RBI Assistant scorecard 2023: ఆర్‌బీఐ అసిస్టెంట్ ప్రిలిమ్స్ స్కోరుకార్డు విడుదల, డౌన్‌లోడ్ చేసుకోండి
RBI: ఆర్‌బీఐ అసిస్టెంట్ పోస్టుల భర్తీకి నిర్వహించిన ప్రిలిమినరీ పరీక్ష స్కోరుకార్డులు అందుబాటులోకి వచ్చాయి. రిజర్వ్ బ్యాంక్ ఆఫ్ ఇండియా జనవరి 31న మార్కుల షీట్‌ను విడుదల చేసింది.
RBI Assistant Scorecard: ఆర్‌బీఐ అసిస్టెంట్ పోస్టుల భర్తీకి నిర్వహించిన ప్రిలిమినరీ పరీక్ష స్కోరుకార్డులు అందుబాటులోకి వచ్చాయి. రిజర్వ్ బ్యాంక్ ఆఫ్ ఇండియా జనవరి 31న మార్కుల షీట్‌ను విడుదల చేసింది. అభ్యర్థులు తమ రిజిస్ట్రేషన్ నెంబరు/రూల్ నెంబరు, పాస్‌వర్డ్/పుట్టినతేది వివరాలు నమోదుచేసి స్కోరుకార్డు డౌన్‌లోడ్ చేసుకోవచ్చు. జులై 31 వరకు స్కోరుకార్డులు అందుబాటులో ఉండనున్నాయి. మెయిన్ పరీక్షలకు సంబంధించిన స్కోరుకార్డులను ఫలితాలు వెల్లడించిన తర్వాత విడుదలచేస్తారు.
Download RBI Assistant Prelims Score Card 2023
దేశవ్యాప్తంగా ఆర్‌బీఐ శాఖల్లో అసిస్టెంట్ పోస్టుల భర్తీకి సెప్టెంబరు మొదటివారంలో నోటిఫికేషన్ విడుదల చేసిన సంగతి తెలిసిందే. ఈ నోటిఫికేషన్ ద్వారా 450 ఉద్యోగాలు భర్తీ చేయనున్నారు. ఈ ఉద్యోగాల భర్తీకి సెప్టెంబరు 13న దరఖాస్తు ప్రక్రియ ప్రారంభంకాగా.. అక్టోబర్‌ 4 వరకు దరఖాస్తులు స్వీకరించారు.
అభ్యర్థులకు నవంబరు 18, 19 తేదీల్లో ప్రిలిమినరీ పరీక్ష నిర్వహించారు. ఈ పరీక్ష ఫలితాలను డిసెంబరు 15న విడుదల చేశారు. ప్రిలిమినరీ పరీక్షలో అర్హత సాధించిన అభ్యర్థులకు డిసెంబరు 31న మెయిన్స్ పరీక్ష నిర్వహించారు. మెయిన్స్ పరీక్ష ఫలితాలు వెల్లడికావాల్సి ఉంది. తాజాగా ప్రిలిమినరీ పరీక్షకు సంబంధించిన స్కోరుకార్డును ఆర్‌బీఐ విడుదలచేసింది. ఎంపికైన అభ్యర్థులు దేశవ్యాప్తంగా ఉన్న ఆర్‌బీఐ శాఖల్లో విధులు నిర్వర్తించాల్సి ఉంటుంది. ఉద్యోగాలకు ఎంపికైనవారికి నెలకు రూ.20,700 నుంచి రూ.55700 జీతంగా ఇస్తారు.
పోస్టుల వివరాలు..
➥ అసిస్టెంట్ పోస్టులు
ఖాళీల సంఖ్య: 450
శాఖల వారీగా ఖాళీలు..
