అన్వేషించండి

TGPSC Group 2 Exams: గ్రూప్‌-2 పరీక్ష వాయిదా, అధికారిక ప్రకటన విడుదల చేసిన టీజీపీఎస్సీ

TGPSC: తెలంగాణలో గ్రూప్ - 2 పరీక్షలు వాయిదాపడ్డాయి. ప్రభుత్వ నిర్ణయం మేరకు.. ఆగస్టు 7, 8 తేదీల్లో నిర్వహించాల్సిన పరీక్షలను డిసెంబరుకు వాయిదావేస్తున్నట్లు కమిషన్ అధికారిక ప్రకటన విడుదల చేసింది.

Written By : Omprakash | Updated at : 20 Jul 2024 10:05 AM (IST)

tgpsc has released official webnote regarding to group2 exams reschedule TGPSC Group 2 Exams: గ్రూప్‌-2 పరీక్ష వాయిదా, అధికారిక ప్రకటన విడుదల చేసిన టీజీపీఎస్సీ

TGPSC - గ్రూప్-2 పరీక్షలు రీషెడ్యూలు

TGPSC Group2 Exam Postponed: తెలంగాణలో గ్రూప్-2 పరీక్షలను వాయిదావేయాలని ప్రభుత్వం నిర్ణయించిన సంగతి తెలిసిందే. అయితే జులై 19న సాయంత్రం గ్రూప్-2 పరీక్ష వాయిదాకు సంబంధించి తెలంగాణ పబ్లిక్ సర్వీస్ కమిషన్ (TGPSC) అధికారిక ప్రకటన విడుదల చేసింది. ఆగస్టు 7, 8 తేదీల్లో జరగాల్సిన గ్రూప్‌-2 పరీక్షలను డిసెంబర్‌కు రీషెడ్యూల్ చేయాలని నిర్ణయించింది. పరీక్షల నిర్వహణ తేదీని తర్వాత ప్రకటించనున్నట్లు టీజీపీఎస్సీ కార్యదర్శి నవీన్ నికోలస్ తెలిపారు. రాష్ట్రంలో మొత్తం 783 గ్రూప్-2 ఉద్యోగాలకు మొత్తం 5.51లక్షల మంది అభ్యర్థులు దరఖాస్తు చేసుకున్న సంగతి తెలిసిందే. అభ్యర్థులకు ఆగస్టు 7, 8 తేదీల్లో పరీక్షలు జరగాల్సి ఉండగా.. డిసెంబరులో పరీక్షలను నిర్వహించనున్నట్లు కమిషన్ ప్రకటించింది.

గ్రూప్-2 అభ్యర్థుల కోరిక మేరకు..
డీఎస్సీ, గ్రూప్-2 పరీక్షల మధ్య వారం రోజులు మాత్రమే వ్యవధి ఉండటంతో.. గ్రూప్-2 పరీక్షలు వాయిదా వేయాలంటూ అభ్యర్థుల ఆందోళనకు దిగిన విషయం తెలిసిందే. ఈ నేపథ్యంలో జులై 19న ఉదయం డిప్యూటీ సీఎం మల్లు భట్టి విక్రమార్క, ఎంపీలు మల్లురవి, కిరణ్ గ్రూప్-2 అభ్యర్థులతో చర్చలు జరిపారు. అనంతరం పరీక్షల వాయిదాపై నిర్ణయం తీసుకున్నారు.

గ్రూప్-3 పరీక్షలూ వాయిదా?
ఒకవైపు ఆగస్టులో జరగాల్సిన గ్రూప్-2 పరీక్షలను డిసెంబరుకు వాయిదావేయగా.. మరోవైపు 1,388 గ్రూప్-3 ఉద్యోగాల భర్తీకి నవంబరులో నిర్వహించనున్న రాతపరీక్షలను కూడా వాయిదాపడే అవకాశం ఉంది. ముందుగా ప్రకటించిన షెడ్యూలు ప్రకారం.. నవంబర్ 17, 18 తేదీల్లో గ్రూప్ -3 పరీక్షలు నిర్వహించాల్సి ఉంది. రాష్ట్రవ్యాప్తంగా గ్రూప్-3 పోస్టులకు మొత్తం 5 లక్షల మందికి పైగా అభ్యర్థులు దరఖాస్తు చేసుకున్నారు. ఒకవేళ పరీక్షలు వాయిదాపడితే.. వచ్చే ఏడాది జనవరి లేదా ఫిబ్రవరిలో నిర్వహించే అవకాశం ఉంది.

TGPSC Group 2 Exams: గ్రూప్‌-2 పరీక్ష వాయిదా, అధికారిక ప్రకటన విడుదల చేసిన టీజీపీఎస్సీ

తెలంగాణలోని ప్రభుత్వ శాఖల్లో ఖాళీగా ఉన్న 783 'గ్రూప్-2' పోస్టుల భర్తీకి 2022, డిసెంబరు 29న నోటిఫికేషన్ విడుదల చేసిన సంగతి తెలిసిందే. ఈ నోటిఫికేషన్ ద్వారా మున్సిపల్ కమిషనర్, ఏసీటీవో, తహసిల్దార్, సబ్-రిజిస్ట్రార్, అసిస్టెంట్ రిజిస్ట్రార్, అసిస్టెంట్ లేబర్ ఆఫీసర్, మండల పంచాయతీ అధికారి, ప్రొహిబిషన్ & ఎక్సైజ్ సబ్ ఇన్‌స్పెక్టర్, అసిస్టెంట్ డెవలప్‌మెంట్ ఆఫీసర్, అసిస్టెంట్ సెక్షన్ ఆఫీసర్, డిస్ట్రిక్ట్ ప్రొబేషన్ ఆఫీసర్, అసిస్టెంట్ బీసీ డెవలప్‌మెంట్ ఆఫీసర్, అసిస్టెంట్ ట్రైబల్ వెల్ఫేర్ ఆఫీసర్, అసిస్టెంట్ సోషల్ వెల్ఫేర్ ఆఫీసర్ పోస్టులను భర్తీ చేయనున్నారు.

* గ్రూప్-2 పోస్టుల వివరాలు

మొత్తం ఖాళీల సంఖ్య: 783

1) మున్సిపల్ కమిషనర్ (గ్రేడ్-3): 11 పోస్టులు

విభాగం: మున్సిపల్ అడ్మినిస్ట్రేషన్ డిపార్ట్‌మెంట్.

2) అసిస్టెంట్ కమర్షియల్ టాక్స్ ఆఫీసర్ (ఏసీటీవో): 59 పోస్టులు

విభాగం: కమిషనర్ ఆఫ్ స్టేట్ టాక్సెస్ డిపార్ట్‌మెంట్.

3) నాయబ్ తహసిల్దార్: 98 పోస్టులు

విభాగం: ల్యాండ్ అడ్మినిస్ట్రేషన్ డిపార్ట్‌మెంట్.

4) సబ్-రిజిస్ట్రార్ (గ్రేడ్-2): 14 పోస్టులు

విభాగం: రిజిస్ట్రేషన్ అండ్ స్టాంప్స్ డిపార్ట్‌మెంట్.

5) అసిస్టెంట్ రిజిస్ట్రార్: 63 పోస్టులు

విభాగం: కంట్రోల్ ఆఫ్ కమిషనర్- కోఆపరేషన్ & రిజిస్ట్రార్ ఆఫ్ కోఆపరేటివ్ సొసైటీస్.