TS TET Hall Ticket 2022: తెలంగాణ టెట్ హాల్‌టికెట్లు విడుదల, జూన్ 12న ఎగ్జామ్ - హాల్ టికెట్ ఇలా డౌన్‌లోడ్ చేసుకోండి
TS TET Hall Tickets 2022 Download: తెలంగాణ ప్రభుత్వం టీచర్ ఎలిజిబిలిటీ టెస్ట్ హాల్ టికెట్లు విడుదల చేసింది. జూన్ 12న టీఎస్ టెట్ యథాతథంగా నిర్వహించనున్నట్లు స్పష్టం చేసింది.
TS TET Hall Ticket 2022: తెలంగాణలో టెట్ నిర్వహణకు ఎన్ని ఆటంకాలు ఎదురైనా సరే ప్రభుత్వం వెనక్కి తగ్గేది లేదని మరోసారి స్పష్టం చేసింది. రైల్వే రిక్రూట్ మెంట్ ఎగ్జామ్ అదే రోజున ఉందని పరీక్ష వాయిదా వేయాలని అభ్యర్థులు కోరినా, ఆపై మంత్రి కేటీఆర్ సూచించినా విద్యాశాఖ మంత్రి సబితా ఇంద్రారెడ్డి మాత్రం టెట్ నిర్వహణ యథాతథంగా జరుగుతుందని చెప్పారు. ఈ క్రమంలో రాష్ట్రంలో టీచర్ పోస్టుల భర్తీ కోసం ఎదురుచూస్తున్న వారికి గుడ్ న్యూస్ వచ్చింది. టెట్ అభ్యర్థులకు హాల్ టికెట్లు నేటి నుంచి అందుబాటులోకి రానున్నాయి. అధికారిక వెబ్‌సైట్ https://tstet.cgg.gov.in/ నుంచి అభ్యర్థులు హాల్ టికెట్లు డౌన్‌లోడ్ చేసుకోవాలని సూచించారు.
హాల్ టికెట్లకు డైరెక్ట్ లింక్..
తెలంగాణ ప్రభుత్వం టీచర్ ఎలిజిబిలిటీ టెస్ట్ నోటిఫికేషన్‌ కొన్ని రోజుల కిందట విడుదల చేసింది. సూచించిన ప్రకారం అభ్యర్థులు మార్చి 26 నుంచి ఏప్రిల్ 12 వరకు దరఖాస్తు చేసుకున్నారు. జూన్ 12న టెట్ ఎగ్జామ్ నిర్వహణకు అంతా సిద్ధం చేశారు. టెట్ పూర్తయిన తర్వాత టీచర్ పోస్టుల భర్తీకి రిక్రూట్‌మెంట్ ఎగ్జామ్ జరగనుంది. పరీక్ష తేదీలో ఏ మార్పు లేదని అభ్యర్థులకు విద్యా వాఖ మరోసారి స్పష్టం చేసింది. Click Here To Download TS TET Hall Ticket 2022
ఈ ఏడాది టెట్ అర్హతలు, నిర్వహణకు సంబంధించి కొన్ని మార్పులు జరిగాయి. జాతీయ ఉపాధ్యాయ విద్యామండలి ఆదేశాల మేరకు తెలంగాణ ప్రభుత్వం ఈ మార్పులు చేసింది. గతంలో డిప్లొమా అభ్యర్థులు టెట్ పేపర్ 1 రాసేవారు. గతంలో బీఈడీ అభ్యర్థులు టెట్ పేపర్ 2 మాత్రమే రాసే అవకాశం ఉండేది. కానీ ఈసారి బీఈడీ అభ్యర్థులు (B.ed Candidates) కూడా టెట్ పేపర్ 1 రాసే అవకాశం కల్పించారు.
ఈ ఏడాది టెట్‌లో జరిగిన మార్పుల కారణంగా పేపర్ 1, పేపర్ 2 కలిపి మొత్తం 3,79,101 మంది అభ్యర్ధులు టెట్ 2022కు దరఖాస్తు చేసుకున్నారు. టెట్ పరీక్ష జూన్ 12 న మొత్తం 33 జిల్లాల్లో జరగనుంది. జూన్ 27న ఫలితాలు విడుదల చేయనున్నట్లు షెడ్యూల్‌లో ప్రకటించారు. కాగా, పేపర్-1, పేపర్-2 రెండు పరీక్షలు ఒకటే రోజు జరగనున్నాయి. పేపర్ -1 ఉదయం 9:30 గంటల నుంచి 12 గంటలకు, పేపర్-2 పరీక్ష మధ్యాహ్నం 2:30 నిముషాల నుంచి 5 గంటల వరకు నిర్వహిస్తారు. ఇటీవల తెలంగాణ ప్రభుత్వం ఉద్యోగ భర్తీకి ప్రకటన చేయగా.. టీచర్ పోస్టులున్నాయి. సెకండరీ ఎడ్యుకేషన్‌లో 13,086 పోస్టులు, 6,500 సెకండరీ గ్రేడ్‌ టీచర్ పోస్టులు, స్కూల్ అసిస్టెంట్ పోస్టులు 2000, ల్యాంగ్వేజ్ పండిట్ పోస్టులు 600 వరకు ఉన్నాయి. వీటి భర్తి నేపథ్యంలో టెట్ నిర్వహణకు తెలంగాణ ప్రభుత్వం నిర్ణయం తీసుకుంది.
టాప్ హెడ్ లైన్స్
ట్రెండింగ్ వార్తలు