➥ అహ్మదాబాద్: 13
➥ బెంగళూరు: 58
➥ భోపాల్: 12
➥ భువనేశ్వర్: 19
➥ చండీగఢ్: 21
➥ చెన్నై: 01
➥ గువాహటి: 26
➥ హైదరాబాద్: 14
➥ జైపుర్: 5
➥ జమ్మూ: 18
➥ కాన్పుర్ & లక్నో: 55
➥ కోల్‌కతా: 22
➥ ముంబయి: 101
➥ నాగ్‌పుర్: 19
➥ న్యూఢిల్లీ: 28
➥ పట్నా: 01
➥ తిరువనంతపురం & కొచ్చి: 16.
పరీక్ష విధానం..
* ప్రాథమిక పరీక్ష(ఆబ్జెక్టివ్‌)లో ఇంగ్లిష్‌ లాంగ్వేజ్‌(30 ప్రశ్నలు- 30 మార్కులు), న్యూమరికల్‌ ఎబిలిటీ(35 ప్రశ్నలు- 35 మార్కులు), రీజనింగ్‌ ఎబిలిటీ(35 ప్రశ్నలు- 35 మార్కులు) అంశాల్లో ప్రశ్నలు అడుగుతారు. మొత్తం 100 ప్రశ్నలకు 100 మార్కులు కేటాయించారు. పరీక్ష వ్యవధి 60 నిమిషాలు.
* ప్రధాన పరీక్ష(ఆబ్జెక్టివ్‌)లో రీజనింగ్‌(40 ప్రశ్నలు- 40 మార్కులు), ఇంగ్లిష్‌ లాంగ్వేజ్‌(40 ప్రశ్నలు- 40 మార్కులు), న్యూమరికల్‌ ఎబిలిటీ(40 ప్రశ్నలు- 40 మార్కులు), జనరల్‌ అవేర్‌నెస్‌(40 ప్రశ్నలు- 40 మార్కులు), కంప్యూటర్‌ నాలెడ్జ్‌(40 ప్రశ్నలు- 40 మార్కులు) అంశాల్లో ప్రశ్నలు అడుగుతారు. మొత్తం 200 ప్రశ్నలకు 200 మార్కులు కేటాయించారు. పరీక్ష వ్యవధి 135 నిమిషాలు.
* మెయిన్స్ పరీక్షల్లో అర్హత సాధించిన అభ్యర్థులు లాంగ్వేజ్‌ ప్రొఫిషియన్సీ టెస్ట్‌ (ఎల్‌పీటీ) రాయాల్సి ఉంటుంది. పరీక్ష సంబంధిత రాష్ట్రంలోని అధికారిక భాషలో నిర్వహిస్తారు.
నోటిఫికేషన్, ఇతర వివరాల కోసం క్లిక్ చేయండి..
ALSO READ:
అసిస్టెంట్ లోకో పైలట్ ఉద్యోగాలకు వయోపరిమితి పెంపు, పరీక్షల షెడ్యూలు వెల్లడి
దేశవ్యాప్తంగా వివిధ రైల్వే జోన్లలో అసిస్టెంట్ లోకో పైలట్(ఏఎల్‌పీ) కొలువులకు ఆర్‌ఆర్‌బీ ఇటీవల నోటిఫికేషన్ విడుదల చేసిన సంగతి తెలిసిందే. ఈ నోటిఫికేషన్‌లో అభ్యర్థుల వయోపరిమితిని 18-30 సంవత్సరాలుగా పేర్కొన్నారు. అయితే వయోపరిమితిని మూడేళ్లు పెంచుతున్నట్లు రైల్వేశాఖ అధికారిక ప్రకటన విడుదల చేసింది. తాజా నిర్ణయం ప్రకారం ఏఎల్‌పీ పోస్టులకు దరఖాస్తు చేసుకునే అభ్యర్థుల వయసు జులై 1 నాటికి 18-33 సంవత్సరాలలోపు ఉండాలని తెలిపింది.
పూర్తివివరాల కోసం క్లిక్ చేయండి..
టాప్ హెడ్ లైన్స్
ట్రెండింగ్ వార్తలు
