UPSC ESE 2024 Results: యూపీఎస్సీ ఇంజినీరింగ్ సర్వీసెస్ ఎగ్జామినేషన్-2024 తుది ఫలితాలు విడుదల, డైరెక్ట్ లింక్ ఇదే

UPSC ESE Results: ఇంజినీరింగ్ సర్వీసెస్ ఎగ్జామినేషన్‌ - 2024 తుది ఎంపిక ఫలితాలను యూపీఎస్సీ విడుదల చేసింది. మొత్తం 206 మంది అభ్యర్థులు ఉద్యోగాలకు ఎంపికయ్యారు.

UPSC - ఇంజినీరింగ్ సర్వీసెస్ తుది ఫలితాలు

Source : ABPLIVE AI

UPSC Engineering Services Examination Main 2024 Final Results: యూపీఎస్సీ ఇంజినీరింగ్ సర్వీసెస్ ఎగ్జామినేషన్-2024 తుది ఫలితాలను యూనియన్ పబ్లిక్ సర్వీస్ కమిషన్ నవంబరు 23న విడుదల చేసింది. అధికారిక వెబ్‌సైట్‌లో ఫలితాలను అందుబాటులో ఉంచింది. అభ్యర్థులు వెబ్‌సైట్ ద్వారా తమ ఫలితాలను చూడవచ్చు. పీడీఎఫ్ ఫార్మాట్‌లో బ్రాంచ్‌లవారీగా ఫలితాలు అందుబాటులో ఉన్నాయి. ప్రధాన పరీక్షలో అర్హత సాధించిన అభ్యర్థులకు ఇంటర్వ్యూ/పర్సనాలిటిటీ టెస్ట్ నిర్వహించిన తర్వాత.. తాజాగా ఫలితాలను విడుదల చేశారు. ప్రభుత్వం పేర్కొన్ని మొత్తం 251 పోస్టులకుగాను 206 మంది అభ్యర్థులను ఉద్యోగాలకు ఎంపికచేశారు. ఇందులో సివిల్ ఇంజినీరింగ్-92, మెకానికల్ ఇంజినీరింగ్-18, ఎలక్ట్రికల్ ఇంజినీరింగ్-26, ఎలక్ట్రానిక్స్ & టెలికమ్యూనికేషన్ ఇంజినీరింగ్-70 మంది ఎంపికయ్యారు. 

UPSC - ఇంజినీరింగ్ సర్వీసెస్ తుది ఫలితాల కోసం క్లిక్ చేయండి..

బ్రాంచ్‌లవారీగా టాపర్లు వీరే..

➥ సివిల్ ఇంజినీరింగ్ బ్రాంచ్‌లో రోహిత్ దోంగే టాపర్‌గా నిలిచాడు. రెండు, మూడు ర్యాంకుల్లో హర్షిత్ పాండే, లక్ష్మీకాంత్ నిలిచారు.

➥ మెకానికల్ ఇంజినీరింగ్ బ్రాంచ్‌లో మునీష్ కుమార్ టాపర్‌గా నిలిచాడు. రెండు, మూడు ర్యాంకుల్లో రాజేశ్ కసానియా, గొల్లంగి సతీశ్ నిలిచారు.

➥ ఎలక్ట్రికల్ ఇంజినీరింగ్ బ్రాంచ్‌లో రజన్ కుమార్ టాపర్‌గా నిలిచాడు. ఆ తర్వాత రెండు, మూడు స్థానాల్లో సత్యం చంద్రకాంత్ ఖైర్నర్, ప్రియాన్షు ముద్గల్ నిలిచారు.

➥ ఎలక్ట్రానిక్స్ & టెలికమ్యూనికేషన్ ఇంజినీరింగ్ విభాగంలో హిమాన్షు తప్లియాల్ టాపర్‌గా నిలిచాడు. ఆ తర్వాత రెండు, మూడు స్థానాల్లో యశస్వీ విజయ్‌ వర్గియా, ఉన్నతి చన్‌సోరియా నిలిచారు.

దేశవ్యాప్తంగా ఇండియన్ రైల్వే సర్వీసెస్, ఇండియన్ రైల్వే స్టోర్స్ సర్వీసెస్, సెంట్రల్ ఇంజినీరింగ్, టెలికామ్, ఇండియన్ ఆర్డినెన్స్ ఫ్యాక్టరీస్ లాంటి కేంద్ర ప్రభుత్వ సంస్థల్లోని ఇంజినీర్ ఉద్యోగాల భర్తీకి యూనియ‌న్ పబ్లిక్ స‌ర్వీస్ క‌మిష‌న్ గతేడాది సెప్టెంబరు 6న నోటిఫికేషన్ విడుదల చేసిన సంగతి తెలిసిందే. ఈ పోస్టుల భర్తీకి సెప్టెంబరు 6 నుంచి 26 వరకు ఆన్‌లైన్ దరఖాస్తులు స్వీకరించారు. దేశవ్యాప్తంగా ప్రధాన నగరాల్లో ఫిబ్రవరి 18న ఇంజినీరింగ్ సర్వీసెస్ ప్రిలిమ్స్ పరీక్ష నిర్వహించారు. ఈ ఫలితాలను మార్చి 28న యూపీఎస్సీ విడుదల చేసింది. ప్రిలిమ్స్‌లో అర్హత సాధించిన అభ్యర్థులకు జూన్ 23న మెయిన్ పరీక్ష నిర్వహించారు. ఈ పరీక్ష ఫలితాలు జులై 30న విడుదలచేశారు. మెయిన్ పరీక్షలో అర్హత సాధించిన అభ్యర్థులకు అక్టోబరు 7 నుంచి నవంబరు 5 వరకు స్టేజ్‌-3(పర్సనాలిటీ టెస్ట్‌-ఇంటర్వ్యూ), మెడికల్‌ ఎగ్జామినేషన్‌, ధ్రువపత్రాల పరిశీలన నిర్వహించారు. ఈ ప్రక్రియ పూర్తవడంతో తాజాగా మెయిన్ తుది ఫలితాలను యూపీఎస్సీ విడుదల చేసింది. 

పోస్టుల వివరాలు..

* ఇంజినీరింగ్ సర్వీసెస్ ఎగ్జామినేషన్ - 2024

పోస్టుల సంఖ్య: 251 (సివిల్, మెకానిక‌ల్, ఎల‌క్ట్రిక‌ల్, ఎల‌క్ట్రానిక్స్ అండ్ టెలీక‌మ్యూనికేష‌న్).

సంస్థలు: ఇండియన్ రైల్వే సర్వీసెస్, ఇండియన్ రైల్వే స్టోర్స్ సర్వీసెస్, సెంట్రల్ ఇంజినీరింగ్, ఇండియన్ ఆర్డినెన్స్ ఫ్యాక్టరీస్ సర్వీసెస్, సెంట్రల్ ఇంజినీరింగ్ సర్వీసెస్, సర్వే ఆఫ్ ఇండియా, బోర్డర్ రోడ్ ఇంజినీరింగ్ సర్వీసెస్, ఇండియన్ డిఫెన్స్ సర్వీసెస్, ఎంఈఎస్ సర్వేయర్ క్యాడర్, నావెల్ అర్మామెంట్ సర్వీసెస్, జూనియర్ టెలికమ్ ఆఫీసర్ (టెలికమ్ సర్వీసెస్).