్తప్రసరణ మెరుగు పడటమే కారణం. చర్మ కణాలకు రక్తం సరిపడినంత ప్రసరించడం వల్ల చర్మానికి తగినంత ఆక్సిజన్ అందుతుంది.

అంతేకాదు చర్మసౌందర్యానికి అవసరమయ్యే పోషకాలు కూడా తగినంత రక్తప్రసరణ ద్వారా చర్మానికి అందుతాయి. ఫలితంగా చర్మం రంగు సంతరించుకుని నిగనిగలాడుతుంది. బరువులెత్తే ప్రక్రియ శరరీంలో ఎండార్ఫిన్లు విడుదల చేసేందుకు తోడ్పడుతుంది. చెమట తగినంత రావడం వల్ల శరీరం డీటాక్స్ అవుతుంది. శరీరంలో వేడి కూడా తగ్గుతుంది.

రక్త ప్రసరణ

వెయిట్ లిఫ్టింగ్ వల్ల శరీరమంతటా రక్తప్రవాహం పెరుగుతుంది. మెరుగైన ప్రసరణ వల్ల చర్మ కణాలకు ఆక్సిజన్ ఇతర పోషకాలు తగినన్ని అందుతాయి. అందువల్ల చర్మం నునుపు తేలి అందంగా తయారవుతుంది.

ఒత్తిడి తగ్గుతుంది

వెయిట్ లిఫ్టింగ్ వల్ల శరీరంలో ఎండార్ఫిన్ల విడుదల పెరగుతుంది. ఒత్తిడి ప్రభావం చర్మం మీద చాలా ఎక్కువగా ఉంటుంది. మెటిమలు, హెక్సిమా వంటి సమస్యలను పెంచుతాయి. ఎండార్ఫిన్ల విడుదల శరీరంలో ఒత్తిడి వల్ల కలిగే నష్టాన్ని నివారిస్తుంది. ఫలితంగా చర్మ ఆరోగ్యం కూడా మెరుగ్గా ఉంటుంది.

టాక్సిన్ల విసర్జన

వెయిట్ లిఫ్టింగ్ సెషన్లలో చెమట ఎక్కువ పడుతుంది. చర్మం నుంచి టాక్సిన్లు చమట ద్వారా బయటకు విసర్జితమై చర్మం లోపలి నుంచి శుబ్ర పడుతుంది. ఫలితంగా చర్మంలో బ్రేక్ అవుట్స్ తగ్గిపోతాయి.

హార్మోన్లు

వెయిట్ లిఫ్టింగ్ తో సహా క్రమం తప్పకుండా రోజూ చేసే వ్యాయామాలు హార్మోన్ల పనితీరును మెరుగ్గా ఉంచుతాయి. హార్మోన్ల అసమతుల్యత వల్ల ఏర్పడిన చర్మ సమస్యలు వెయిట్ లిఫ్టింగ్ తో తగ్గిపోతాయి.

స్కిన్ ఎలాస్టిసిటి

బరువులు మొయ్యడం వల్ల కండరాలు బలోపేతం అవుతాయి. ఇలా కండరాలు బలంగా ఉండడం వల్ల చర్మానికి తగినంత సపోర్ట్ దొరికి ఎలాస్టిసిటి మెరుగ్గా ఉంటుంది. చర్మం మీద త్వరగా ముడతలు రావు.

నిద్ర నాణ్యత

వెయిట్ లిఫ్టింగ్ తో సహా వ్యాయామం క్రమం తప్పకుండా చేసినపుడు స్లీప్ ప్యాటర్న్ సర్దుకుంటుంది. వ్యాయామం వల్ల శారీరక శ్రమ కలిగి నిద్ర నాణ్యత పెరుగుతుంది. చర్మ కణాలు ఆరోగ్యంగా ఉండేందుకు మెరుగైన నిద్ర చాలా అవసరం.

ఓవరాల్ హెల్త్

వెయిట్ లిఫ్టింగ్ ద్వారా రక్తనాళాలు, గుండె పనితీరు కూడా మెరుగవుతుంది. రోగ నిరోధక వ్యవస్థ బలోపేతం అవుతుంది. రోజు వారీ వ్యాయామంలో వెయిట్ లిప్టింగ్‌ను కూడా చేర్చుకుంటే చర్మం, కండరాలు, రక్తనాళాలు, గుండె, హార్మోన్లు ఇలా అన్ని రకాల జీవక్రియలు మెరుగుపడుతాయి.